JEREMIAH 46:21 - Cho Bible Common Language 2016

²¹ Ani naw ang vah ah gakap gui cu am gein kaa ah kyak ciah seihta ah mäih ah kyak ci gui nei. Ngami cu kä ng’düi hlawt, kä ng’tu hlawt ci gui; ami van ng’hlat ne dawng ci gui. Ami ng’ziin nak ah hnüüp, ami di nak ah akhin cu gawk lawk ci nei.

JEREMIAH 46:21 Referans Kwoze

JEREMIAH 46:5

“Cun ung phi a i ang ka hmuh?” cine Bawipa ka ng’shik ci. “Ngami cu kyih nak vai täng ah ng’hlat ci gui nei. Ami gakap gui ami m’ghuih gui nei; kyih nak awn ami näng gui nei, ngami cu ami dawng hningah dawng ci gui nei. Ami hnu ah kä mang ba ci gui nei.

2 GHANGPUGHANG GUI 7:6

Bawipa naw Sirian gui ah ng’yak vai ah ng’se gui la yatha gui awn lawk ciah gakap ak chün ah mäih ah k’aw cu ng’thang sak khäta, Israel ghangpughang naw Hittit la Egypt ghangpughang gui ng’vat sei ami gakap gui naw tu law gui ciah ngai ci gui.

MIKHAH 7:4

Akni pi la akbä pi gui cu ng’hling ah mäih ah akholä ah kyak ci gui. Khanpughi naw ngäng ci gui ah prophet gui am thu a pyen nak ah mäih ah chang gui am kyuk nak gui vah ah hnüüp gawk lawk ci nei. Ngami cu ng’thääk yawp ci gui nei.

OBADIAH 1:13

Kei ah ka mang gaw ung kä na luh vai, ami geinvai nak kä na khih nak gui vai, ami leibei mah hnüüp ung ami bühmang man kä nami süsawng vai.

AMOS 6:4

Ih phak ak hnip ung ng’yän ne, sei hta la htome hta ah sa ei ne na om cu, a i hlawk ah kyih vai ah kyak ci ang?

HOSEA 9:7

M’kyuk nak ah akhin cu gawk lawk ci nei. Chang gui naw ami gah vai cu gah khai gui. Cun gui a gawk law ung Israel gui naw hmat khai gui. Nangmi naw nami pyen ci, “Shin ah prophet cu ak gu nei. Shin ah mümcha naw akbe ah chang cu ak gu ah kyak ci nei.” A i ah kyasei ci ung nami kat nak cu dishum aih ci nei.

JEREMIAH 50:27

Ami gakap gui avan ngawn vä! ngawn gui yawp vä! Babilonia Chang gui cu ng’ziin pyi ci gui nei!

ISAIAH 34:7

Chang gui cu seipat k’zäng ah mäih, vantang nong ah mäih ah kyu ne ng’täng khai gui, khomdek cu si bäng ah sen ne, ami thai naw küm khai.

SAM 37:13

Cun ung phi Bawipa naw changshe cu gaih tuk ci. A i ah kyasei ci ung, ngami cu kä sho pha sei di khai gui ah ani naw hmat ci.

2 SAMUEL 10:6

Ammonit chang gui naw David cu ami ga ah kyak khai ah ci pyi ci gui ah hmat u neta, Bethrehob la Zobah ungka Sirian gakap phia phia goi, Tob ungka chang phia phia la m’ku, Maakah ghangpughang la a chang phia gha cu ng’vat ci gui.

EZEKIEL 35:5

“Nang cu Israel gui ah ng’täi ciah ga ah na kyak ci, ngami leigai ami gah khin la ami katnak ah phäh ah m’kyuk nak ami gah khin ung, a chang gui cu na ngawn sak gui ci.

JEREMIAH 50:11

Bawipa naw pyen ci, “Babilonia chang gui, kei ah ka pakhui cu nami na gut ci nei. Nangmi cu htang leh ciah seipat ah mäih, hi ciah ng’se ah mäih ah nami yeikyai ci,

JEREMIAH 46:9

Thumkhän vä, ng’se gui cu hteit u sä yatha gui ng’phiui u sä! Gakap gui tüi vä: Sudan la Libya ung chang gui shawi kawt ci gui, Lydia ung likap thei gui!”

JEREMIAH 18:17

Kei naw ka chang gui cu ami ga ah ma ah kiang khokhi naw m’vut a zon ah mäih ah ka püi sak gui khai. Kei naw ngami ka hnu na gui khai; leigai a law ung kei naw kä ka m’htei gui khai.”

ISAIAH 10:3

Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

NG'THU K'THUUK~ 15:17

Khawtsheng neta thui-an ei cu, ng’gen tu neta meh nga ei ah ta bä tuba ci.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

MATTHE 22:4

ghangpughang naw ak changshäm gui tüi ba mä gui ne,’ mü ei ei vai kya lawk ci nei, sei gui phi ngawn pyi nei, ei awk ghet vai kyak ci kyasei, hta m’um nak ah law tuh hlah vä,” cine ng’khü sak gui ci.

JEREMIAH 46:22

Ga gui ah gakap gui naw ami k’et law gui ung Egypt gui cu k’phyu ah mäih ah shiik ne dawng ci gui nei. Ngami naw ani cu ghei awn tuk ci gui, chang naw sing ghing gui chu ne,

JEREMIAH 48:44

Kyihkyawk nak ungka phyawng khai ah k’tha nak ci phung cu khui ung kyak khai, khui ungka kai law ba khai ah k’tha nak ci phung cu gui-cuun gui ung ng’awk khai, a i ah kyasei ci ung Moab ah di nak vai ah a khin cu Bawipa naw am hnüt pyi ah kyak ci.

JEREMIAH 49:8

Sedan chang gui, ng’hlat ne dawng vä, ng’thup vä! kei naw Esau ah htangshon gui cu ka m’di law gui khai nei, a i ah kyasei ci ung ngami ka m’kyuk nak gui vai ah akhin cu gawk lawk ci nei.

EZEKIEL 30:22

Cun kawn ah tuhbäi shin cu kei, uktu Bawipa naw ka pyen nei: kei cu Egypt ghangpughang ah ga ah ka kyak ci nei. Kei naw a kut goi ani nik hnih nik ciah kut la hnget pyi ciah kut — cu ka cheiuh lawk khai, khimsem cu ani ah kut ungka kya lawk khai.