Biblia Todo Logo
Bib sou entènèt

- Piblisite -




JEREMIAH 46:12 - Cho Bible Common Language 2016

12 Pakhui gui naw nami lü ng’aa cu ng’yak ci gui; nami kyah cu chang nü naw ng’yak ci. Gakap tumat cu ahei gakap ah khan ah kai ci, ani nik hnih m’dek ung kya lawk ci goi.

Gade chapit la Kopi




JEREMIAH 46:12
17 Referans Kwoze  

Akgai ah dawng cicu ashou nak ah kä gawk hlawt ci; gakap gui kä laut hlawt ci gui. Asiip täng, Euphratis ung ngami cu ng’täng ne kyuk ci gui.


“Judah cu thüi kyap ci; ani ah mang gaw gui cu sik ci gui, ani ah chang gui cu azä ne m’dek ung ng’zän ci gui, Jerusalem cu m’htei vai ah ng’khü ci.


Bawipa naw pyen ci, “Kei naw Egypt khaw kyong, ung ng’tuk ng’tuk sak gui khai. Ng’längna na ciah mang gaw gui cu humat latumat ng’tuk khai gui, ng’längna na ciah ghangpughang gui cu huham ng’cuh khai gui.


Bawipa naw, “Cun ah hnüüp ung Jerusalem ah nga ah m’kawt ung kyah ah k’aw gui cu nami ng’yak khai. Mawng gaw k’thai lam ah ng’hmum ci la khomhtung ah kai ne ng’güüt ciah k’aw cu nami ng’yak khai.


Bawipa naw pyen ci, “Babilon ung kyak ah k’aw cu ngai vä, khaw akyong ah adishum ah phäh ah thüi sei ah kyak ci nei.


Edom angkiak ah a kyak ung k’aw akdäm ah ng’ging sei, khomdek khan cu thüng khai, kyah ah k’aw cu Akaba tui ng’khep güt ah ng’yak vai kyak khai.


Heshbanla Elealeh ung chang gui cu kyap ci gui, ngami ah kyah cu Jahaz ah ka güt naw ng’yak nei; Cun cu Zoar chang gui naw ng’yak ci gui. Hnronaim la Eklath Shelishiyah ah ka naw phi ng’yak nei. Nimrim tui hta phi ket ci nei.


Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.


Kä sik ciah chang gui phi ami sa ang khe nu law püi sei, chang gui cu, ami Khanpughi naw am htei gui vai ah kyap ne ng’pa ci gui.


Sapyit tui kä om ba sei, chang gui lam yung ah m’lau ci gui. Zeikiai nak cu ng’pyi ne ng’khawn ci nei; cun cu khaw ung ka, ami maib sak nei.


Chang pakhui hei gui ah khanpughi gui nami ng’hlah shi nak awn nami phu nami ng’neim sak ci. Nangmi cu Assiria ung nami thüi ah mäih ah Egypt ung, nami thüi yai khai.


Ani naw pyen ci, “Teng vä! Tui gui cu a siiptäng ah ka tho lawk ci, a cun naw tuinu ah mäih ah ng’güt ne lin lawk khai. Cun naw khaw avan la acun ung om ci ng’nü, mang gaw gui la acun ung om ciah chang gui avan lin khai. Chang gui cu m’htei gui vai ah ng’khü khai gui; khomdek khan ah om ci chang ng’nü aknui ah kyap khai gui.


Babilon ang kyak ah a kyak ung cun ah k’awna khomdek avan thüng sak khai, ami kyah ah k’aw shan gui cu ahei pakhui khaw gui naw ng’yak khai gui.”


Ami bawi gui cu ng’hawh shaak u ne, Ma lam ah ng’phäi ne ng’vawn ci gui. Ng’tuk bik ci gui naw k’pang phye u ne, Shawi k’hleek ne ana ang tu vük ci gui.


Swiv nou:

Piblisite


Piblisite