JEREMIAH 46:10 - Cho Bible Common Language 2016

¹⁰ Shin cu m’gäi ciah uktu Bawipa ah hnüüp ah kyak ci nei; tuh ngawi ani naw phu tuk khai; tuh ngawi ani naw aga gui m’kyuk khai nei. Ani ah khimsen naw abe güt ung ei gui khai, a kyä güt ah ami si aw gui khai nei. Tuh ngawi m’gäi ci naw a ghuh ng’tha nak vai awn khawihnah ci nei. Asiip täng Euphratis ung ah kyak ci nei.

JEREMIAH 46:10 Referans Kwoze

THULÄÄN NAK 32:42

Ka m’la gui ung ami si ng’soi khai, Ka khim naw na hnungtuk püi ci avan ngawn khai, Kei nang’tuk püi ci phung a u kä ka m’düm khai. Leim ci gui la thawng kyum ci gui phi sik khai gui.

JOEL 1:15

Bawipa ah hnüüp cu ng’et ci nei, cun ah hnüüp ung m’gäi ci naw dishum nak law püi khai. Cun ah hnüüp ung a lawpüi vai cu kyih aih vai kyak ci nei!

JEREMIAH 46:2

Cun cu Egypt ung tün ci. Shin cu Egypt ghangpughang Neko ah gakap gui ah mawng ani naw a pyen ah kyak ci. Cun ah ghangpughang cu Babilonia ghangpughang Nebukhadnezzar naw, Jehoiakim Judah ghangpughang ah a kyak nak akum phli nak ung, Euphratis tuinu pei, kachemish ung a hnim ah kyak ci:

JEREMIAH 46:6

Akgai ah dawng cicu ashou nak ah kä gawk hlawt ci; gakap gui kä laut hlawt ci gui. Asiip täng, Euphratis ung ngami cu ng’täng ne kyuk ci gui.

LUKA 21:22

Cun cu “Hmakat m’kyuk nak ah hnüüp” ah kyak ci, ciah cacim ung kaa ang dang law nak ah kyak ci.

JOEL 2:1

Khanpughi ah theing ciah khomhtung Zion ah khan ah phyungheng tum vä, khingyan khawng vä. Judah chang gui ng’hlet vä! Bawipa ah hnüüp cu gawk law ge ci nei.

JEREMIAH 51:6

Babilonia ungka dawng vä! Nami ghin vai ah dawng vä! Babilonia ah katnak ah phäh ah kä ning ngawn cu gui u sä. Kei naw tuhbäi phu ka shui yah ci, ami chei ah phäh ka m’kyuk gui yah ci.

JEREMIAH 50:15

Mang gaw avan veing ne ng’tuk nak cu m’lau vä! Tuhbäi Babilon naw a kut chah ci nei. Akpaang gui cu m’shet ne gäi ci gui nei. Kei naw Babilonian gui ah khan ah phu ka tuk ci nei. Cun ah kyasei ngami ah khan ah phu tuh vä, chang hei gui ami om püi gui ah mäih ah om püi gui vä.

ISAIAH 63:4

Kei ah ka chang gui hun nak gui vai ah akhin cu gawk lawk ci nei, ciah kei naw ka k’bäi ci: cun cu ami ga gui m’kyuk nak gui vai ah akhin ah kyak ci —

ISAIAH 13:6

M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

2 GHANGPUGHANG GUI 24:7

Egypt ghangpughang la a gakap gui cu Egypt ah akpung ah hteit ne ng’tuk kä bi ba ci gui, a i ah kyasei ci ung Egypt ah khopäng Euphratis ungka naw a siiptäng Egypt khogii ung khüt ci avan cu Babilonian ghangpughang naw a kut shum ah kyak ci.

ISAIAH 61:2

Bawipa naw a chang gui a hun nak vai la Ami ga gui a tuk hnim nak gui vai ah akhin cu gawk law pyi ci nei, cine ng’thu ka shäu vai ah kei cu na tüi ci. Thüi kyap ci gui ami van k’büi gui vai ah kei cu na tüi ci,

JOB 24:1

A i ah kyasei Khanpughi naw ani ah khut bik ciah chang gui ah phäh ah ng’thumcha nak la taga nak ah a khin cu kä a m’hnüt law ang?

ISAIAH 31:8

Assiria cu ng’tuk nak ung di khai nei, cun ung phi cun cu chang ah huham awn ah kä kyak ci. Assirian gui cu ng’tuk nak ung dawng khai gui, ami changnong gui cu changshäm ah kyak sak khai gui.

JEREMIAH 12:12

Chang gui naw bung hmu khogui avan kan law u ne, gut tep khai gui ah lawk ci gui nei. Khaw avan m’di khai ah ng’tuk nak cu kei naw ka tüi lawk ci nei, a u phi dimdeeih sei kä om khai nei.

JEREMIAH 46:14

“Shin cu Egypt gawnu gui, mikdola, Memphis, la Tahpanhes ung ng’shäu vä: “Nami mät naw nami shung vong ge khai ah om vä; Nangmi ung om ci avan ng’tuk nak ung di khai nei!

JEREMIAH 50:18

Acun ah phäh ah kei, m’gäi ciah Bawipa, Israel khanpughi naw ghangpughang Nebukhadnezzar la a khopäng cu Assirian uktu bawi ka m’kyuk ah mäih ah ka m’kyuk khai.

EZEKIEL 21:28

“Hnicim chang, cängbang ä, kei, uktu Bawipa naw, Israel gui shedam na gui ciah Ammonit gui ka pyen nak gui cu ng’shäu ä. Na pyen nak gui vai cu: Khimsem cu m’di ge khai ah om ci nei: cun cu ngawn nak vai la lailäp ne vai khai ah m’tui pyi nei.

ZEKHARIAH 6:6

Ng’se ale naw a kaih ah yatha cu Babilonia a siiptäng ah hteit ci, abawk naw a kaih cu ak kheitäng ah hteit ci, a pyawk gui ah kaih cu a htumtäng khaw ah hteit ci gui.

ISAIAH 2:12

A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.