JEREMIAH 45:5 - Cho Bible Common Language 2016

⁵ Nami mät naw nami mät aktung ah bi nak cu nami shui ne ma? Kä nami ci vai. Kei naw hnicim chang avan ah khan ah leigai ka law püi ci, cun ung phi nangmi nami ghin nak läi cu a hawi nami hteh ung phi phyawng khai. Kei, Bawipa naw ka pyen ci.

JEREMIAH 45:5 Referans Kwoze

JEREMIAH 39:18

Kei naw ka ning phiawn sak gui khai, nangmi cu sih nak kä ning pe gui khai gui. Nangmi cu nami hnun gui phyawng khai, a I ah kyasei ci ung nang mi naw kei nami na ngaih a ci. Kei, Bawipa naw ka pyen nei.”

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

JEREMIAH 21:9

Mang gaw kyong ah k’pawih ba ciah chang phung ng’tuk nak ung ei ah cawi ne, natnak ung sik khai. Cun ung phi akpung ah hteit ne tuhbäi mang gaw tuk ci gui ah Babilonia gui ah ma ah a kut chah cicu kä ngawn khai gui; ngami cu ami hnun ghin nak läi phyawng khai.

ROMAN 12:16

Tumat la tumat nami ng’hteinghtang tu vai, kä nami m’ghäm’ce vai, yawken ciah bi phi nami bi vai, nami mät naw nami mät, nami hmuhmat aih ciah kä nami ngaih vai.

ZEPHANIAH 3:8

Bawipa naw, “Ging vä, pakhui gui m’di nak vai ah ka m’thawh nak ah hnüüp cu, ging vä. Pakhui gui la uknak khaw gui k’bum gui vai ah kei naw ka m’lung ka k’bäi pyi ci nei. Ka m’lungshe ah ang hüüt cu ka gah sak gui khai. Ka m’lungshe nak ah meidäi naw khomdek avan cu m’di yawp khai.

JEREMIAH 38:2

Kei naw ka m’then gui ah Bawipa naw a pyen ah ng’thu cu,” mang gawpyam nak ung sik khai. Cun ung phi akpung ah hteit ne Babilonian gui ah ma ah a kut chah ci phung cu kä ngawn khai gui; ngami cu ani hnun ghin nak läi cu phyawng khai gui”

2 GHANGPUGHANG GUI 5:26

Cun ung phi Elisha naw, “Cun ah chang nang ning hmuk khai ah yatha ungka, akyum law yah ung kei cu ng’mümcha awn acun ung ka om ciah kä kya se ang? Shin cu ngui ni, suinu ni, oliv-dum, sapyit dum ni, htome ni, seipat ni, changshäm ni dou nak vai ah akhin ah kä kyak ci nei.

ATÜNNAK 6:12

Khanpughi naw m’dek khan cu teng neta, akshe ah kyasei hmuk ci. Khomdek khan ung chang gui cu cheishoh yawp ci gui.

ISAIAH 66:16

Ani naw cheishoh u sei a hmuh ah khomdek khon chang avan cu mei la khim awn m’kyuk gui khai-chang akdaa cu ski khai gui.

1 GHANGPUGHANG GUI 3:9

Cun ah kyasei cüivai nak cu na peä, kei naw na chang gui taga khai ah ka uk vai hlü ci nei, akni la akshe ah ng’lakmah nak ka hmat vai hlü ci nei. Kä cunung, shin ah dämduh ciah na chang gui cu a i hawk cha ah kei naw ka uk thei khai aw?”

1 GHANGPUGHANG GUI 3:11

cun ah kyasei ani naw a pyen nak cu, “Akshou ghinnak, bühmang nak, na ga gui ah sih nak vai kä k’thäh ne, nang naw taga sei uknak ah cüivai nak, na k’thäh ci,

SAM 131:1

Bawipa, chang ah ka ng’shei nak cu ka nawng ci, chang yawshe nak phi ka ng’hlah tak ci. A tung khak ah phi kä ka kyak ci, khüikha nak gui vai phi kä ka yum ci.

JEREMIAH 25:31

Cun ah k’aw cu khocawi ah khüt ne shalawng khai. Bawipa naw changpakhui gui a hnungtuk püi nak gui vai amawng tumat om ci. Ani naw chang avan cu cet gui ne, changshe gui cu sih nak pe gui khai. Bawipa naw pyen ci.”

JEREMIAH 25:15

Bawipa, Israel khanpughi naw na pyen nak ci, shin ung sapyit tuikhap, kei ah m’lungshe nak awn be ci. La ne, kei naw ka ning tüih law ah changpakhui avan am awk sak gui ä.

JEREMIAH 25:16

Cun ami aw kung ngami hnungtuk püi gui khai ah kei naw ka tüih law ah ng’tuk nak awn ngami cu awktat u ne gu k’taak khai gui nei.”