JEREMIAH 45:4 - Cho Bible Common Language 2016

⁴ “Cun ung phi kei, Bawipa naw ka cawh cu phye ne, ka geit cu ka mawi ci nei kei naw shin ah khomdek avan ung ka bik khai nei.

JEREMIAH 45:4 Referans Kwoze

JEREMIAH 31:28

Kei naw m’htei ge ne phu ne mawi ne, m’hlaan ne m’di ne, ka maih sak gui ah mäih ah kei naw m’htei ge ne geit kaw ne cokyang ne ka ci ba gui khai.

JEREMIAH 1:10

Tuhngawi kei naw nang am changpakhui gui la uk nak kho gui cu angzung ah mawi ne, phu ne, m’di ne ghawt ne, cokyang ne geitkaw ne kyak ah huham cu ka ning pek ci nei.

JEREMIAH 11:17

“Kei, m’gäi ciah Bawipa naw,” Israel la Judah cu ka geit kaw gui khai; cun ung phi tuhbäi ami khan ah lei gai ka gawk sak khai. Ngami naw shin cu ami mät naw ami mät ah khan ah ami gawk sak ah kyak ci, a i ah kyasei ci ung ngami douthak nak awn kei cu na m’lungshe sak ci gui.

THULÄÄN NAK 28:63

Bawipa naw nangmi cu nami bühmang vai ah ning pyang gui ne, nami da vai ah ning pyang gui ne a yeikyai ah mäih ah nangmi ning m’di gui ne nami khan ah dishum nak vai law püi ne, yeikyai khai. Nami khäm vai ah khaw ungka ka ning mawi ba gui khai.

JEREMIAH 12:2

Nang naw geit gui ci sei, ngami ng’yung pya ci gui; ngami cu däm law ne m’theih tak lawk ci gui. Ngami naw nang ah mawng cu akni ah pyen ci gui, cun ung phi akcang ah a i ah kä ning ngai ci gui.

THUSHÄUTU 3:3

Ngawn nak ah khin om ne, gaisak nak ah khin om ci; phyet nak ah khin om ne, cawh nak ah khin om ci;

NG’ÄI KYAH 2:6

Ani mi khawihnah nak ah Taigüim cu ng’phyit khai ah ani naw m’di ci. Ani naw theingcim ciah hnüüp gui la pum nak hnüüp gui cu ng’pyi sak ci. Ghangpughang la taigü naw atäng ah ani ah k’tut nak ah m’lungshe nak cu khan ci gui.

HOSEA 2:14

Cun ah kyasei kei naw bung puk ah ka hteh püi ba mä khai. A cu ah kei naw m’hni nak ah ng’thu awn ka khü ba khai.