JEREMIAH 45:3 - Cho Bible Common Language 2016

³ nang naw na pyen ci, ‘Kei ka m’lung si ci nei! Kei ah azä nak ah khan ah Bawipa naw azä nak awn na m’khah ci nei, kei cu ka thüisei nak aih ah ka cümbawng ci nei, ng’düm nak vai kä ka hmuk ci nei.”

JEREMIAH 45:3 Referans Kwoze

KALATIAN 6:9

Cun ah kyasei kä cümbawng ne ak ni ah mi om ih khai: mikmi naw kä mi hnu ng’hlah taak ah a kyak ung, akhin a gawk law hnüüp ung a vuipai cu mi khäm khai.

2 KORIN 4:16

Shin ah mawng ung keimi a i yah ung phi kami tha kä maih khai nei. Ka mi pumsa cu a dängphai law ung phi ka mi mümcha cu ak hnüüp tä k’thai ba pi pi ci nei.

2 KORIN 4:1

Khanpughi naw chimgein nak awn a khuut bi vai ah na pe gui sei, k’tha dam nak vai a i kä om ci.

2 THESSALONIAN 3:13

Cun ung phi phäi nau gui aw, akni nami bi nak ah hmawk ah kä nami cümbawng phung vai nei.

NG’ÄI KYAH 3:32

Ani naw ayä nak ung na law püi gui khai, cun ung phi ani ah na m’hni nak gui cu ng’hteicha ne khüighat ci.

NG’ÄI KYAH 1:22

“Ami cheishoh nak avan ah phäh ah m’kat gui ä; Kei ah katnak gui na na m’kyuk ah mäih ah m’kyuk gui ä. Kei akyong ah ka ng’hlaw ei aih ci nei, kei ka m’lung kyong ah ka gaw ci nei.”

NG’ÄI KYAH 1:13

Ani naw akhan ah kaa mei tüi lawk ci, cun ah mei naw kei ah ka kyong cu na ui ci. Ani naw kei ah phäh ah cun cung neta, m’dek ung kei na law püi ci. Ani naw kei cu na m’kei neta, ng’täi ciah m’nehnak ung na nawng shüt ci.

JEREMIAH 9:1

Kalu cu tui shawk tui ah mäih, kamik gui cu tui hta lawng ah mäih ah a kyak vai ka ng’ya hlük ci, Cun ung kei cu ami ngawn gui ah ka chang gui ah phäh ah amü a hnüüp ka kyap hning khai nei.

JEREMIAH 8:18

Ka azä nak cu a u naw kä gai sak hlawt khai; kei ka m’lung ung ka gaw ci.

NG'THU K'THUUK~ 24:10

Nang cu küikyang ciah akhin ung na tha aken ung akcang ah na tha ken khai.

SAM 120:5

Nangmi ah ng’lung ah om cu Meshech khaw la Kedar chang gui ah ng’lung ah om tu ah mäih ah shek ci nei.

SAM 69:3

A na m’gein vai ah ng’khü ne ka cüm ci, ka dang phi ket ci nei. Ka mik awn kheing ne, na na m’htei nak cu ka shui ci nei.

SAM 27:13

A shui ah ka ghin yah ung Bawipa ah ni nak hmuh vai ah ka ghing khai ciah ka hmat ci nei.

SAM 6:6

Kei cu yaica ne ka tha maih ci nei; Amü tä sei ih phak ung ka awk gu ci. Ka ng’khumbei ung ka ng’phli li ci.

JEREMIAH 45:2

Bawipa, Israel khanpughi ah thu pyen, “Baruk,

SAM 6:7

Kei akni ah a i kä ka hmuk ci, ka kyah nak ka mik mü aih ci, cun cu ka ga gui ah ami na m’thüi su ah kyak ci.