JEREMIAH 44:4 - Cho Bible Common Language 2016

⁴ Kei naw ka changshäm gui prophet gui cu ka ning tüih lawk ci, ngami naw shnah kyihkyawk vai kyak cikei naw ka thüi nak gui cu kä nami bi vai ah ning m’thein gui ci.

JEREMIAH 44:4 Referans Kwoze

JEREMIAH 26:5

Kei naw nangmi am ka ning tüih law gui ah ka changshäm prophet gui ah ng’thu cu nami ngaih nak vai. Ngami ah pyen cu nangmi naw kä nami ngai phung ci.

JEREMIAH 7:25

Nami pupa gui Egypt kho ungka ami law ba ungka naw tuhbäi ung khüt ciah, kei ne ka changshäm gui, prophet gui nangmi am ka tüih law nak cu ka pang lä ci.

JEREMIAH 7:13

Nangmi naw shin ah katnak gui avan nami bik ci, kei naw leng ba ba ne ning thu püi gui ngä sei phi ma ne kä nami ngai ci. Kei naw ka ning khü gui ung nangmi naw kä nami m’shang ci.

ZEKHARIAH 7:7

Shin cu om law htük ciah prophet gui ung Bawipa naw ng’thu a pyen ah kyak ci. Cun cu Jerusalem a bämang yah ung, chang gui ami kümbe yah la chang gui akda cu Mang gaw pei ah gawnu gui bäng ah kä kya ne, a htum lam la akhei lam khaw ng’nawi ung ami om yah ung ah kyak ci.

EZEKIEL 16:47

Nang cu ngami läk gui ne ami khaw ne hung kai ne, shemshai ciah ami hnun thawh cu na theitu nak awn na ng’büh ne ang? Kä na ng’büh ci, akhin api hta ah kyong ung ngami naw ami bi gui nü ngata kaa pi khai ah nang naw na bik ci nei.

EZEKIEL 8:10

Cun ah kyasei kei naw akyong ah lut ne ka teng ci. K’paang gui cu k’phyu gui la ahei kä theingcim ciah khisa gui ah pung gui la ahei Israel gui naw ami khawihnah ah pung gui naw küm khai ah ami sawi ah kyak ci.

JEREMIAH 29:19

Shin gui cu ngami ah khan ah kya lawk khai a i ah kyasei ci ung ka Changshäm prophet gui ung kei naw k’pang ne ka pek hui ah ng’thu cu ngami naw kä läk ci gui. Ngami naw ami ngaih vai ah mak ci gui.

JEREMIAH 16:18

Ami katnak la ami cheishoh nak ah phäh ah kei naw a goi ah ka pe gui khai, a i ah kyasei ci ung ngami naw ka chaw cu agup gui awn lelawi sak ci gui, cun gui cu gook ah mäih ah ami ghin nak kä om ci, cun gui cu ngami naw kä hman ciah ami khanpughi gui awn be sak ci gui.”

2 SHONTÄP NAK 36:15

Ami pupa gui ah Khanpughi Bawipa naw a chang gui m’hting gui khai ah prophet gui cu tüi law gäk ci, a i ah kyasei ci ung ani naw ngami la Taigüim cu gun gui vai ah ng’ya hlük ci.

1 PETER 4:3

Ng’pyi pyi ciah akhin ung nangmi cu, khritha ah kä kyak ci gui ah om ih ah mäih ah ak shou nami om pyi ci. Kä yum hmat nak, hlawhlaang nak, awktat nak, hlimtui nak, yu ng’kawi nak, la ang htei ah m’shemshai ciah a gup khawihhnah nak ung, nami ghin nak cu ng’pyi te ci.

EZEKIEL 16:36

Shin cu uktu Bawipa ah pyen nei: “Nang naw na suisak cu suut ne, pletbeng ciah mäih ah, nang naw na mät ah pumsa cu na m’hni gui la shemshai ciah a gup gui avan am na pek ci, na hta nau gui cu ngawn ne agup gui na khawihnah nak ci.

JEREMIAH 35:17

Cun ah kyasei kei, m’gäi ciah Bawipa, Israel khanpughi naw nangmi Judah la Jerusalem ah khan ah kei naw ka shaitak ah dishum nak avan cu ka law püi khai. Kei naw cun cu ka bik khai, a i ah kyasei ci ung kei naw ka ning thu püi gui kä ngai u ne, ka ning khügui ung kä nami äi ci.”

JEREMIAH 32:33

Ngami naw kei na hnu nak ci gui; Cunung phi kei naw ka m’theithang gui ci, ngami naw kä ngai ci gui, kä ng’thei ci gui.

JEREMIAH 32:34

Ngami naw kei na khawihnah nak vai ah cawh ah Taigüim ung m’shem shai ciah a gup gui cu tha ci gui, Taigüim cu lelawi sak ci gui.

JEREMIAH 32:35

Ngami nan Hinnom Khongnawi ung Barla am sonkiang cawh pek ci gui, cun cu malek khanpughi an ami htapami hta hnumi gui ami khawihnah nak vai ah kyak ci. Shin ah ani bi vai ah kei naw thumkhän kä ka bi man ci, ngami naw shin ah mäih ah bi ne Judah chang gui katnak bi sak gui khai ah kä ka ngai man ci.”

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

DANIEL 9:6

Na chang shäm prophet gui cu keimi naw kä kami ngai gui ci, ngami naw nang ah ming awn mi ghangpughang gui, mi uktu gui, mi pupa gui la mi pakhui avan am ng’thu pyen nak ci guii.

NEHEMIAH 9:30

Kum law ba kum law ba sei nang naw m’lung sau ne na m’cäi gui ci. Nang naw na prophet gui ami ng’thu vai na m’shum phyuk gui ci, cun ung phi na chang gui cu pang ci gui, cun ah kyasei nang naw a hei pakhui gui am na näng sak gui ci.

NEHEMIAH 9:34

Kami pupa gui kami ghangpughang gui, kami taigü gui naw na thukhän cu kä k’pang ci gui. Nang ah thumkhän gui la na k’bäi nak gui ngami naw kä ngai ci gui.

JEREMIAH 7:17

Ngami naw Judah mang gaw gui la Jerusalem kam gui ang a i ami bi cu kä nami hmu ne ma?

JEREMIAH 7:18

A hmaw gui naw sung shui ci gui, pami gui naw mei cik ci gui, hnumi gui naw m’htut den k’caw cu ne, khankho Ghangpughang nu ami ciah Khanpughi nu ah phäh ah ng’shai ci gui. Ngami naw ahei khanpughi gui am sapyit tui shawi ne diuthak ci gui, cun cu kei ami na nat saknak ah kyak ci.

EZEKIEL 18:31

Akshe name bi gui avan cu chah vä, name mät naw m’lung la ngaih akthai cu gah vä. A i ah kyasei nangmi Israel gui nami sih hlü ang?