JEREMIAH 44:23 - Cho Bible Common Language 2016

²³ Atuhbäi leigai cu nangmi ah khan ah lawk ci a i ah kyasei ci ung nangmi naw ahei khanpughi gui khawihnah u ne, ani ah thumkhän avan kä ngaih nak awn hnungtuk püi ne katnak nami bik ci” cik ci.

JEREMIAH 44:23 Referans Kwoze

1 GHANGPUGHANG GUI 9:9

Chang gui naw m’shang ba u ne, “A i ah kyasei shin ah kyak ci, ci ung ami pupa gui Egypt khaw ah ka law püi ba gui ciah Bawipa ami Khanpughi cu ami nawng ah phäh ah kyak ci. Ngami naw ami yumnak cu a hei khanpughi gui am pe u ne, acun gui khawihnah ci gui. Cun ah kyasei Bawipa naw leigai cu ami khan ah a law püi ah kyak ci.

SAM 119:150

Ak she ah na dukdeiu nak ci gui cu ng’et law pi ci gui nei, Ngami cu na thukhän kä k’pang ciah chang gui ah kyak ci.

NEHEMIAH 13:18

Cun ah kyasei Khanpughi naw akcang ah nami pupa gui am kyuk nak gui ah shin ah mang gaw cu amdi ah kyak ci. Cun ah kya pang sei phi nangmi naw kyiin hnüüp Shemshai sak u ne, Israel gui ah khan ah Khanpughi ah m’lungshe nak däm law pi khai ah nami bik khai ma.”

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.

1 KORIN 10:20

Cun ah kä kyak ci! Kei naw ka pyein cu, khawyo ah kyang ung sonkyan phung cu, khoshe am vawihpeh ah kyak ci, Khanpughi khawihhnah nak ah kä kyak ci. Kei naw nangmi cu khoshe ah pawchang ah nami kyak vai kä ka m’hni ci.

NG’ÄI KYAH 1:8

Ani m’tamkhah nak cu ng’pyi ci, ani cu k’plui sei a u naw a i ah kä hmu tuk ci. Ani cu ng’hlo ng’ei ne lü ng’aa ne a hmai thup ci. Jerusalem naw kyih aih vai ah akat nak awn amät naw amät lelawi sak ci.

JEREMIAH 44:21

“Nangmi la nami pupa gui, nami ghangpughang gui la nami bawi gui, la khaw ung chang gui naw, Judah gawnu gui la Jerusalem lam gui ung ami khawihnah gui — cun ah mawng gui cu Bawipa naw kä hmat ciah käcung m’hnih ciah nami ngai ne ma?

JEREMIAH 44:18

Cun ung phi khankho ghangpughang nu am khawihnah nak kä bi ba ne, ani am sapyit douthak nak phi kä bi ba ne kami om ung tün ne, keimi ung a i phi kä om ba ci, kami chang gui phi ng’tuk nak ung la ei ah cawi ne sik ci gui.

JEREMIAH 44:8

Nangmi naw law ne nami om nak ah shin ah Egypt khaw ung agup gui khawihnah ne, ahei khanpughi gui am khawihniah na douthkne nami kyak nak awn a i ah kyasei kei nami na m’lungshe sak ang? Nangmi naw shin nami bi nak awn nami mät naw nami mät nami m’di ne ang, cun ah kyasei m’dek khan ah om ciah pakhui päng naw ning gaih tu gui ne nami ming cu plah taam nak ah mang khai gui nei?

JEREMIAH 40:3

tuhbäi ani naw abi vai a pyen cu bik ci nei. Shin gui avan cu kya lawk ci, a i ah kyasei ci ung na chang gui naw Bawipa hnugtuk püi ne kafnak bi u ne, ani cu kä ngai ci gui.

SAM 119:155

Changshe gui cu na thukhän kä ami läk ah phäh ah, hun nak kä gah khai gui.

SAM 78:56

Cun ung phi ngami naw Bawimang Khanpughi cu hnu ng’tuk püi u ne, ani cu m’nüm ci gui. A ng’thumkhän phi kä läk ci gui,

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

SAM 78:10

Khanpughi awn shai ami tak cu kä läk ci gui; ang thumkhän phi kä ngai ci gui.

SAM 119:136

Chang gui naw na thukhän kä ami läk ah hmawk ah tuinu ah mäih ah ka ng’phli li ci nei.

JEREMIAH 26:4

Bawipa naw chang gui ka pyen nak vai ah na m’thein ci, “Kei, Bawipa naw ka pyen cu, kei naw ka ning pek gui ah m’thei thang nak cu läk u ne, kei cu nami na ngaih vai,

JEREMIAH 44:2

M’güi ciah Bawipa, Israel khanpughi naw pyen ci, “Jerusalem la Judah khaw ahei mang gaw gui avan ah khan ah kei naw dishum nak ka law püi cu nangmi nami mät naw nami hmuk ci nei. Tuh güt cun gui cu di ci, a cun ung a u phi kä om ci,

JEREMIAH 44:3

a i ah kyasei ci ung ami chang gui naw akshe bi u ne, kei cu na m’lungshe sak ci gui. Ngami naw a khanpughi hei ghi am khawihnak nak cu douthak u ne, ngami, nangmi la nami pupa gui naw kä ami khawihnah man ah khanpughi gui ah bii cu bik ci gui.

JEREMIAH 44:10

cun ung phi tuh ngawi güt nami m’lung kä nami ng’neim sak ci nei. Nangmi naw kei kä na na mi na m’taam khah ci, kei naw nangmi la nami pupa gui am ka pek ah thu khan avan ah mäih ah kä nami om ci.

2 GHANGPUGHANG GUI 17:15

Ani ah m’shüm thein gui läk vai ah ngami mak ci gui, ani naw ami pupa gui ung abi ah thukhän gui cu ngami naw kä k’pang ci gui, ani ah ng’thukbäi gui phi a i ah kä ngai ci gui. Ngami naw akholä ah kyak ciah a gup gui cu khawihnah u ne, ami mät phi akholä ah kya lawk ci gui, ngami naw ami peileng pakhui gui ah thungyo cu läk ci gui, kä thei gui vai ciah Bawipa ah thumkhän cu kä ngai ci gui.

DANIEL 9:13

Moses ah thukhän ung om ciah m’kyuk nak gui avan cu nang naw na na pe gui ci. Cun ung phi tuhbäi güt ung, O Bawipa kami Khanpughi, kami hma nak ungka ng’hlat law ba ne, na düng nak läk ne ning yei nak vai ah kä kami tha nak ci nei.