JEREMIAH 44:22 - Cho Bible Common Language 2016

²² Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.

JEREMIAH 44:22 Referans Kwoze

JEREMIAH 25:18

Jerusalem la Judah gawnu gui avan, ami ghangpughang gui la ami ng’vai gi awn atäng ah shin ungka awk sak gui vai, cun ung ngami cu teng ci gui naw ami kyihkyawk cäicat vai ah khonggau ah kyak khai gui. Cun ah kyasei chang gui naw ngami ah ming cu plah taam ah pyen ci gui — cun gui cu atuta phi kya tu lä ci.

MALAKHI 2:17

Nangmi cu ng’thu m’da ne Bawipa cu nami cümbawng sak ci. “A i hawkcha ah chang kami cümbawng sak?” cine phi nami ng’shik ci. “Hlüngtai ciah Khanpughi naw, ak she bik ci gui cu nik ciah ngai ne m’hni gui ci” cine phi nami kyak ci. M’khoichak ciah Khanpughi cu a hawi ang?” cine phi nami kyak ci.

JEREMIAH 44:12

Judah khaw ung pawih shüt ciah chang gui la Egypt ah hteit ne om khai ah ling ciah chang gui cu ami van ka dishum sak gui khai nei. Ngami ami van, ak zaw akdäm cu ng’tuk nak ung käwng ei ah cawi ne Egypt ah sik khai gui. Ngami cu chang ah ma ah kyih shek khai gui; chang gui naw gaih tu gui ne, ami ming cu plah taam nak ah mang khai gui.

JEREMIAH 25:38

Phongkawng naw akhui anawng ah mäih ah Bawipa naw a chang gui cu nawng gui ci nei. Kyi kyawk vai kyak ciah ng’tuk nak la Bawipa ah kyih vai ah amlungshe nak naw khopäng khaw cu khong gau ah kyak sak ci nei.

JEREMIAH 25:11

Shin ah khaw cu dishum khai, hmuk ciah chang gui cu cäicat khaigui, ami pei ng’leng ah changpakhui gui naw Babilonia ghangpughang ah bii cu kum chikip ung bik khai gui.

JEREMIAH 18:16

Ngami naw shin ah khaw cu kyihkyawk vai kyak ci, angtäi sei päipih vai kyak khai ah pyang ci gui. Acun sun pah ciah chang avan cu cun ami hmuh ung vat yawp u ne; cäi ne ami lu tum khai gui.

ISAIAH 43:24

Kei ah hmawk ah ang ui kä nami hleih man ci, nami khisa ah a thau awn kä na mi na büh bei sak man ci. Cun nak vaisü ung nami katnak awn nami na gihgaw sak ci, nami cheishoh nak nami na phuih kawh sak ci.

ISAIAH 7:13

Ani am Isaiah naw, “Ngai vä, tuhbäi, David ghangpughang ah hta ng’shon gui. Chang gui naw ami ning chum vai ah na kyak cu she aih ci nei — khanpughi naw phi aning chum vai ah na kyak khai ma?

ROMAN 9:22

Khanpughi ah bi cu a shin ah mäih bä ah kyak ci. Khanpughi naw am lung k’she nak cu ng’dang sak ne, a hlüngtai nak cu ang thang vai ah ng’ya hlük ci. Cun ung phi am lung k’she nak ung di maih ci gui ah khan ah ang htei ah hnimgein nak om ci.

AMOS 2:13

Tuhbäi kei naw m’dek ung ka ning deeng gui khai, Htang be sei m’khäh ah ng’hle ah ng’gin ah mäih ah nami ng’hlo ei khai.

DANIEL 9:12

Keimi la kami uktu gui ah khan ah na bi vai ah na pyen cu nang naw na bik ci. Nang naw khomdek khan ah mang gaw gui nicii ah da pi khai ah Jerusalem cu na m’kyuk ci.

EZEKIEL 5:13

Kei ah ka m’lung kä a gei ba pha ah chuih nang mi naw kei ah m’lungshe nak avan cu ak nmi ah name khan khai. Shin gui a kyak law ung, kä name bekhüt ah phäh ah, kei uktu Bawipa naw ka ning m’lungshe nak gui cu name hmu lawk khai nei.

JEREMIAH 44:6

Cun ah kyasei kei naw ka m’lungshe nak la ka nget ngawng nak cu Judah gaw nu gui la Jerusalemlam gui ah khan ah yuk shawi ne, meiawn ka m’khih khai. Cun gui cu dishum u ne, tuh ngawi hmuh ah mäih ah teng dam vai ah kyak ci gui.

JEREMIAH 44:2

M’güi ciah Bawipa, Israel khanpughi naw pyen ci, “Jerusalem la Judah khaw ahei mang gaw gui avan ah khan ah kei naw dishum nak ka law püi cu nangmi nami mät naw nami hmuk ci nei. Tuh güt cun gui cu di ci, a cun ung a u phi kä om ci,

JEREMIAH 29:19

Shin gui cu ngami ah khan ah kya lawk khai a i ah kyasei ci ung ka Changshäm prophet gui ung kei naw k’pang ne ka pek hui ah ng’thu cu ngami naw kä läk ci gui. Ngami naw ami ngaih vai ah mak ci gui.

JEREMIAH 26:6

Nangmi naw k’täi ne kä nami ngaih ah a kyak ung kei naw shin ah Taigüim ah khan ah Shilon ung ka bi ah mäih ah ka bik khai, m’dek khan ung om ciah changpakhui avan naw shin ah mang gaw ah ming cu plah tam nak ah mang khai gui.”

JEREMIAH 24:9

Khomdek khan ah changpakhui avan naw ami kyihkyawk vai ah leigai cu ngami ah khan ah kei naw ka law püi khai. Chang gui naw züi sha gui khai gui, k’she na gui khai gui, gaih m’gin gui khai gui, kei naw ka püi pyang sak nak gui päng ah ami ming cu plah taam nak ah mang khai gui.

JEREMIAH 15:6

Nangmi chang gui naw nami na hnungtuk püi ci; Nangmi naw nami na ng’hlah tak ci. Cun ah kyasei kei naw ka kut shäng ne ka ning güüt gui khai, a i ah kyasei ci ung kei cu ka m’lungshe ka k’üüp nak ka cüm lawk ci.

ISAIAH 1:24

Cun ah kya tuhbäi, m’gai ciah Bawipa, huham mah ciah Israel khanpughi ah a pyen cu ngai vä: “Nangmi ah khan ah phu ka tuk khai nei, ka ga gui ta nangmi naw, kei a i ah kä nami na ci tuba hlawt khai.

ATÜNNAK 19:13

Shin ah hmun avan cu kami m’di lawk khai nei. Bawipa naw, shin ah hmun ung chang gui ah shetkat kyah m’lau aih cu ng’ya neta, Sodom gawnu cu m’di vai ah ana tüih law gui nei” cine pyen ci gui.

ATÜNNAK 6:3

Cun ah kya khäta Bawipa naw, “Chang gui am angtäi ghin nak kä ka pe ba gui khai; chang cu pumsa ah kyak ci. Tuhbäi ung tün ne chang gui cu khawkum phia la m’ku ah däm sei kä ghing khai gui” cine pyen ci.

JEREMIAH 4:4

Nami Bawipa, kei awn ng’thu mi khän cu nami k’pan vai nei, nami mät naw nami mät kei ung nami ng’ap vai, nangmi Judah la Jerusalem chang gui. Cun ah kä nami bi ung nangmi naw akshe nami bi ah hmawk ah ka m’lungshe nak naw mei ah mäih ah ning ui gui khai nei. Cun ah a uih law ung cun m’sih khai a u kä om khai nei.”

JEREMIAH 23:2

Shin cu Bawipa, Israel khanpughi naw ak chang gui m’hteit htang khai gui ah uktu gui a pyen nak gui ah kyak ci: “Nangmi naw ka chang gui kä nami m’htei htang ci; nangmi naw püi pyang sak gui ne a hei ah nami k’täm gui ci. Tuhbäi shekat nak nami bi ah phäh ah ka ning m’kyuk gui khai nei.

JEREMIAH 29:18

Kei naw ng’tuk nak, ei cawi nak la gaw pyam nak cu ami khan ah ka gawk sak khai. Khomdek khim ung changpakhui aran naw cun cu hmu neta kyikyawk khai gui. Kei naw ka püipiang sak nak gui päing ah, ngami ah khan ah kya lawk ci gui ah phäh ah chang gui cat a ne kyi aih khai gui. Chang gui naw Shedam na gui u ne ami ming cu plah taam nak ung mang khai gui.

JEREMIAH 30:14

Nami m’hni gui ami van naw ning m’hnih gui ci nei; Ngami naw nangmi cu a i ah kä ning sui ba gui ci gui. Kei naw ga ah mäih ah ka ning tu gui khai; Nangmi ning m’kyuk nak gui cu nuipai aih ci nei, a i kyasei ci ung nami cheishoh nak cu a dämduh aih ne nami hmakat nak cu da aih ci nei.

JEREMIAH 34:22

Kei naw thukbäi ka pek gui ung ngami cu mang gaw ah law ba khai gui ngami naw tu u ne, khäm u ne, mei aw m’khih khai gui. Kei naw Judah gawnu gui cu a u ah kä um nak ah bung pya ah mäüh ah ka pyang kha kei, Bawipa naw ka pyen ci.”

JEREMIAH 42:18

Bawipa, Israel khanpughi naw pyen ci, “Kei ah ka m’lungshe nak la ka nget ngawn nak naw Jerusalem chang gui a shawi gui ah mäih, Egypt ah nami hteh ung läi nami khan ah ka nget ngawng nak naw ning shawi gui khai nei. Nangmi ui a teng she ah nami kyak khai; Chang gui naw ning giah m’gin gui ne, nami ming cu plah taam nak ah mang khai gui. Nangmi naw shin ah hmun cu kä nami hmu tu ba khai.”

JEREMIAH 48:9

Moab ah phäh ah ng’phuh hmun lungtung cu ng’ling vä; cun ah khaw cu di law ge khai nei. Acun ah gawnu gui cu m’di khai gui nei, a u phi cun ung kä om ba khai nei.”

EZEKIEL 39:23

Israel gui omktu ah ami hteh cu kei na hnungtuk ne katnak ami bi ah phäh ah kyak ci, cicu chang pakhui gui naw hmat khai gui. Kei naw ngami cu ka ng’hlah ta gui ci, ami ga gui am hnim sak gui ne ng’tuk nak ung ka ngawn sak gui ci.

2 GHANGPUGHANG GUI 17:15

Ani ah m’shüm thein gui läk vai ah ngami mak ci gui, ani naw ami pupa gui ung abi ah thukhän gui cu ngami naw kä k’pang ci gui, ani ah ng’thukbäi gui phi a i ah kä ngai ci gui. Ngami naw akholä ah kyak ciah a gup gui cu khawihnah u ne, ami mät phi akholä ah kya lawk ci gui, ngami naw ami peileng pakhui gui ah thungyo cu läk ci gui, kä thei gui vai ciah Bawipa ah thumkhän cu kä ngai ci gui.

JEREMIAH 5:9

Ashin gui ah phäh ah kei naw kä m’kyuk gui ne ka om khai ma, ashin ah mäih ah pakhui ah khan ah phu kä tuk ah om vai ma?

DANIEL 9:11

Israel gui ami van naw na thukhän m’shet u ne, nang ah thu pyen ngaih vai ah mak ci gui nei. Keimi naw hmaka u ne kami ning hnungtuk püi ci, cun ah kyasei nang naw na chang shäm Mosesah thukhän ung guk ah mäih ah phyun tam nak cu keimi ah khan ah na law püi ci.