JEREMIAH 44:21 - Cho Bible Common Language 2016

²¹ “Nangmi la nami pupa gui, nami ghangpughang gui la nami bawi gui, la khaw ung chang gui naw, Judah gawnu gui la Jerusalem lam gui ung ami khawihnah gui — cun ah mawng gui cu Bawipa naw kä hmat ciah käcung m’hnih ciah nami ngai ne ma?

JEREMIAH 44:21 Referans Kwoze

JEREMIAH 44:17

Keimi naw kami bi vai ah kami pyen phung cu keimi naw kami bik kha nei. Keimi naw kami khawihnah nak cu khankho ghangpughangnu, kami khanpughinu am kami do thak khai keimi naw kami sapyit tui-douthak phiani am kami lawi khai, cun cu keimi la kami pupa gui, kami ghangpughang phiani am kami lawi khai, cun cu keimi la kami pupa gui, kami ghangpughang gui la kami bawi gui, naw Judah gawnu gui la Jerusalem lam gui ung ami bi man ah kyak ci. Cun ah kya ne ci vai da sei, bühmang ne, yaica nak kä om man ci.

JEREMIAH 44:9

Nami pupa gui Judah ghangpughang gui la ami chu gui nang mi la nami chu gui naw Judah gaw nu gui la Jerusalem lam gui ung akshe ami bi gui avan cu nami m’hnih u ne ma?

JEREMIAH 14:10

Bawipa naw shin ah chang gui ah amawng pyen ci, “Ngami cu kei ungka dawng vai m’hni ci gui, ami mät naw ami mät kä m’htei hlawt khai gui. Cun ah kyasei kei naw ngami kä ka yei na gui ci. Kei naw ngami ah cheishoh nak cu shüm ba ne, ami katnak ah phäh ah ka m’kyuk gui khai.”

JEREMIAH 11:13

Judah chang gui ung ami mang gaw gui chü, ami khanpughi gui lawk ci, Jerusalem ung om ci gui naw, mang gaw ung ami lam gui chü ah shemshai ciah Baala Khanpughi ami khawihnah nak sonkiang gui cu pyan ci gui.

ISAIAH 64:9

Cun ah kyasei keimi ah khan ah kä m’lungshe aih en ä, keimi na hnungtuk püi gui ne kami katnak ngawi yä kä k’pang en ä. Keimi na na chang gui nei, keimi na m’gein gui ä.

SAM 79:8

Kami pupa gui ah kat ah hmawk ah kä na m’kyuk en gui ä. Tuhbäi nak chimgein gui ä; kami ngaih u nak maih yawp ci nei.

AMOS 8:7

Bawipa Israel gui ah Khanpughi naw, ng’taam ne a pyen cu, “Ngami naw akshe ami b i gui cu kei naw kä ka m’hnih phung khai nei.

HOSEA 7:2

Kei naw ngami am shet nak avan ka shüm hmat ciah ngami naw kä hmat ci gui. Cun ung phi ami kat nak naw koi gui sei, kei naw k hmuh ah kä ka om hlawt ci.”

THU PHLAAN 18:5

A i ah kyasei ci ung ani ah katnak cu khanmawpi k’phaa ne hlüng ne, Ani ah cheishoh nak ah lam cu, Khanpughi naw a shüm hmat yawp pyi ah hmawk ah kyak ci.

THU PHLAAN 16:19

Mang gawnu cu thum ah ng’pai ci. Khomdek ah khan ah mang gaw avan phi di yawp ci. Khanpughi naw Bibilon mang gaw cu shüm ba netah, a khap ung kaa, am lungshe nak ah sapyit tui cu awk sak ci.

EZEKIEL 16:24

Lam päng ah ang leng ung agup khawihnah nak ah hmun gui co ne, agup khawihnah nak cu na bik ci.

1 GHANGPUGHANG GUI 17:18

Ani naw Elijah pyen nak ci, “Khanpughi ah chang, a i ah kyasei kei ah khan ah shin ah na bi ang? Khanpughi am kei ah katnak gui m’thein ci sei, acun ah cheng ah ka hta a sih vai ah na lawk ci ang?”

1 SAMUEL 15:3

Amalek chang gui cu hteit ne tu gui vä, ngami ung om ci phung m’di yawp vä. A i phi kä nami k’pawih nak vai; chang avan pami, hnumi, akhmaw, nau sen; htome, kala uk la ng’sela avan nami ngawn vai.”

THULÄÄN NAK 32:19

“Cun cu Bawipa naw hmu neta, ani cu m’lungshe ci, A htapa gui la a hta hnumi gui cu hnungtuk püi gui ci.

THULÄÄN NAK 32:34

Ami ga gui naw ami bi cu Bawipa naw shüm ba ci. Ani naw ngami m’kyuk nak gui vai ah akhin akni cu ngäng ci.

JEREMIAH 32:32

ciah kyasei ci ung Judah la Jerusalem chang gui, ami ghangpughang gui la ami ng’vai gui, ami taigü gui la prophet gui naw ami bi ah shetkat nak gui avan ah phäh ah kyak ci.

JEREMIAH 44:20

Cun ah na m’shang ciah pami gui, hnumi gui ami van am kei naw ka pyen nak gui cu,