JEREMIAH 44:2 - Cho Bible Common Language 2016

² M’güi ciah Bawipa, Israel khanpughi naw pyen ci, “Jerusalem la Judah khaw ahei mang gaw gui avan ah khan ah kei naw dishum nak ka law püi cu nangmi nami mät naw nami hmuk ci nei. Tuh güt cun gui cu di ci, a cun ung a u phi kä om ci,

JEREMIAH 44:2 Referans Kwoze

JEREMIAH 34:22

Kei naw thukbäi ka pek gui ung ngami cu mang gaw ah law ba khai gui ngami naw tu u ne, khäm u ne, mei aw m’khih khai gui. Kei naw Judah gawnu gui cu a u ah kä um nak ah bung pya ah mäüh ah ka pyang kha kei, Bawipa naw ka pyen ci.”

JEREMIAH 9:11

Bawipa naw pyen ci, “kei naw Jerusalem cu, im ng’phrek ciah ng’awt ng’bum, sa ui gui ah om nak ah hmun ah ka pyang khai; Judah mang gaw gui cu chang ah kä om nak bung ah kyak khai gui.”

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

ZEKHARIAH 1:6

Kei naw ka chang gui prophet gui ung nami pupa gui am thumkhän la m’cäi nak cu ka pe gui ci. Cun ung phi ngami naw a i ah kä ngai u ne, acun ah amawng ma ung yaica ci gui. Cun kawn ah ngami cu ng’yu ba u neta, kei M’gäi ciah Bawipa naw ka pyen ah mäih ah ka m’kyuk gui ciah pyen ci gui.’ ”

NG’ÄI KYAH 5:18

A i ah kyasei ci ung Zion m’htung cu amät ng’yän ne, khaw ng’gau ah kyak ci. Cun ah dishum nak ung pya ui gui cu ng’hle ne ng’shui ci gui.

NG’ÄI KYAH 1:16

Cun ah kyasei kei ah ka mik cu ng’phli tui naw nak plüm ci. A u naw kä na shungvong hlawt ci, a u naw thamah nak kä na pe hlawt ci. Ka ga gui naw na näng pyi ci gui, ka chang gui ung a i kä k’pawih ci.

NG’ÄI KYAH 1:1

A i ah kyasei Jerusalem a mät a omdam ang? A cau chang gui be ne om man te ci nei. Khaw ah ka ung ami m’tamkhah man, Ani cu tuhbäi hmei nu ah mäih ah kyak ci. Mang gaw gui ung chang bä pikbäih man gui cu, changshäm ah kyak ci gui nei.

JEREMIAH 44:22

Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.

JEREMIAH 25:11

Shin ah khaw cu dishum khai, hmuk ciah chang gui cu cäicat khaigui, ami pei ng’leng ah changpakhui gui naw Babilonia ghangpughang ah bii cu kum chikip ung bik khai gui.

JEREMIAH 7:34

Kho cu khong gau kho ah kya lawk khai, Judah mang gaw gui la Jerusalem lam gui ung, yeikyai lün lawi nak ah ng’äi gui la ng’chung la ei pawi ung yeikyai nak ah ng’äi gui cu kei naw ka ng’pyi sak khai.

ISAIAH 24:12

Mang gaw cu di ci nei, am kawt gui cu ng’gäi pyi ci nei.

2 GHANGPUGHANG GUI 21:13

Kei naw Jerusalem cu ka m’kyuk khai, Samaria la Israel ghangpughang Ahab la a htangshon ah khan ah ka bi ah mäih ah ka bik khai. Pakan tumat m’si ne lat ne mük ah mäih ah Jerusalem ung chang gui cu ka m’si khai.

JOSHUA 23:3

Bawipa nami Khanpughi naw nangmi ah bi nak awn shin ah pakhui gui avan ah khan ah a päng a bi cu nangmi naw nami hmu pyi ci. Bawipa nami Khanpughi naw nangmi ah phäh ah ng’tuk bik ci.

THULÄÄN NAK 29:2

Moses naw Israel chang avan cu a täng ah khü gui neta, a pyen nak gui cu, “Bawipa naw Egypt ghangpughang, a bawi gui la a khaw avan ung a i a bi cu nangmi nami mät naw nami mät nami hmuk khai.

TAIGÜTHUM 26:43

Ak htük ung, a i ah a kyak ung phi, khonglei naw a chang gui cu heng gui khai, cun ah kyasei ani cu akbe ah ng’düm khai. Cun kawn ah ngami naw ka thukhän gui la ka thumkhän gui ami hnungtuk püi ah phäh ah ng’gei nak akbe pek khai gui.

PHYAWN NAK 19:4

“Kei Bawipa naw, Egypt gui ah khan ah a i ka bi la hmu naw ang phia awn a hta a chan ah mäih ah ning chang gui ne, kamät ah ka ning law püi gui cu nang mi naw nami hmuk ci.

TAIGÜTHUM 26:31

Nami mang gaw gui cu di nak ung ka ng’hlah sak khai, nami khawihnah nak ah hmun gui cu ka m’di khai, nami khawihnah nak gui cu kä dou ne ka mak khai.

JEREMIAH 44:23

Atuhbäi leigai cu nangmi ah khan ah lawk ci a i ah kyasei ci ung nangmi naw ahei khanpughi gui khawihnah u ne, ani ah thumkhän avan kä ngaih nak awn hnungtuk püi ne katnak nami bik ci” cik ci.

DANIEL 9:12

Keimi la kami uktu gui ah khan ah na bi vai ah na pyen cu nang naw na bik ci. Nang naw khomdek khan ah mang gaw gui nicii ah da pi khai ah Jerusalem cu na m’kyuk ci.

JEREMIAH 8:3

Shin ah pakhuishe chang gui ungka k’pawih ba cu gui, kei naw ka k’püi nak hmun gui ung on ci gui cu ami ghin vai ah k’dam ah ami sih vai cu m’hni khai gui. Kei, m’gäi ciah Bawipa naw ka pyen nei.”