JEREMIAH 44:19 - Cho Bible Common Language 2016

¹⁹ Hnumi gui naw phi, “keimi naw khankho ghangpughang nu ah müi ah mäih ah m’htut pyang u ne, ani am kami douthak ung, sapyit tui douthak ne kami shawi ung, keimi naw kami bi cu kami cei gui naw na cang na man ci gui nei.”

JEREMIAH 44:19 Referans Kwoze

JEREMIAH 7:18

A hmaw gui naw sung shui ci gui, pami gui naw mei cik ci gui, hnumi gui naw m’htut den k’caw cu ne, khankho Ghangpughang nu ami ciah Khanpughi nu ah phäh ah ng’shai ci gui. Ngami naw ahei khanpughi gui am sapyit tui shawi ne diuthak ci gui, cun cu kei ami na nat saknak ah kyak ci.

JEREMIAH 44:15

Ami chu gui naw ahei khanpughi gui ami khawihnah hmat ciah pamigui avan, cun ung ng’düi tuk ciah hnumi gui avan, Egypt a htumtäng ah om ciah Israel gui — chang hli ami van naw — ami na pyen nak cu,

2 SHONTÄP NAK 21:6

Ani naw ghangpughang Ahab la Israel ghangpughang amshah ah akshe abi gui cu läk ci, a i ah kyasei ci ung ani naw Ahab ah hta hnumi tumat chu nak ciah kyak ci. Ani naw Bawipa hnungtuk püi ni khtnak bik ci,

1 GHANGPUGHANG GUI 21:25

(Ahab ah mäih ah Bawipa täng ah akshe bi vai ah akbe ah ng’ap cicu a u kä om ci — avan cu akchu Jezebela ah tooktam ah kyak ci.

ATÜNNAK 3:6

Cun ah am theih cu kyom ne, ei hlü vai kya ne, cüivai nak vai kyak ciah hnumi naw hmu neta, k’bit ne ei ci, a cei am phi m’bei tu sei, a cei naw phi ei tuk ci.

NG'THU K'THUUK~ 11:21

Ng’htei sei nami hmat vai cu, changshe gui cu m’kyuk nak om khai, düng ciah chang gui cu phyawng khai gui.

JEREMIAH 44:20

Cun ah na m’shang ciah pami gui, hnumi gui ami van am kei naw ka pyen nak gui cu,

KHEI NAK 30:8

Cun ung phi a cei naw ng’ya tu neta, ang khäntam kä a be hnga vai ah amaa nak ah a kyak ung, ani naw cun cu akpam khek vai kä hlü ci. Bawipa naw m’geinsei khai.

KHEI NAK 30:12

Cun ung phi a cei naw a cun ng’ya tu neta, ang khäntam naw akpan vai kä hlü ci. Bawipa naw ani cu m’geinsei khai, a i ah kyasei ci ung, ang khäntam nak akpan nak vai ung ka, acei naw a shungvong pyi ah kyak ci.