JEREMIAH 44:17 - Cho Bible Common Language 2016

¹⁷ Keimi naw kami bi vai ah kami pyen phung cu keimi naw kami bik kha nei. Keimi naw kami khawihnah nak cu khankho ghangpughangnu, kami khanpughinu am kami do thak khai keimi naw kami sapyit tui-douthak phiani am kami lawi khai, cun cu keimi la kami pupa gui, kami ghangpughang phiani am kami lawi khai, cun cu keimi la kami pupa gui, kami ghangpughang gui la kami bawi gui, naw Judah gawnu gui la Jerusalem lam gui ung ami bi man ah kyak ci. Cun ah kya ne ci vai da sei, bühmang ne, yaica nak kä om man ci.

JEREMIAH 44:17 Referans Kwoze

JEREMIAH 7:18

A hmaw gui naw sung shui ci gui, pami gui naw mei cik ci gui, hnumi gui naw m’htut den k’caw cu ne, khankho Ghangpughang nu ami ciah Khanpughi nu ah phäh ah ng’shai ci gui. Ngami naw ahei khanpughi gui am sapyit tui shawi ne diuthak ci gui, cun cu kei ami na nat saknak ah kyak ci.

NEHEMIAH 9:34

Kami pupa gui kami ghangpughang gui, kami taigü gui naw na thukhän cu kä k’pang ci gui. Nang ah thumkhän gui la na k’bäi nak gui ngami naw kä ngai ci gui.

EZEKIEL 20:8

Cun ung phi ngami naw nak chüm u ne, ami na ngaih vai ah mak ci gui. Ngami naw shemshai ciah ami gup gui cu kä ghawt ci gui, Egypt khanpughi gui cu kä chah ci gui. Ngami naw aca Egypt ah ka m’lung she nak akbe ah ka gah sak gui ge khai ah ka kyak ci nei.

THULÄÄN NAK 23:23

cun ung phi nami mät ah m’hni ah shaitak nami bi ah a kyak ung, ng’htei cha khai ah nami pan vai.

PHYAWN NAK 16:3

ami pyen cu, “Egypt khaw ah Bawipa naw ana ngawn gui vai kami ng’ya hlük ci. A cu ah keimi kami om ip ci, meh la buh cu kami m’hni ah phü ne kami ei ci. Cun ung phi nang naw shin ah bung ah na law püi gui ne, ei ah cawi ne na na sih sak gui yawp vai ci nei” cik ci gui.

PHILIPPIAN 3:19

Cun ah chang gui cu m’htei kho khüt ne hteit ci gui ah kyak ci. Ngami ah Khanpughi cu pumsa a ng’yak hlü ah om ih nak ah kyak ci. Ngami cu thui ng’aa nak vaisü ung khähghah ci gui, ami m’lung kyong ung phi khomdek khan ah a mawng ama bäng be ci.

JEREMIAH 44:21

“Nangmi la nami pupa gui, nami ghangpughang gui la nami bawi gui, la khaw ung chang gui naw, Judah gawnu gui la Jerusalem lam gui ung ami khawihnah gui — cun ah mawng gui cu Bawipa naw kä hmat ciah käcung m’hnih ciah nami ngai ne ma?

JEREMIAH 19:13

Jerusalem ung im gui, Judah ghangpughang gui ah im gui, akcih khan ah aisi gui am ang ui gui m’khih pek nak ah im gui la ahei khanpughi gui sapyit tui kei ne douthak nak gui — cun gui avan cu Topheth mäih ah kä theingthap khai gui.”

2 GHANGPUGHANG GUI 17:16

Ngami naw ami Khanpughi Bawipa ah thukhän avan m’shet ci gui, khawihnah vai ah vantang-gup hnih phi pyang ci gui; ngami naw khanpughinu Asherah ah gup phi pyang ci gui, aisi gui phi khawihnah ci gui, Baala khanpughi phi yum ci gui.

SUKI GUI 11:36

Hnumi hta naw ani am, “Nang naw Bawipa ung ah shai na tak pyi ah a kyak ung, kei ah khan ung na bi bai ah na pyen cu na bi bai nei, Bawipa naw nag a gui Ammonit gui ah khan ah phu-tuk nak vai ning pe pyi ci nie.”

KHEI NAK 30:12

Cun ung phi a cei naw a cun ng’ya tu neta, ang khäntam naw akpan vai kä hlü ci. Bawipa naw ani cu m’geinsei khai, a i ah kyasei ci ung, ang khäntam nak akpan nak vai ung ka, acei naw a shungvong pyi ah kyak ci.

1 PETER 1:18

Nami pupa gui ah pakhui nami m’düng ah kä shichah ciah ghin nak ung kaa, a i naw a ning phiawn sak gui cu nami hmat ci. Cun cu ghui ngui ah mäih ah dimaih thei ciah kä kyak ci.

MAKUH 6:26

Cun ng’ya netah ghangpughang cu ang htei ah a yä ci, cun ung phi khin gui khli ah ma ah, ng’thu khän ne a pyein pyi ah kia sei, kä peit ah kä om hlawt ci.

JEREMIAH 44:9

Nami pupa gui Judah ghangpughang gui la ami chu gui nang mi la nami chu gui naw Judah gaw nu gui la Jerusalem lam gui ung akshe ami bi gui avan cu nami m’hnih u ne ma?

ISAIAH 48:5

A cau ge ung kei naw nami malam ah mawng cu ka pyen pyi ci, cun gui kä ami kiak pha ung ka ng’shäu pyi ci, Cun gui cu, nami agup gui naw a kyak sak ah nami pyen vai ah kyi neta, shung nak ah kyak ci.

SAM 106:6

Keimi cu kami pupa gui ah mäih ah katnak kami bik ci; kami shekak ci, kami cheishoh ci.

SAM 12:4

“Mi ng’thu awn mi m’hni cu mi gah ci. Mi ng’yak hlü cu mi pyen ci, a u naw kä na ng’düm sak gui hlawt ci” cik ci gui.

2 GHANGPUGHANG GUI 22:17

Ngami naw kei na hnungtuk püi u ne, a hei khanpughi gui am khawihnah nak douthak ci gui, cun ah ami kyak gui avan naw kei cu na m’lungshe sak ci. Kei ah m’lungshe nak cu tho ne Jerusalem hnungtuk püi ci nei, cun cu kä dim hlawt khai nei.

KHEI NAK 30:2

Chang tumat naw Bawipa am petak khai ah ang khäntam ah a kyak ung käcung a mawngma tumat mat ung hlawi hlek vai ah ang gunghta ah a kyak ung, ani naw a shaitak cu kä am’shet en vai, cun ung phi ani naw a bi vai ah a pyen päng cu abi vai.

2 SHONTÄP NAK 28:23

Ani naw amät hnim ci gui ah Sirian gui ah khanpughi gui cu khawihnah ne douthak ci. Ani naw, “Sirian khanpughi gui naw Sirian ghangpughang cu m’htei ci gui. Kei naw ka khawihnah gui ung kei phi na m’htei khai gui” cik ci. Acun naw amät la a pakhui ah khan ah leigai gawk law sak ci.

JEREMIAH 1:16

Kei naw ka chang gui cu ka m’kyuk gui khai, a i ah kyasei ci ung ngami cu hma kak ci gui: ngami naw kei na nawng ci gui, ahei Khanpughi am khawihnah douthak ci gui, agup gui pyang ne khawihnah ci gui.

JEREMIAH 11:12

Cun ung Judah la Jerusalem chang gui cu khawihnah ami douthak nak ah khanpughi gui ah hteit khai gui, ngami naw ami m’htei gui vai ah k’thäh khai gui. Cun ung phi shin ah dishum nak a gawk law ung cun ah khanpughi gui naw kä hun hning khai gui.

JEREMIAH 18:15

Cun ung phi ka chang gui naw kei cu na m’hnih ci gui nei; ngami naw tui ng’ui gui cu agup gui am m’khih pek ci gui. Ngami cu ami hteh nak vai ah lam ung ng’vawn ne ng’tääk ci gui ngami naw lam k’phyim kä läk ba ci gui; ngami cu kä m’hnüt ah lam ung hteit ci gui.

EZEKIEL 8:16

Cun ah kyasei ani naw Taigüim ah akyong täng ah na hteh püi ci. Cun ung pum im kyong ah valuh nak, sankiang la vailang ah ani ng’lak ung Chang m’ku lei hma om ic gui, Ngami naw pum nak cu hnu na u ne, ak kyang täng ah kawp u ne, khohni pyu cu khawthnah ci gui.

EZEKIEL 20:32

Nangmi naw a hei changpakhui gui ah mäih ah kyak hlü nak ah m’lung cu nami pyang ci, a hei khopäng ung chang gui ah mäih ah sing ghing la lung pou khawihnah nami yum ci. Cun ung phi cun ah kä kya hlawt khai nei.

EZEKIEL 23:41

Ngani cu ngoh nak akiom ung ngok ci goi, ani ma ah tawng lang ung akni gui be ci, kei naw ka pek gui ah ang ui gui la olive-situi gui mah ah kyak ci.

HABAKKUK 1:16

Ngami naw ami ng’vai cu khawihnah u ne, vawihpeh ci gui, a i ah kyasei ci ung a cun naw akni pi apäng a gah sak gui ah hmawk ah kyak ci.

JEREMIAH 7:17

Ngami naw Judah mang gaw gui la Jerusalem kam gui ang a i ami bi cu kä nami hmu ne ma?