JEREMIAH 44:16 - Cho Bible Common Language 2016

¹⁶ “Nang naw Bawipa ah min gung na na m’thein gui ngaih vai ah keimi kami mak ci nei.

JEREMIAH 44:16 Referans Kwoze

LUKA 19:27

Cun kawn ah kei ah uknak kä ng’ya hlük ciah kei ah gaa gui cu, kama ah lawpüi ne ngawn gui vä, cine pyein ci” cine m’thein gui ci.

LUKA 19:14

Cun ung phi a kho ung ak chang gui naw, ani cu m’thüi na u netah, ‘Ani ah uknak kä kami ng’ya hlük ci nei’ cine ng’shä tüi ne pyein lawk ci gui.

DANIEL 3:15

Tuhbäi pyung puuk, pyung lawi, htiing, tingtäng, peen m’hlui la tumkhawn gui nami ng’yak vai am, m’khuk dong ne agup cu nami khawihnah vai, cun ah kä nami bi ung nangmi cu meicaang ai ung ang ghit ah ning shum gui vai nei, nangmi ning hun gui hning khai khanpughi om khai ah nami ngai ne ma?” cik ci.

JEREMIAH 38:4

BAWI gui naw ghangpughang ah hteit neka ami pyen cu, “shin ah chang cu ngawn vai nei. Shinah mäih ah ng’thu pyen ne ani naw mang gaw kyong ah gakap gui cu k’tha ken sak ci. Ani naw chan gui m’htei gui vai ah a i kä bik ci, cmi nat nak vai vah ng’ya hlük ci.”

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

JEREMIAH 11:10

Ngami cu kei naw ka pyen maa nak ciah ami pupa gui ah katnak ung hteit ba ci gui; ngami naw ahei khanpughi gui cu khawihnah ci gui. Israel la Judah ami van naw ami pupa gui am kei naw ka peit ah thukhän cu m’shet ci gui nei.

JEREMIAH 11:8

Cun ung phi ngami naw kä ngai ci gui, kä läk ci gui. Cun nak vaisü ung chang nü cu ami m’lung ling ne shekha lä ne om ci gui. Kei naw thukhän ami k’paan vai ah ka ng’thumkhän gui ci, cun ung phi ngami naw mak ci gui. Cun ah kyasei cun ung ami guk ah m’kyuk nak avan cu ngami ah khan ah ka gawk sak ci.”

JEREMIAH 8:12

Ka chang gui aw, nangmi naw shin ah shemshai ci gui nami bi ah phäh ah nami ng’aa ne ang? Ka nei! Nangmi cu akcang ah kä nami ng’aa ci; nangmi naw ng’aa vai phi kä nami hmat ci! Cun ah kyasei nangmi cu a hei gui ami ng’kiak ah mäih ah nami ng’kia tuk khai nei; kei naw ka ning m’kyuk gui ah a kyak ung cun cu nangmi ah ng’pyi nak kyak khai. Kei, Bawipa naw ka pyen nei.

JEREMIAH 8:6

Kei naw gaung na ne ka ning ngai gui ci, cnun ung phi nangmi naw düng ciah thu kä nami pyen ci. Nangmi ungka tumat naw phi nami cheishoh nak ah phäh ah kä nami a yä ci; nangmi ungka tumat naw phi “A i ah a hma ka bi ne?” cine kä nami ng’shik ci. A chang nü cu ng’tuk nak ung hteit khai ah ng’se ah ng’güüt ah mäih ah amät ah lam phäh phäh nami k’pang ci.

ISAIAH 3:9

Ami mät ah mikhmai naw amimät hungtuk püi gui ci nei. Ngami naw Sodom ung chang gui ah mäih ah katnak cu ang dang ah bik ci gui nei. Ngami cu shekha u ne, acun ah a phu ng’kheng cu ami khan ah ami mät naw law püi ci gui.

SAM 2:3

Ngami naw, “Ami na uk nak gui ka mi ng’pät khai nei. Ami na shum nak gui cu mi k’phyan khai nei” cik ci gui.

PHYAWN NAK 5:2

Ghangpughang naw, “Bawipa cu a u ang? A i ah kyasei ani ah ng’thu ngai ne, Israel gui ka hteh sak gui vai ang? Kei naw Bawipa cu kä ka hmat ci, Israel gui cu kä ka hteh sak gui khai nei” cik ci.

1 SAMUEL 8:19

Chang gui naw Samuel cu a i ah kä sui ci gui, ngami naw, “Ka, Ghangpughang kami ng’za

NG'THU K'THUUK~ 1:24

Kai naw ka ning khü gui pyi ci, nami law vai ah ka ming la gui ci. Cun ung phi kä nami na ngai ci. Kei cu a i ah kä nami na sui ci.

JEREMIAH 13:10

Shin ah chang shekha gui naw kei ami na ngaih vai ah mak ci gui. Ngami cu ak phlüt ah ami m’lung ling sei shekhak ci gui, ahei khanpughi gui khawihnah u ne, acun ah bii bik ci gui. Cun ah kyasei ngami cu kä ni ba ciah sui aktawi ah mäih ah kyak ci gui.

JEREMIAH 42:13

Cun ung phi Judah ung nami om ba ciah chang gui naw Bawipa nami khanpughi ui kä nami om vai, shin ah khaw ung om rai ah kä nami maa en vai. “Ka nei kei mi hteit ne Egypt ah kami om khai, au ah ng’tuk nak kä kami aut ba khai, ng’tuk nak ah ng’khii kä Ng’zak ba vai, ei ah kä cawi ba vai” cine kä nami pyen un vai. Cun ah nami pyen ah a kyak ung, m’gäi ciah Bawipa, Israel khanpughi naw pyen ci, “Nangmi cu hteit ne Egypt ah om vai ah nami ling ah a kyak ung,

JEREMIAH 43:2

Cun kawnah Hoshaiah ah hta, Azariah, kareah ah hta Johanan la ahei m’gäim’cikciah chang avan naw na pyen nak ci gui, “Nang na hleei ci. Egypt khaw ah kä kami hteh vai ah na na m’thein gui khai ah Bawipa mi khanpughi naw kä ning tüi lawk khai.

JEREMIAH 44:24

M’gäi ciah Bawipa, Israel khanpughi naw Egypt om ciah Judah chang gui a pyen nak gui cu kei naw chang avan am ka m’thein ci ak tung pi ah hnumi gui am ka m’thein gui ci: “Nangmi la nami chu gui nami van naw bä ciah shaitak cu khankho ghangpughangnu ung nami bik ci. Khawihnah nak ani am douthak vai, sapyittui-douthak phi ani am shawi vai, cine shaitak nami bik ci, nami shaitak cu nami k’pang ci. Akbä ah! Nami shaitak k’pang vä! Nami shai khan hteh püi vä!

JEREMIAH 6:16

Bawipa naw a chang gui pyen ah gui ci, “Lam kyum gui ung ng’düi neta teng vä. Cau lam phyim gui la lam akni pi a hawi a om cu ng’shi gui vä. A cun ung hteit vä, dim deeih nak awn nami om khai.” Cun ung phi ngami naw, “Kaa, kä ka mi hteit khai!” cine pyen ba ci gui.