JEREMIAH 44:14 - Cho Bible Common Language 2016

¹⁴ Judah chang gui Egypt ah hteit ne om khai ah lawk ci phung cu a u kä k’pawih khai, kä phyawng khain. Chang tumat phi ami om nak ba vai ah Judah khaw ah kä law ba khai. Geinvai ci gui api ah kawn ah a u phi kä law ba khai” cik ci.

JEREMIAH 44:14 Referans Kwoze

ROMAN 9:27

Israel chang gui ah mawng cu Isaiah naw, “Israel chang gui cu, tuinu kem ah laigin k’chü ah ami da ung phi, ngami ung kaa chang api naw vah hun nak cu gah khai gui.

JEREMIAH 42:17

Egypt ah hteit ne om vai ah ling ciah chang avan cu ng’tuk nak ung baw, ei cawi ne baw, gaw pyan ne baw sik khai. Tumat phi kä k’pawih ba khan, Ngami ah khan ah kei naw ka law püi ah lei gai cu tumat naw phi kä phiawn nak khai.’

ISAIAH 10:20

K’pawih ba ciah Israel chang gui naw, ngami m’di gui ciah chang pakhui gui kä ami yii hnei nak ba vai ah a khin gawk law ci nei. Bawipa, Israel gui ah theingciim ciah Khanpughi cu akcang ah yum ne ngaih u khai gui nei.

ISAIAH 4:2

Bawipa naw a phing nü la sing ghing nü cu cun ah khaw ung däin ne kyom khai ah a pyan nak ah khin gawk lawk ci, k’pawih ba ciah Israel chang avan cu khaw ung geitkaw am thawk ah phäh ah yeikyai läma khai gui.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

ROMAN 2:3

Cun ung phi teihpüi aw, paw chang m’khoichaa nak ah katnak cu nang na mät naw nam cheishoh pyi ci nei. Nang cu Khanpughi ah m’khoichaa nak na phiawn nak khai ah na ngai ci maa!

MATTHE 23:33

K’phyu m’äm ah gui lah k’phyu m’äm-ah ah hta gui, nangmi cu m’hteimei ung luh nak vai ung kaa, a i chaa nami phyawng khai ang?

JEREMIAH 42:22

Cun ah kyasei shin cu shüm ba vä; nangmi hteit ne nami om nak hlü ah khaw päng ung ng’tuk nak, ei cawi nak la gawpyan nak awn nami sik khai” cik ci.

JEREMIAH 22:10

Judah chang gui, ghangpughang Josiah ah phäh ah kä kyap vä; ani asih ah phäh ah kä thüi vä. Cun ung phi a htapa Joahaz ah phäh ah aktung ah kyap vä, Ani cu asho nak ah hteh püi ci gui nei. Kä law ba khai nei, ami hta nak ah kho cu ani naw kä hmu tuba khai nei.

EZEKIEL 6:8

“Kei naw amshah cu ami ngawn nak gui ungka naw ka luat sak gui khai, pakhui gui ah ng’lung ah ka püi sak gui khai,

JEREMIAH 44:26

Cun ung phi, kei, Bawipa naw m’gäi ciah ka ming awn Egypt ah om ciah Israel gui a van ka pek cu tuhbäi ngai vä: Shin ah ng’thu pyen ne shaikhän nak ung, nangmi ung ka a u am phi ka ming cu kä ka mang ba sak khai, “kei cu ghing ne uk ciah Bawipa ung ka ng’taam ci nei.”

EZEKIEL 20:38

Ng’küknet ne katnak bik ci gui cu nami ng’lung ungka ka heng gui khai. Ngami tuhbäi ami om nak ah khaw ungka a hei ah ka la gui khai, cun ung phi Israel khaw ah kä ka law ba sak gui khai. Cun ung kei cu Bawipa ah nangmi naw nami na hmat khai.