JEREMIAH 44:11 - Cho Bible Common Language 2016

¹¹ “Cun ah kyasei kei, m’gäi ciah Bawipa, Israel dhanpughi naw hnungtuk ne ning hlah ta gui ne Judah avan ka m’di khai.

JEREMIAH 44:11 Referans Kwoze

JEREMIAH 21:10

Shin ah mang gaw cu kä m’düm ne m’di vai ah kei naw ka m’lung ung ka k’bäi pyi ci. Shin cu Babilonia ghangpughang am ap vai, ani naw m’dek ung khüt khai ah m’khih khai. Kei, Bawipa naw ka pyen ci nei.”

AMOS 9:4

Ami ga gui naw ami pha gui ung phi, ami ngawn gui vai ah ka bäi gui khai. Ami m’di gui vai, kä ami m’htei tu gui vai ah kei naw ka pyen khai” cik ci.

SAM 34:16

Cun ung phi ak she bi ci gui cu hnu na gui ci, ami sih law ung phi m’hnih gui ge ci.

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

TAIGÜTHUM 17:10

Israel chang gui, kä cung ami ng’lung ah om tuk ciah khuihei chang gui naw, si om ciah sa a ei ah a kyak ung Bawipa naw hnu na ne ng’hlah tak khai, ani cu a chang tumat ah kä k’bäi ba khai.

EZEKIEL 15:7

Ka m’kyuk gui khai. Ngami cu mei tumat phiawn nak ci gui, cung phi tuhbäi mei naw ui gui khai. Kei naw ngami ka m’kyuk law gui ung nangmi naw kei Bawipa ah ka kyak cu name hmat khai nei.

JEREMIAH 44:26

Cun ung phi, kei, Bawipa naw m’gäi ciah ka ming awn Egypt ah om ciah Israel gui a van ka pek cu tuhbäi ngai vä: Shin ah ng’thu pyen ne shaikhän nak ung, nangmi ung ka a u am phi ka ming cu kä ka mang ba sak khai, “kei cu ghing ne uk ciah Bawipa ung ka ng’taam ci nei.”