JEREMIAH 44:10 - Cho Bible Common Language 2016

¹⁰ cun ung phi tuh ngawi güt nami m’lung kä nami ng’neim sak ci nei. Nangmi naw kei kä na na mi na m’taam khah ci, kei naw nangmi la nami pupa gui am ka pek ah thu khan avan ah mäih ah kä nami om ci.

JEREMIAH 44:10 Referans Kwoze

NG'THU K'THUUK~ 28:14

Angtai sei Bawipa na lak vai, cun ung na yei khai. Na m’lung aliing ung na shum khai.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

1 PETER 5:6

Khanpughi ah hlüngtai säih ciah a kut kaa ah nami mät naw nami mät ng’neim sak ne om vä, cun ung Khanpughi naw ni pi ciah akhin ung ning yu chang gui khai nei.

JEREMIAH 8:12

Ka chang gui aw, nangmi naw shin ah shemshai ci gui nami bi ah phäh ah nami ng’aa ne ang? Ka nei! Nangmi cu akcang ah kä nami ng’aa ci; nangmi naw ng’aa vai phi kä nami hmat ci! Cun ah kyasei nangmi cu a hei gui ami ng’kiak ah mäih ah nami ng’kia tuk khai nei; kei naw ka ning m’kyuk gui ah a kyak ung cun cu nangmi ah ng’pyi nak kyak khai. Kei, Bawipa naw ka pyen nei.

ROMAN 11:20

Nang mi ah pyein cu ng’düng ci. Ngah mi chuk pit nak gui cu Khanpughi kä ami yum ah hmawk ah kyak ci. Nang mi cu Khanpughi na mi yum ah hmawk ah ang ban ah nami kya lawk ci. Cun ung phi nang mi chang ah kä nami ng’shei vai, chang kyih aa ne nami om vai.

LUKA 23:40

Ahei changshe tumat naw, “Nang Khanpughi cu kä na kyih ci ma? Nikni cu ani mäih ah m’kat nak ni gah ung phi;

MATTHE 27:54

Bawipa Jesuh ngäng ci gui ah gabawi la gakap gui naw, shihpi a thüng la a hmün cäicat vai gui cu hmu law u ne, ang htei ah kyikyawk u netah, “Shin ah chang cu akcang ah Khanpughi ah Htapa ah kyak ci nei” cik ci gui.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

JEREMIAH 36:24

Cun ung phi ghangpughang la bawi gui acun ng’yak ci gui cu, a i ah phi ami kyihkyawk nak, ami ayä nak kä m’dang ci gui.

JEREMIAH 10:7

A u naw kä ning m’tamkhah ne om hlawt khai aw, pakhui avan ah ghangpughang aw? Nang cu m’tamkhah vai ah na khinkha ci nei. Chang pakhui gui, cüivai ci gui avan ung phi kia, ami ghangpughang gui ung phi kia, nang ah mäih tumat phi kä om ci nei.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

NG'THU K'THUUK~ 16:6

Hlakham ne nami bekhüt vai, Khanpughi naw nami katnak ning geinsei gui khai, Bawipa nami lak vai, nangmi ung akshe ka gawk lawk khai.

NG'THU K'THUUK~ 14:16

Cuivai ciah chang naw khüikha nak phyawn nak vai ah geing na ne om ci, Cun ung phi chang anglam cu a i ka geing na ne ang ghit ah hnüntho ci.

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

SAM 51:17

O Khanpughi, kei ah khawihnah nak cu, ng’gäi ciah m’lung nei. Nang naw ng’gäi ciah m’lung la ng’yu ba ciah m’lung cu kä na nawng düt ci nei.

SAM 34:18

Thüi kyap ci gui cu Bawipa naw ng’et püi gui ci, A ngaih u nak mäih cicu hun phyawn ci.

2 SHONTÄP NAK 34:27

ka ma ah ng’yu ba ne, na m’lung neim sak ne, na sui k’teek ne, kyap ne na kyak ci. Kei naw na taigü cu ka ng’yak ci kiasei,

2 SHONTÄP NAK 33:19

Ghangpughang ah ak taigü la acun Khanpughi ah m’shan nak, ani kä ng’yu ba pha ung katnak abi gui-ani naw akshe a bi, Khogam Khawihnah nak ah hmun gui, ani naw a pyan ah khanpughinu Asherah ah gup la ani ah khawihnah ah a gup gui-cun gui a van cu prophet gui ah mawng ca-uk ung guk ah kyak ci.

2 SHONTÄP NAK 33:12

Ani cu yaica neta amlung neim sak ne, Bawipa a Khanpughi ah ng’hlat law ba ne, am htei vai ah ng’pa nak ci.

2 SHONTÄP NAK 32:26

Ak hnu ah Hezekiah la Jerusalem ung chang gui cu ami m’lung neim sak u khäta, Hezekiah a sih kawn güt ah chang gui cu Bawipa naw kä m’kyuk gui ci.

2 GHANGPUGHANG GUI 22:19

Nang cu ng’yuu ba ne, kei ah ma ah na m’lung na ng’neim sak ci, kei naw Jerusalem la a chang gui, ka m’kyuk gui khai, cicu ng’ya neta na sui k’teek ne, na kyap ci. Kei naw cun cu kyihkyawk vai ah ka bik khai, shin ah hmun ah aming cu chang gui naw plah tam nak ah mang khai gui. Cun ung phi nangmi ah taigü cu kei naw ka ng’yak ci,

1 GHANGPUGHANG GUI 21:29

“Ahab naw kei ah ma ah a i hlawk ah amlung ang neim sak cu nang naw na hmu ne ang? Ani cu cun ah kyak ci kyasei, ani a ghin yah ung ani ah khan ah kei naw leigai kä ka law püi khai nei; Ani ah a hta gui ah ghin yah ung Ahab ah kyongkhui ah khan ah kei naw leigai ka law püi khai nei.”

PHYAWN NAK 10:3

Cun ah kyasei Moses la Aaron naw ghangpughang ah hteit ni neta ng’thu ani pyen cu, “Bawipa, Hebru gui ah Khanpughi ah ng’thu cu kei ah na ng’paa law nak vai cu a i güt na mak khai ang? Ka chang gui cu hteh sak gui ä, cun ung ngami naw na khawihnah khai gui nei.

PHYAWN NAK 9:30

Cun ung phi nang la na bawi gui naw, Bawipa, Khanpughi cu kä nami kyih aa ciah kei naw ka hmat ci nei.

PHYAWN NAK 9:17

Cun ung phi nang naw yawshe na gui ne ka chang gui ami hteh vai cu na maa na gui ci.

SAM 78:10

Khanpughi awn shai ami tak cu kä läk ci gui; ang thumkhän phi kä ngai ci gui.

JEREMIAH 6:15

Shin ah shemshai ci ami bi ah phäh ah ngami ng’aa ca u ne ang? Ka nei, ngami kä ng’aa mui ci gui; a i hawkcha ah ami hmawi a shet vai phi jä hmat ci gui. Cun ah kyasei ngami cu chang hei gui ami kiuk täng ah mäih ah kiuk täng khai gui; Kei naw ka m’kyuk law gui ung cun cu ngami ah ng’pyi nak ah kyak khai. Kei, Bawipa naw ka pyen nei.

JEREMIAH 26:4

Bawipa naw chang gui ka pyen nak vai ah na m’thein ci, “Kei, Bawipa naw ka pyen cu, kei naw ka ning pek gui ah m’thei thang nak cu läk u ne, kei cu nami na ngaih vai,

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.

JEREMIAH 44:23

Atuhbäi leigai cu nangmi ah khan ah lawk ci a i ah kyasei ci ung nangmi naw ahei khanpughi gui khawihnah u ne, ani ah thumkhän avan kä ngaih nak awn hnungtuk püi ne katnak nami bik ci” cik ci.

ISAIAH 42:24

A u naw ang, Israel gui cu, guttep gui ci am a ap gui? Cun cu mikmi naw katnak bi ne, mi hnu ng’tuk püi ah Bawipa amät ah kyak ci nei. Ani naw mi om vai ang yak hlü ah mikmi cu kä mi om ci nei, ani ah m’thei thang gui cu kä mi läk ci nei.

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.