JEREMIAH 44:1 - Cho Bible Common Language 2016

¹ Egypt khaw ah om ciah Israel chang gui avan ah mawng, Bawipa naw kei ung thu pyen ci, cun gui cü mikdola, Tahphanhes, Memphis mang gaw gui la khopäng ah a htumtäng ung om ci gui ah kyak ci.

JEREMIAH 44:1 Referans Kwoze

JEREMIAH 46:14

“Shin cu Egypt gawnu gui, mikdola, Memphis, la Tahpanhes ung ng’shäu vä: “Nami mät naw nami shung vong ge khai ah om vä; Nangmi ung om ci avan ng’tuk nak ung di khai nei!

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

PHYAWN NAK 14:2

“Israel gui am na m’thein gui vai, Ng’hlat ba ne Pi Hahiroth ah pei ah phung ami tuk vai, cun cu Mikdol la Tuisen Tuinu ah ng’lak, Baal Zephon ah pei ah kyak ci.

ISAIAH 19:13

Zoah la Memphis ah ami ng’vai gui cu ang laan ci gui nei. Ngami cu pakhui kmshüm khai gui ah kyak ci, cun ung phi ngami naw km hma a gui nei.

EZEKIEL 30:18

Kei naw Egypt ah huham ka m’shet law ung Tahpanhes ah khan ah kho hmüp nak gawk lawk khai, ngami naw ami khähghah nak aih ah k’thagui cu ng’pyi khai. Egypt cu khongmei naw shung khai, mang gaw avan ung chang gui cu thanwg ung kium khai gui.

EZEKIEL 30:16

Kei naw Egypt cu mei awn ka m’khih khai, Pelusium cu ka natsak khai. Thebes ah mang gaw k’paang gui cu ng’gäi khai, mang gaw cu tui naw lin khai.

EZEKIEL 30:14

Kei naw Egypt ah a thum täng cu shiu sak ne, a siiptäng ah Zoan mang gaw cu mei awn ka m’khih khai. Kei naw Thebes mang gaw küi cu ka m’kyuk khai.

EZEKIEL 29:14

Cun kawn ah kei naw ngami cu Egypt khaw a htumtäng ami om nak ge man ung ka om ba sak gui khai. Acu ah ngami cu aktha ken ciah uknak khaw ah kyak khai gui,

JEREMIAH 46:19

Thawng kium ah nami kiak khai ah om ge vä, nangmi Egypt chang gui! Memphis cu khong gau ah kyak sak ne di ne a u ah kä om nak ah kyak khai nei.

JEREMIAH 2:16

Memphis la Tahpanhes chang gui naw ani ah lukoi cu teek sak ci gui.

EZEKIEL 29:10

Kei cu nang ah ga, Nile tuinu ah ga ah ka kyak ci. Kei naw Egypt khaw avan cu a kholä k’auh ah ka cik khai, Asiip täng Mikdola mang gaw ungka naw, a htum täng Aswan mang gaw ung khüt ci, Sudanese khogii ah hteh nak lam avan ah kyak ci.

ATÜNNAK 10:14

Pathrus, Kasluh la Philistin pakhui ah ng’shon lawk ciah Krete ah kyak ci.

JEREMIAH 24:8

“Judah ghangpughang zekekiah, la ani koi ciah naigan gui la Jerusalem ung om ba ciah chang van shin ah khaw ung om ci gui kä cung Egypt ah ng’plon ci gui cu-kei, Bawipa naw ei ung kä ni aih ne shek ciah shin ah thei she gui ah mäih ah ka om püi khai.

JEREMIAH 43:13

Ani naw Egypt khaw Heliopolis ung lung tung theing gui cu m’di ne Egypt khanpughi gui ah Taigüim gui phi m’khih khai.”

EZEKIEL 30:13

Uktu Bawipa naw pyen ci, “Kei naw Memphis ung a gup gui la Khanpughishe gui cu ka m’di khai. A cu ah Egypt uk khai a u kä om ba khai, kei naw chang gui avan ka kyihkyawk sak khai.

HOSEA 9:6

Leigai agawk law ung chang gui cu püi piang lawk khai gui. Egypt chang gui naw k’bum ba gui khai gui — bum gui u ne memphis ung k’phuh gui khai gui. Ami ngui m’küm gui la ami im gui ah om nak man ah hmun cu m’ghaw gui la ng’hlingcam naw uk khai.

JEREMIAH 44:15

Ami chu gui naw ahei khanpughi gui ami khawihnah hmat ciah pamigui avan, cun ung ng’düi tuk ciah hnumi gui avan, Egypt a htumtäng ah om ciah Israel gui — chang hli ami van naw — ami na pyen nak cu,