JEREMIAH 43:7 - Cho Bible Common Language 2016

⁷ Ngami naw Bawipa ah thumkhän kä ngai u ne Egypt khaw Tahpanhes mang gaw ah khüt ne hteit ci gui.

JEREMIAH 43:7 Referans Kwoze

JEREMIAH 44:1

Egypt khaw ah om ciah Israel chang gui avan ah mawng, Bawipa naw kei ung thu pyen ci, cun gui cü mikdola, Tahphanhes, Memphis mang gaw gui la khopäng ah a htumtäng ung om ci gui ah kyak ci.

JEREMIAH 2:16

Memphis la Tahpanhes chang gui naw ani ah lukoi cu teek sak ci gui.

JEREMIAH 46:14

“Shin cu Egypt gawnu gui, mikdola, Memphis, la Tahpanhes ung ng’shäu vä: “Nami mät naw nami shung vong ge khai ah om vä; Nangmi ung om ci avan ng’tuk nak ung di khai nei!

ISAIAH 30:4

Ami ng’shäbawi gui cu Egypt khaw Zoan la Hanes mang gaw gui ung ami gawk law pyi pang ung phi,

EZEKIEL 30:18

Kei naw Egypt ah huham ka m’shet law ung Tahpanhes ah khan ah kho hmüp nak gawk lawk khai, ngami naw ami khähghah nak aih ah k’thagui cu ng’pyi khai. Egypt cu khongmei naw shung khai, mang gaw avan ung chang gui cu thanwg ung kium khai gui.

2 SHONTÄP NAK 25:16

Amaziah naw ng’thu ba pah ne, “Keimi naw nang cu ghangpughang na m’cäi m’ä khai ah kami ning tha ne ang? Kä chiu ba ne om ä, kä cung ka ning ngawn lawk khai nei!” cik ci. Prophet naw shin ah pyen neta, kä chiu ba ne om ci. “Tuhbäi kei naw ka hmat ci, Khanpughi naw nang ning m’di khai ah k’bäi pyi ci, a i ah kyasei ci ung nang naw shin gui bi ne, kei ah m’cäi ä nak a i ah kä na ngaih ah phäh ah kyak ci.”

ISAIAH 30:2

Ngami cu kei kä na ng’shikca ah Egypt khaw ah h teit ne ng’hui ng’pa ci gui. Ngami cu Egypt naw ashungvong gui vai m’hni ci gui, cun ah kya ne Egypt Ghangpughang ung ami ngaih u nak ap ci gui.

JEREMIAH 44:24

M’gäi ciah Bawipa, Israel khanpughi naw Egypt om ciah Judah chang gui a pyen nak gui cu kei naw chang avan am ka m’thein ci ak tung pi ah hnumi gui am ka m’thein gui ci: “Nangmi la nami chu gui nami van naw bä ciah shaitak cu khankho ghangpughangnu ung nami bik ci. Khawihnah nak ani am douthak vai, sapyittui-douthak phi ani am shawi vai, cine shaitak nami bik ci, nami shaitak cu nami k’pang ci. Akbä ah! Nami shaitak k’pang vä! Nami shai khan hteh püi vä!

2 GHANGPUGHANG GUI 25:26

Cun kawn ah Israel chang gui ak pyam angmang ami van gakap bawi gui awn a täng ah Babilonian gui kyih gui u neta Egypt khaw ah dawng ci gui.

JEREMIAH 41:17

Ngami naw Babilonian gui cu kyih gui ci gui, a i ah kyasei ci ung Babilonia ghangpughang naw khaw uktu ak a tha ah kedaliah cu Ishmaela naw a ngawn ah phäh ah kyak ci. Ngami cu Babilonian gui ami phiawn nak vai ah Egypt ah hteit ci gui. Lam ah ngami cu Bethlehem ah pei, Chimham ung ng’dümci gui.

JEREMIAH 42:21

Tuhbäi dei naw ka ning m’thein gui ci, cun ung pi Bawipa mi khanpughi naw na tüi sei ka ning m’thein gui nü cu kä nami läk ci.