JEREMIAH 43:6 - Cho Bible Common Language 2016

⁶ Cuu gui cu pami gui, hnumi gui, a hmaw gui la ghangpughang ah hta hnumi gui ah kyak ci. Gabawi Nebuzaradan naw Kedaliah naw a htei vai ah anawng pek ah chang nü, Baruk la kei mah ah na hteh püi gui ci gui.

JEREMIAH 43:6 Referans Kwoze

JEREMIAH 39:10

Du aih ciah Chang gui, khawh kä tak ci gui cu ani naw Judah khar ung nawng shüt gui ne lo gui la sapyit lo gui cu pe gui ci.

JEREMIAH 40:7

Judean bawi gui la gakap gui amshah cu ami kut kä chan ci gui. Babilonia ghangpughang naw Kedaliah cu khaw uktu ah tha ne, Babilonia ah kä ami hteh püi gui avan uk sak ci cia ng’yak ci gui-ngami cu cun ah khaw ung akdu pikbäih gui ah kyak ci.

NG’ÄI KYAH 3:1

Khanpughi ah m’kyuk nak khan khai cu a i ang, ci cu kei naw ka hmat ci.

JEREMIAH 41:10

Cun kawn ah ani naw ghangpughang ah hta hnumi gui la mizpah ung om ciah chang avan cu pha gui ci, ngami cu kedaliah naw am htei gui vai ah gabawi Nebuzaradan naw atha te ah kyak ci. Ishmaela naw cun gui cu pha gui neta Ammon khopäng täng ah hteh püi gui ci.

JEREMIAH 52:10

Riblah ung ani naw Zedekiah ah hta gui cu Zedekiah naw a hmuh ge ah sih nak pe gui ci, Judah ang vai gui phi sih nak pe gui ci.

JOHAN 21:18

Kei naw akcang ka pyein cu; nang cu nak hmaw yah ung ng’düi law ne na hteh nak hlü ah na hteit man ci, cun ung phi nang cu na ghi law ung na kut vang goi vei k’shäng ci sei chang naw ning khitpawng ne, kä na hteh nak hlü ah ning hteh püi khai” cik ci.

JEREMIAH 38:22

Cun ung kei naw ka hmuh cu, Judah bawi mang im ung k’pawih ciah hnumi gui aran cu Babilonia Ghangpughang ah bawi gyi ah hteh püi gui khai gui nei. Ngami ami hteh sangung ami pyan cu ngai vä: ‘Ghangpughang cu am hni pi ah ateih püi gui naw m’hleei hlak u ne, ani cu ukmit ci gui. Tuhbäi akhaw gui cu ng’nai ung lut ci nei, ateihpüi gui naw nawng ci gui nei.”

JEREMIAH 43:3

Keimi na na hnung tuk püi gui khai ah Neriah ah hta Baruk naw ning m’tho let ci nei, cun ah kyasei Babilonian gui naw keimi ah khan ah huham mah u ne, keimi na ngawn guihning ci gui.” Cik ci gui.

JEREMIAH 45:1

Josiah ah hta Jehoiakim Judah ghangpughang ah a kyak nak akum phli nak ung, kei naw ka m’cu pek cu Baruk naw guk ci. Cun kawn ah kei naw ka m’thein ci,

JEREMIAH 40:11

Cun sang ung, Israel gui ami van, moab, Ammon, Edom la ahei khopäng gui ung om ci gui naw, Babilonian ghangpughang naw Israel om shah gui cu Judah khaw ung om sak gui ne, ami uk tu ah Kedaliah cu tha ci, cicu ng’yak ci gui.