JEREMIAH 43:2 - Cho Bible Common Language 2016

² Cun kawnah Hoshaiah ah hta, Azariah, kareah ah hta Johanan la ahei m’gäim’cikciah chang avan naw na pyen nak ci gui, “Nang na hleei ci. Egypt khaw ah kä kami hteh vai ah na na m’thein gui khai ah Bawipa mi khanpughi naw kä ning tüi lawk khai.

JEREMIAH 43:2 Referans Kwoze

ISAIAH 7:9

Israel cu Samaria, amät ah mang gaw tung ah ta kä khüi ghat tuba ci. Samaria cu Ghangpughang Pekah a hta kä khüi ghat tuba ci. “Nami yumnak kä a khäng htek ah akyak ung, nangmi kä nami khäing htek khai.”

2 SHONTÄP NAK 36:13

Zedekiah naw Ghangpughang Nebukhadnezzar cu hnungtuk püi ci, ani naw Khanpughi ah ming ung taam ne, a bekhüt vai ah ak ghuih ah pyen nak ci. Cun ung phi ani cu amlung ling ne, kä ng’yu ba ne, Israel Khanpughi Bawipa ah kä ng’hlat law ba ci.

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

JAMES 4:6

Cun ung phi Khanpughi ah na peit gui ah chimgein nak cu khüighaat ba pi ci nei. Cacim theing naw, “Khanpughi naw chang ah ng’shei ci gui cu hnu nah gui ne, m’lung neim sak ci gui cu, chimgein nak pe gui ci nei,” ciah a pyein ah bä nak ah kyak ci.

JEREMIAH 43:1

Bawipa ami khanpughi naw ka m’thein gui vai ah ana pek gui phang cu chang gui am m’thein ne ka ng’pyi ci.

JEREMIAH 42:1

Gakap bawi gui ami van, Kareah ah hta Johanan la Heshaial ah hta Azariah gui cu ang bum päng ung chang gui awn law u neta

JEREMIAH 40:8

Cun ah kyasei Nethaniah ah hta Ishmaela, Kareah ah hta Johanan, Tanhumeth ah hta Seraiah, Netophah ah Ephai ah hta gui la maakah ah ka Jezaniah gui cu ami chang gui mah mah ah Mizpah, Kedaliah ah hteit ci gui.

JEREMIAH 13:15

Israel chang gui, Bawipa naw ning pyen ah gui ci nei! M’lung neim nak awn ani cu ngai vä.

NG'THU K'THUUK~ 16:5

Chang shedam nak ci phung cu Bawipa naw thui nak ci, Ani naw m’kyuk nak ungka ka phyawn sak gui phung khai.

JEREMIAH 41:16

Johanan la gabawi gui naw, mizpah ung kedaliah a ngawn kawn ah Ishmaela naw pha ne alaw pui gui cu m’htei gui ci gui-cun gui cu gakap gui, hnumigui, ak hmaw gui, la hnumi m’htei ci gui ah kyak ci.

NG'THU K'THUUK~ 30:9

Kei naw akdäm ka tak ung kei naw nang kä ka ning ya hlük ciah ka pyen khai. Kei ka dukhaih ah a kyak ung kei cu m’gu ne ka Khanpughi ah khan ah thüisei nak ka law püi khai nei.

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

SAM 123:4

Ng’bühmang ci gui ah yawshe nak la, chang ah ng’shei ci gui ah shedam nak kami awt cu sho aih ci nei.

SAM 119:21

Nang naw chang ah ng’shei cicu k’she na ne, na thumkhän kä läk cicu na plah tam ci.

SAM 12:3

O Bawipa! Thuvi ciah m’lei cu dim sak ä. Khäh ghah ciah m’gawng cu bing sak ä,

PHYAWN NAK 9:17

Cun ung phi nang naw yawshe na gui ne ka chang gui ami hteh vai cu na maa na gui ci.

PHYAWN NAK 5:2

Ghangpughang naw, “Bawipa cu a u ang? A i ah kyasei ani ah ng’thu ngai ne, Israel gui ka hteh sak gui vai ang? Kei naw Bawipa cu kä ka hmat ci, Israel gui cu kä ka hteh sak gui khai nei” cik ci.

ATÜNNAK 19:14

Lotah cu a hta hnumi gui ah cei gui vai ah om nak ah hteit neta, “Ang ghit ah ng’düi law vä, shin ah gawnu ungka mi dawng khai nei, Bawipa naw shin ah hmun cu m’di lawk khai nei” cik ci. Cun ung phi ngami naw a hleei ah ngai ci gui.

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

JEREMIAH 42:5

Cun kawn ah ngami naw ami na pyen nak cu,” mikmi ah phäh ah Bawipa mi khanpughi naw aning pek gui ah thumkhän avan cu kä mi läk ah a kyak ung, mikmi ana hnugtuk püi nak gui ung Bawipa cu düng ci la bekhüt ciah saksi ah kya sä.

JEREMIAH 42:20

nangmi cu aktung ah nami hma ci, nangmi ah hmawk ah Bawipa mi khanpughi ah tiagü vai ah nami na K’thäh ci, ani naw ang thumkhan phung nami bik kai ah phi shai nami tak ci.

JEREMIAH 44:16

“Nang naw Bawipa ah min gung na na m’thein gui ngaih vai ah keimi kami mak ci nei.

ISAIAH 9:8

Bawipa naw Israel ah uknak khaw Jakob ah hta ng’shon gui ah khan ah ng’thumcha nak cu ng’shäu pyi ci nei.