JEREMIAH 43:12 - Cho Bible Common Language 2016

¹² Kei naw Egypt khan pughi gui ah Taigüim cu mei awn ka m’khih khai, Babilonia ghangpughang naw ami khanpughi gui cu m’khih bawk khai, hteh püi bawk khai. Htome sham naw asuisak ung hli m’chah atheing sak ah mäih ah Babilonia ghangpughang naw Egypt khaw cu theing sak ne, näng nak awn nawng shüt khai.

JEREMIAH 43:12 Referans Kwoze

EZEKIEL 30:13

Uktu Bawipa naw pyen ci, “Kei naw Memphis ung a gup gui la Khanpughishe gui cu ka m’di khai. A cu ah Egypt uk khai a u kä om ba khai, kei naw chang gui avan ka kyihkyawk sak khai.

ISAIAH 49:18

Veing ne teng ne, a i ah kyak cicu na hmuh vai nei! Na chang gui cu ng’bum u ne ami im ah law ba ci gui nei! Kei cu ak cang ah ghing ciah khanpughi nei, ceimah khai ah hnumi hta pyülung ng’mo awn a khähghah ah mäih ah nang cu na chang gui awn na khäh ghah khai nei.

ISAIAH 19:1

Shin cu Egypt ah mawng thum’khäh ah kyak ci. Bawipa cu khongmei akyäpah ng cun ne Egypt ah lawk ci nei. Egypt gui ah amiagup gui cu ama ah ng’hlet ci gui, Egypt chang gui ami thagui maih ci.

JEREMIAH 48:7

“Moab, nang cu na thagui la na khawh cham na ngaih u ci, cun ung phi tuhbäi nang cu ning hnim khai gui; Nami khanpughi chemosh cu a manghta gui la a taigü gui mah ah omktu khaw ah hteit khai gui

JEREMIAH 46:25

M’gäi ciah Bawipa Israel khanpughi naw pyen ci, “kei naw Amon, Thebes gui ah khanpughi cu, Egypt gui ah khanpughi gui la ghangpughang gui awn atäng ah ka m’kyuk khai. Kei naw Egypt ghangpughang la ami yum ciah chang gui avan cu la ne,

SAM 104:2

Na mät naw na mät cu akdei awn na uk ci. Nang naw khankho cu phung ah mäih ah na ng’shawng sak ci,

JOB 40:10

A cun ah na kyak ung ng’tam ne chang k’om ne ng’düi ä. Hlüngtai bämang ciah sui cu sui ä.

ESTA 6:9

Cun ah kyasei hlungtai pikbaih ciah chang cu suinu m’sui ne ngse ung cuum sak ne, mang gaw na ng’hleh pui vai. ‘Teng vä, ghangpughang naw amtamkhah amhlümtai ah chang cu!’”

2 SAMUEL 5:21

Philistin gui cu dawng u ne, a gup gui cu nawng shüt u sei, David la ak chang gui naw a hei ah hteh püi ci gui.

PHYAWN NAK 12:12

“Cun ah mü ung Egypt khaw avan yäu ne ka hteit khai, chang gui la seime gui ah hta htük gui phung ka ngawn khai. Egypt gui ah khanpughi gui avan ka m’kyuk khai. Kei cu Bawipa nei.

KOLOSE 3:14

Shin ah ang baan gui avan cu m’hni nak ung phung ci, cun ah m’hni nak naw avan shum ne kümbe kawng ät sak ci.

KOLOSE 3:12

Nangmi cu Khanpughi ah chang ah nami kyak ci, Khanpughi naw ning m’hni gui ne amät ah chang ah ning ghü gui ci. Cun ah kya sei nami ng’thon nak vai cu m’hteihtang nak, chimgein nak, mät hnga ngaih nak, hniphnoi nak la hniimgei nak ah kyak ci.

EPHESIAN 6:11

Khoshe ah thuvi tüihtok nak näng m’khüt nak vai ah, Khanpughi ah ning peik gui ah likhim k’be cu nami awi k’bah vai nei.

EPHESIAN 4:24

Nangmi cu chang thai ah nami kyak vai nei, cun cu Khanpughi naw a müi ah a tüisho la ghin nak akcang ah ang dang sak ah düngdau ci la theingcim ciah kyak ci nei.

ROMAN 13:12

Khaw ah mü nak ng’pyi law ne, khaw cu thai law ghi ghi ci nei. Cun ah kya sei mikmi cu, hnüp khui ah ng’yak hlü ah om ih nak gui cu mi nawng shüt ne, akdei ung gaa tuk nak vai ah li khim cu mi pawng püi khai nei.

ZEPHANIAH 2:11

Ngami cu Bawipa naw kyih sak gui khai, ani naw khomdek khanpughi gui cu akholä ah kyak sak gui khai. Chang pakhui pang naw ami mät ah khaw phäh phäh ung Khanpughi cu khawihnah khai gui.

JEREMIAH 51:44

Kei naw Babilonia khanpughi Bela cu ka m’kyuk khai, am guuk ah khawh gui a chah vai ah ka cik khai: a u pakhui naw phi kä khawihnah ba khai. “Babilon k’paang gui cu ng’kia pyi ci nei.

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

ISAIAH 61:5

Ka chang gui aw, khuihei chang gui naw nami bi bik khai gui nei. Ngami naw nami seime gui, nami lo gui, nami khaw gui, nami sapyit gui m’htei khai gui.

ISAIAH 59:17

Ani naw taga nak cu saphaw ah mäih ah sui ne, hun nak huham ah kyak ciah lukhu cu ng’büng khai. Anawng gui düng khai ah bi nak hlü aih ah sui cu amät naw sui ne, chang gui ah yai ca nak ah cheishoh nak cu m’lyuk ne phu tuk khai.

ISAIAH 52:1

Jerusalem, na khüighat vai, na dämduh ba vai nei! Theingcim ciah khanpughi ah mang gaw, suinu na sui bei vai nei! Khui hei gui cu na m’kawt ung kä lut tu ba phung khai gui nei.

ISAIAH 46:1

Shin cu Babilon khanpughi gui ah ng’pyi nak ah kyak ci nei! A zan ung Bel la Nebo cu khawihnah man ci gui, Cun ung phi tuhbäi sela ah phuih vai ah kyak sak ci gui.

ISAIAH 21:9

Ang ghit ah shin ung lawk ci gui nei! Se cun ciah chang gui, hnih ci hnih ci ah. Ngäng ci naw pyen lawkci, “Babilon cu zu ng’kia pyi ci nei! Ami khawihnah ah a gup gui avan cu hnget ne ng’kiam ne m’dek ung ng’zän ci gui nei.”

SAM 132:18

Ani ah ga gui cu thüi ng’aa nak awn ka küm khai, Ani ah uk nak kho cu ng’bühmang ne, bä m’cam khai.”

SAM 132:16

Kei naw a taigüpa gui cu ami bi nak phung ung hriham ka pe gui khai, a chang gui naw yei ne m’lau ne ng’äi m’cu khai gui.

ISAIAH 46:2

Agup gui naw ami mät naw ami mät kä hunhning a gui; Ngah mi cu khäm gui ne a hei ah hteh püi ci gui. Shin cu Babilon khanpughi gui ah ng’pyi nak ah kyak ci!

JEREMIAH 43:13

Ani naw Egypt khaw Heliopolis ung lung tung theing gui cu m’di ne Egypt khanpughi gui ah Taigüim gui phi m’khih khai.”

JEREMIAH 49:27

Kei naw Damaskas gaw k’paang gui cu mei awn ka m’khih khai, a cun naw ghangpughang Benhadad ah mang im gui phi ui khai. Kei, m’gäi ciah Bawipa naw ka pyen nei.”

EZEKIEL 29:11

A i hnicim chang, a i khisa phi cun ung kä hteit khai. Khokum phli kip ung cun ung a i phi kä om khai.

DANIEL 11:8

Ani naw ami khanpughi gui ah agup gui la a cun ah khanpughi gui ami khawihnah nak ah ghui la ngui khawh gui cu Egypt khaw ah hteh püi ba ci. A ding gei nak khokum a shou kawn ah,

JEREMIAH 10:11

(Nangmi chang gui naw nami m’thein gui vai cu khomdek la khankho mik tui pyang ciah kä kyak ciah khanpughi gui cu m’di vai nei. Ngami cu khomdek khan ung ahawi ah phi kä om tuba khai gui.)

JEREMIAH 10:15

Ngami cu a kholä ah kyak ci gui, päiphi vai ah kyak ci gui; Bawipa naw ngami cu m’kyuk gui khai ah a law ung, ngami cu m’di gui khai.

JEREMIAH 25:19

Shin cu cun ah khap un gawk ciah ahei chang gui avan ah kyak ci; Egypt ghangpughang abawi gui la angvai gui; Egypt chang gui avan la Egypt kho ung om ciah khuihei chang gui avan; Uz kho ung ghangpughang gui avan; Philistine mang gaw gui ah kyak ciah Ashkelon, Kaza, Ekron ung ghangpughang gui la Ashdod ung k’pawih ba ci gui, Edom, Moab la Ammon ung chang gui avan; Tire la Sidon ung ghangpughang gui avan; Mediteranean khaw ung ghangpughang gui avan; Dedam, Tema la Buz mang gaw gui; alu aktawi ah k’tei ciah chang avan; Arabia ghangpughang gui avan; Khong gau khaw pakhui gui ah ghangpughang gui avan; Zimri, Elam la media ghangpughang gui avan; Ashou, ang et ungka gui, assip täng ghangpughang gui avan ah kyak ci. Khomdek khan ah chang pakhui nü cu acun ung awk khai gui. Akhnu ah Babilonia ghangpughang naw acun ung awk khai.

EZEKIEL 29:19

Cun ah kyasei, tuhbäi kei uktu Bawipa naw ka pyen cu; kei naw Egypt khaw cu ghangpughang Nebukhadnezzar am ka pek ci nei. Ani naw Egypt ah khawh cham avan cu guttep ka na neta, a gakap gui ah lakha vai phäh ah hteh püi yawp khai.