JEREMIAH 43:10 - Cho Bible Common Language 2016

¹⁰ Na m’thein gui vai, Kei, M’gäi ciah Bawipa, Israel khanpughi ka changshäm Babilonia ghangpughang Nebukhadnezzar cu shin ah hmuh ung ka law pui khai, ani naw nang naw na k’phuh ah shin ah lung ah khan ah amang kiang tha ne, acun ah khan ah mang phung nu cu küm khai.

JEREMIAH 43:10 Referans Kwoze

JEREMIAH 1:15

a i ah kya seici ung a siiptäng ah ka changpakhui avan cu kei naw ka khü gui ci. Ami ghangpughang gui naw ami mang-kiang gui cu Jerusalem m’kawt gui la angveing paang gui, la a cun ah mäh ah ahei Judah mang gaw gui angveing gui ung cokyang ci gui.

ISAIAH 44:28

Kei naw Sairus cu ka pyen nak ci, ‘Nang naw kei ah phäh ah na uk khai nei; Kei naw ka ning bi sak hlü cu nang naw na bik khai nei. Jerusalem cawh ba vai la Taigüim ah angnei k’süm vai ah, nang naw ng’thu nak’bäi vai nei.’”

SAM 31:20

Ngami cu chang gui ah cicum nak ung la ga gui ah bi nak ung phyawng khai gui ah nang naw ng’yii nak ung na thup gui ci.

SAM 27:5

Geinvai yah ung ani naw a im ung na ng’yii sak ne; pum im kyong ah phyawn vai ah na thup ci, hlüng ciah lung tung khan ah na taih ne na phyawn ci.

SAM 18:11

Ani cu hmüp khui awn ng’shung ne; Khong’mei shah la tui k’thuuk naw ng’vong ci gui.

MATTHE 22:7

Ghangpughang cu ang htei ah m’lung she netah, gakap gui cu tüi gui ne, cun ah chang gui cu ngawn sak gui ne, ami pigaw phi mei awn m’khih gui ci.

DANIEL 2:21

Ani naw akhin la khokhi aa cu k’pang ci nei; Ani naw ghangpughang cu hmoh ne chah ba ne cik ci nei; Ani naw cüivai nak la hmuhmat nak cu pek ci nei.

1 GHANGPUGHANG GUI 20:16

Ami ng’tuk nak cu hnüüp lung ung tün ci gui, cun sangung Benhadad la angkhawt püi thumkip lei goi cu phung ah kyong ah awktat ne om ci gui.

1 GHANGPUGHANG GUI 20:12

Benhadad naw angkhawt püi gui la uktu gui awn phung ah kyong ah ami awk yah ung Ahab ah ng’thu ng’ya neta, mang gaw ge vai ah ami om vai ah ng’thu k’bäi gui sei, ngami cu ng’tuk ge vai ah pawng ci gui.

ISAIAH 45:1

Bawipa naw sairus cu ghangpughang ah ghü ci. Bawipa naw ani cu pakhui gui näng khai ah m’düih ci; Ani naw ghangpughang gui ah huham cu khäm khai ah tüi ci; Bawipa naw ani ah hmawk ah mang gaw m’kawt gui cu hmawng khai. Bawipa naw Sairus a pyen nak cu,

JEREMIAH 43:9

Lung am kawm gui amshah la neta, düma khan ung, acoyah im ah valuh nak ah im hmai lam, shin ah mang gaw ung phuh vä. Cun ah na bi cu Israel chang gui naw gui naw hmu tu u sä.

JEREMIAH 46:13

Egypt tuk khai ah Babilonia ghangpughang Nebukhadnezzar a law sangung Bawipa naw thu na pyen nak ci. Ani naw pyen ci,

EZEKIEL 5:12

Nami Chang gui ung bum thum bum ät cu gawpyam nak la ei ah cawi ne mang gaw kyong ah sik khai gui; bum ät cu mang gaw k’pung ah khimsem awn tupit gui khai gui; bum ät cu khokhi ung m’shou ne kei naw khimsem awn k’täm ne ka tu gui khai.

JEREMIAH 49:38

Kei naw ami ghangpughang gui la ami ng’vai gui m’di gui ne, acun ung ka mangkiang ka k’süm khai.