JEREMIAH 42:6 - Cho Bible Common Language 2016

⁶ Keimi kä ana yei sak gui ung phi, ana yei sak gui ung phi keimi naw k’thäh u ngä sei na k’taigü nak ah Bawipa mi khanpughi cu kami ngai khai nei. Ani kami ngaih ah a kyak ung keimi ah khan ah avan cu bä khai nei.”

JEREMIAH 42:6 Referans Kwoze

JEREMIAH 7:23

Cun ung phi ka ng’thu ami ngaih vai ah ka thumkhän gui ci, cun ah kyasei kei cu ngami ah Khanpughi ah ka kyak ci, ngami cu kei ah chang ah kyak khai gui. Kei naw kei ah ka thumkhän ah mäih ah ami om vai ah ja pyen ah gui ci, cun un apäng avan cu akni ah kyak khai.

THULÄÄN NAK 5:29

Ngami naw a shin ah mäih bäng angtäi sei ami ngaih ah a kyak ung, ngami naw angtäi sei kei bäng nam tamkhah u neka thumkhän avan ami läk ah a kyak ung, ngami la ami htangshon gui ah phäh ah khaw ng’län ung a päng avan cu nik khai nei.

ROMAN 8:7

Hnicim chang ah ng’yak hlü bäng ngaih-tüh ciah chang cu Khanpughi ah gaa ah kyak ci, ani naw Khanpughi ah thukhän kä läk hlawt ci, akcang ah kä läk hlawt ci.

THULÄÄN NAK 5:33

Avan nami läk vai, cun ung a päng avan cu nangmi ung nik khai. Cun ung nang mi naw nami khäm law vai ah khaw ung nangmi cu k’täi ne nami om khai.

ROMAN 7:13

Cun ah a kyak ung akni naw kei cu na sih sak ne ang! Cun ah kä kyak ci, Kei na sih sak cicu katnak ah kyak ci, kat na cu kei ah ka nupuk ng’tüipüi ah ang dang vai ah, ak ni cu mang ne kei cu ana sih sak ah kyak ci. Cun ah kya sei katnak a i hlawk ah ashetkat ah mawng cu thukhän awn hmat ah kyak ci.

ROMAN 7:7

Cun ah a kyak ung thukhän amät cu katnak ah mi pyein khai ang! Cun ah kä kyak ci! Cun ung phi katnak cu a i ang, cicu thukhän naw na hmat sak ci. A vaisü ah, “Chang ah khawh kä ng’yak hlü düt vai,” ciah thukhän naw kä a pyein vai sü ung, ng’yak hlü nak düt ah mawng cu kei naw kä ka hmat khai sü te,

ISAIAH 3:10

Düng ciah chang gui cu yeikyai khai gui, amawng avan cu ngami ah hmawk ah nik khai. Ngami cu ami bi ah kmawk ah yeikyai khai gui.

SAM 128:2

Na mät ah bilawh awn na ng’yak hlü küm be khai, yeikyai ne na bämang khai.

JOSHUA 24:24

Cun kawn ah chang gui naw Joshua am, “Keimi naw Bawipa kami Khanpughi ah bii cu kami bik khai nei. Ani ah thumkhän cu kami läk khai nei” cik ci gui.

PHYAWN NAK 24:7

Cun kawn ah ani naw thukhän ca-uk cu lak ci, cun ung Bawipa ah thumkhän ami guk ah kyak ci. Ani naw cun cu chang gui ah ma ah m’lau ne phat ci. Chang gui naw, “Mikmi naw Bawipa cu mi ngai khai, ang thumkhän phung cu mi bik khai” cik ci gui.

THULÄÄN NAK 5:27

Hteit ä, Moses aw, Bawipa nami Khanpughi ah hteit neta, a pyen phung cu na ngaih vai nei. Cun kawn ah law ba ne nang ung a i a ning pyen nak cu nam thein law ba gui ä. Keimi naw ngai ne kami läk khai nei.”

JEREMIAH 22:15

Nang naw cedar sing awn im co ne, ahei im gui ah ta niba pi khai ah na pyan ung phi, cun naw bä ba pi ciah ghangpughang ah ning pyan khai ang? Nang ah napa cu a ghin ah chuih zeikia ci. Akphlüt ah ng’düng ne taga ci, ani abi lawk nak nü ung bämcam ci.

JEREMIAH 43:4

Cun ah kyasei, Johanan, käcung gabawi tumat mat käung chang tumat naw phi Judah khaw ah k’pawih shüt vai ah Bawipa ah thumkhän ngai ci kä om ci nei.

SAM 78:36

Cun ung phi ami thu phung cu hleei ah kya ne, ami ng’htau ng’düng ci kä om ci.