JEREMIAH 42:5 - Cho Bible Common Language 2016

⁵ Cun kawn ah ngami naw ami na pyen nak cu,” mikmi ah phäh ah Bawipa mi khanpughi naw aning pek gui ah thumkhän avan cu kä mi läk ah a kyak ung, mikmi ana hnugtuk püi nak gui ung Bawipa cu düng ci la bekhüt ciah saksi ah kya sä.

JEREMIAH 42:5 Referans Kwoze

ATÜNNAK 31:50

Laban naw pyen ba mä ne, “Ka hta hnumi goi na k’shedam nak ung, a hei na chu nak tuba ung, kei naw kä ka ning hmat ung phi Khanpughi naw ning teng khai nei.

SUKI GUI 11:10

Ngami naw, “Kami yum ci nei, Bawipa cu kami saksi nei” cik ci gui.

THU PHLAAN 3:14

“Laodicea Khrithabum ah khankho chang-am ca gu ne peit law nei: “Shin ah ca cu Khanpughi ah tüisho gui ung om-maa ah kya ne, bekhüt ne, saksi akcang ah kyak ciah Amen ah m’cäi nak ah kiak ci.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

MALAKHI 2:14

A i ah kyasei ani naw kä a dou ba cu nami ng’shi thäh ci. A i ah kyasei ci ung ani naw hmat ci, nami hmaw yah ung nami chu nak ah nami chu ah khan ah nami shaitak nami m’shet ah hmawk ah kyak ci. Ani cu na paw ah kyak ci, cun ung phi nang naw na shaitak nam shet ci. Khanpughi ah ma ah shai na tak ci kyasei, ani ah khan ah na bekhüt vai kyak ci.

MIKHAH 1:2

Chang pakhui avan naw shin cu ng’ya vä; m’dek khan ung om ciah chang avan naw shin cu ngai vä! Uktu Bawipa naw ning hnu na gui ne saksi khai nei. Ngai vä! A khankho im ung ka naw thu pyen ci nei.

ROMAN 1:9

Ahtapa ah mawng Thu Ni ng’shäu ne pyein ne, kam lung kyong avan ap ne, Khanpughi ah khuut cu ka bik ci.

JEREMIAH 5:2

Nangmi naw Bawipa khawihnah vai ah nami pyen tupang ung phi, nami pyen ah kä nami bik ci nei.

1 SAMUEL 20:42

Cun kawn ah Jonathan naw David am, “Khanpughi naw ning om püi sä. Nik ni naw ni bi ah theing ciah shaitak cu, nang la kei la, nang ah hta ng’shon la kei naw ng’hteicha sak khai nei,” cik ci. Cun kawn ah David hteit sei, Jonathan cu pigaw ah hteit ba ci.

1 SAMUEL 12:5

Samuel naw pyen ba ne, “Kei chang ni akbe ah ka kiak, nangmi naw nami na hmuh nak ah mawng ung, Bawipa la aghü ah ghangpughang cu tuhngawi saksi ah kyak khai goi” cik ci. Ngami naw, “Ä, Bawipa cu mikmi ah saksi nei” cik ci gui.

PHYAWN NAK 20:19

Ngami naw Moses am, “Nang naw na ng’thu püi gui ung keimi naw kami ngai khai, cun ung phi Khanpughi naw na ng’thu püi gui sei kami kyik ci, kami si lawk khai nei” cik ci gui.

PHYAWN NAK 20:7

“Ka ng’ming cu akshe ah kä nami mang vai, ka ng’ming akshe ah mang ci phung cu, Kei, Bawipa nami Khanpughi naw ka m’kyuk khai.

JEREMIAH 43:2

Cun kawnah Hoshaiah ah hta, Azariah, kareah ah hta Johanan la ahei m’gäim’cikciah chang avan naw na pyen nak ci gui, “Nang na hleei ci. Egypt khaw ah kä kami hteh vai ah na na m’thein gui khai ah Bawipa mi khanpughi naw kä ning tüi lawk khai.

JEREMIAH 43:4

Cun ah kyasei, Johanan, käcung gabawi tumat mat käung chang tumat naw phi Judah khaw ah k’pawih shüt vai ah Bawipa ah thumkhän ngai ci kä om ci nei.

JEREMIAH 42:20

nangmi cu aktung ah nami hma ci, nangmi ah hmawk ah Bawipa mi khanpughi ah tiagü vai ah nami na K’thäh ci, ani naw ang thumkhan phung nami bik kai ah phi shai nami tak ci.