JEREMIAH 42:22 - Cho Bible Common Language 2016

²² Cun ah kyasei shin cu shüm ba vä; nangmi hteit ne nami om nak hlü ah khaw päng ung ng’tuk nak, ei cawi nak la gawpyan nak awn nami sik khai” cik ci.

JEREMIAH 42:22 Referans Kwoze

JEREMIAH 42:17

Egypt ah hteit ne om vai ah ling ciah chang avan cu ng’tuk nak ung baw, ei cawi ne baw, gaw pyan ne baw sik khai. Tumat phi kä k’pawih ba khan, Ngami ah khan ah kei naw ka law püi ah lei gai cu tumat naw phi kä phiawn nak khai.’

HOSEA 9:6

Leigai agawk law ung chang gui cu püi piang lawk khai gui. Egypt chang gui naw k’bum ba gui khai gui — bum gui u ne memphis ung k’phuh gui khai gui. Ami ngui m’küm gui la ami im gui ah om nak man ah hmun cu m’ghaw gui la ng’hlingcam naw uk khai.

EZEKIEL 6:11

Uktu Bawipa nae pyen ci, “Irsael chang gui naw ami bi ah akshekha gui avan la shemshai ci gui ah phäh ah name kut teen nei, name khaw k’suh ne! azä ne kyap vä. Ngami cu ng’tuk nak ung, m’gaang ung, natnak ung sik khai gui nei.

JEREMIAH 43:11

Nebukhadnezzar naw law ne Egypt cu hnim khai. Cun ah chang gui gawp yam nak ung sik khai gui cu, gawpyam ne sik khai gui, pha ne ami hteh püi gui vai cu pha ne hteh püi khai gui, ng’tuk nak ung ami ngawn vai gui cu ng’tuk nak ung ngawn gui khai gui.

ISAIAH 30:3

Cun ung phi ghangpughang naw am hteihtang nak gui vai ah huham cu maih khai, Egypt ah shungvong nak cu leigai awn ng’pyi khai.

JEREMIAH 44:12

Judah khaw ung pawih shüt ciah chang gui la Egypt ah hteit ne om khai ah ling ciah chang gui cu ami van ka dishum sak gui khai nei. Ngami ami van, ak zaw akdäm cu ng’tuk nak ung käwng ei ah cawi ne Egypt ah sik khai gui. Ngami cu chang ah ma ah kyih shek khai gui; chang gui naw gaih tu gui ne, ami ming cu plah taam nak ah mang khai gui.

EZEKIEL 33:27

“M’thein gui ä, kei uktu Bawipa akcang ah ghing ciah Khanpughi naw ng’thu ka k’bäi gui cu, ng’phyek ciah mang gaw gui ung om ciah chang gui cu ngawn gui vai nei. Shin ah khopäng ung om ciah chang gui cu khisa naw ei gui khai nei. Khomhtung la lungkhui ung ng’thup ciah chang gui cu gaw pyam ne sik khai gui nei.

JEREMIAH 24:10

Kei naw ngami la ami pupa gui am ka pek ah shin ah khaw ung chang tumat phi kä a om ba güt ung ng’tuk nak, ei cawi nak la leigai cu ami khan ah ka law püi khai.”

EZEKIEL 6:12

Asho nak ungka gui cu gaw ne sik khai gui; ang etnak ungka gui ng’tuk nak ung ngawn gui khai gui; k’pawih ba ci gui cu ei ah cawi ne sik khai gui. Ngami naw kei ah m’lungshe nak ah k’tut nak cu gah khai gui.