JEREMIAH 42:2 - Cho Bible Common Language 2016

² kei cu na pyen nak ci gui, “Na bä ni, kami k’thäh cu na bi pe gui ä! Bawipa kami khanpughi ah keimi ah phäh ah na tai gü pe gui ä. Kami k’pawih ba ci avan ah phäh ah na k’taihü pe gui ä, Cau läi kami da man te ci; tuhbäi api hta kami k’pawih lawk ci, na hmuh ah mäih ah kyak ci.

JEREMIAH 42:2 Referans Kwoze

JEREMIAH 36:7

Ngami cu Bawipa ah k’taigü u ne akshe ami bi nak ungka naw ng’hlat tei law hman khai gui, ciah kyasei ci ung Bawipa naw a chang gui cu kyih vai kyak ciah amlungshe nak la a nget nak awn om püi gui ci.”

TAIGÜTHUM 26:22

Nami ng’lung ah kyih she ciah khisa cu kei naw ka tüi lawk khai, a cun gui naw nami hta gui lo u ne, nami vuhchah gui m’di khai gui, api hta bäng ning pawih na gui khai, nami lam gui cu ng’gau khai.

JAMES 5:16

Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.

LAMKTU 8:24

Simon naw Peter lah Johan am, “Tuhbäi na ni pyein gui cu kei ah khan ah kä a gawk law vai ah Khanpughi ah nak taigü pe nä” cine ng’yawi ci.

NG’ÄI KYAH 1:1

A i ah kyasei Jerusalem a mät a omdam ang? A cau chang gui be ne om man te ci nei. Khaw ah ka ung ami m’tamkhah man, Ani cu tuhbäi hmei nu ah mäih ah kyak ci. Mang gaw gui ung chang bä pikbäih man gui cu, changshäm ah kyak ci gui nei.

ISAIAH 37:4

Assirian ghangpughang naw abawi ng’vaipu cu ghing ciah khanpughi gheettaap khai ah tüi ci. Bawipa nami khanpughi naw shin ah gheet nak su ng’ya neta, cun ah ng’thu ci gui cu m’kyuk sä. Cun ah kya sei, cun ah k’pawih ba ciah mi chang gui ah phäh ah khanpughi ah k’taigü vä.”

ISAIAH 1:9

M’gäi ciah Bawipa naw chang amshah kä ak pawih nak vai sü ung, Sodom la komorrah ah mäih ah Jerusalem cu avan ah m’di khai süte.

1 SAMUEL 12:19

Cun kawn ah ngami naw Samuel am, “Na bä ni saza, keimi ah phäh ah Bawipa na Khanpughi ah na taigü pe gui vä. Cun ung keimi kä kami shik khai. Keimi naw kami hmat lawk ci, kami hma gui avan ah kawn ah ghangpughang kami thäh nak awn kami hma ba mä ci nei” cik ci gui.

1 SAMUEL 7:8

Ngami naw Samuel am, “Mi Khanpughi Bawipa ah taigü ä, Philistin gui ung ka phyawn nak vai ah” cik ci gui.

JEREMIAH 37:20

Tuhbäi ka bawi aw, kei cu na ngai ne ka ning thäh cu na bi vai ah ka ning paa nak ci nei. Nabäni, Jonathan ah im ung thawng kä na chum en ba ä, na na chum ba ung, a cu ah ka sik khai nei.”

JEREMIAH 37:3

Ghangpughang Zedekiah naw Shelemiah ah hta Jehukala la marseiah ah hta Taigü Zephaniah cu kei ah tüi law ne, mi pakhui ah hnün ung om ne, Bawipa, mei khanpughi ah tai gü vai ah ng’shi thäh law sak ci

1 GHANGPUGHANG GUI 13:6

Ghangpughang Jeroboam naw prophet pyen nak ci, “Na bä ne, Bawipa, na Khanpughi ah nak taigü peä, ka kut ana khan sak vai ah nak thäh peä!” Prophet cu Bawipa ah taigü khäta, ghangpughang ah kut cu khan ci.

THULÄÄN NAK 28:62

Nangmi cu khankhomik ung aisi chü ah nami da law pang ung phi, api vah nami pawih ba khai. A i ah kyasei ci ung nangmi naw Bawipa nami Khanpughi cu kä nami läk ci.

PHYAWN NAK 8:28

Ghangpughang naw, “Bung ah Bawipa nami Khanpughi nami petak khawihnah khai ah ka ning hteh sak gui khai, a shou nak ah kä nami hteh en vai nei. Kei ah hmawk ah nami taigü vai nei” cik ci.

MATTHE 24:22

Khanpughi naw cun ah khin cu kä a tawi sak ah a kyak ung a u phi ghing ne kä om ba hlawt khai. Cun ung phi Khanpughi naw a ghü ah chang gui ah hmawk ah cun ah a khin mü hnüüp cu tawi sak khai nei.

EZEKIEL 12:16

Ngami ung ka api cu ng’tuk nak, ei cawi nak la gaw pyan nak ungka ka k’phiawn gui khai, cun ung ngami cu chang pakhui gui ah ng’lung ah ngami ah hnün thawh cu a i hlawk ah shemshai ci, cicu hmat u ne, kei Bawipa ah ka kyak cu ng’kiaa khai gui.”

JEREMIAH 42:20

nangmi cu aktung ah nami hma ci, nangmi ah hmawk ah Bawipa mi khanpughi ah tiagü vai ah nami na K’thäh ci, ani naw ang thumkhan phung nami bik kai ah phi shai nami tak ci.

JEREMIAH 21:2

“Na bä ni, kei mi ah phäh ah Bawipa ah na thäh pe gui ä, a i ah kyasei ci ung Babilonia ghangpughang Nebukhadnezzar la a gakap gui naw mang gaw cu khai ci gui nei. Bawipa naw keimi ah phäh ah cäi aih vai tumat bawta m’dang ne, Nebukhadnezzar cu ng’hlah ei ba sak hman khai nei.”

ISAIAH 1:15

“Nangmi naw taigü nak ung nami kut nami shäng ung, Kei nan kä ka ning teng gui khai nei. A i Chü ah nangmi nami taigü ung phi kei naw kä ka ngai khai nei, a i ah kyasei ci ung nami kut cu si naw k’plüm ci nei.

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

THULÄÄN NAK 4:27

Bawipa naw nangmi cu changpakhui hei gui ah ng’lung ah ning püi sak gui khai. Acu ah nangmi api nami pawih ba khai.

PHYAWN NAK 9:28

Bawipa ah taigü vä! Keimi cu shin ah hmumkyeek la gääi nu awn kami ng’büh khai nei. Kei naw shai ka tak ci, ka ning hteh sak gui khai nei, shin ung nangmi kä nami om tu ba khai nei” cik ci.

JEREMIAH 15:11

Bawipa, kei naw nang ah bii akni ah kä ka bi ah a kyak ung, ka ga gui khuikhanak la shedam nak ami gawk law ung ami ng’paa nak vai ah kä ka hnungtuk ah a kyak ung ami ng’plah taam nak avan cu bä sä.

JEREMIAH 38:14

Amawng ahei awn Ghangpughang Zedekiah naw Taigüim luh nak akthum nak ung na hteh püi neta ana pyen nak cu,” kei naw ka ng’ya hlük ci,” ciah kyak ci.

JEREMIAH 40:15

Cun kawn ah Johan naw adüm ah ani am a pyen nak cu, ‘Kei naw adüm ah hteit ne Ishmaela cu ka ngawn khai, a u naw a ngawn ah kä ng’hmat khai nei. A i ah kyasei nang ning ngawn khai ah ani ami bi sak ang? A cun naw Jew chang gui avan ning k’buui ne om ci gui cu püi pyang sak gui khai nei, awn naw Judah ung ami nawng shüt ah chang avan ah khan ah phi lei gai gui law püi khai nei.”

HOSEA 8:10

Cun ung phi tuhbäi kei naw hteit ne k’bum gui ne ka m’kyuk gui khai. Kä shou pha sei ngami cu Assiria uktu bawi ah shedam nak gah lawk khai gui. Ngami cu ng’hleei lawk khai gui.

AMOS 7:2

Kei naw ka mang ung khaw a kyong ung khu am kim phung khanpeh gui naw ei yawp u sei ka hmuk ci. Cun kawn ah kei naw, “Uktu Bawipa na chang gui cu m’gein gui ä! A i hawkcha ah ngami pawih ba khai gui ang? Ngami cu yawken aih ci gui nei!”

THULÄÄN NAK 28:63

Bawipa naw nangmi cu nami bühmang vai ah ning pyang gui ne, nami da vai ah ning pyang gui ne a yeikyai ah mäih ah nangmi ning m’di gui ne nami khan ah dishum nak vai law püi ne, yeikyai khai. Nami khäm vai ah khaw ungka ka ning mawi ba gui khai.

SAM 119:170

Ka taigü na ngaih pe ä, na shaitak ah mäih ah na hun ä.

ISAIAH 42:20

Israel gui, nangmi naw akda nami hmuk ci, cun ung phi nangmi ah hwawk ah abä nak a i om ne ang? Nangmi nami ng’yak nak vai nami hnga om ci, Cun ung phi nangmi naw akcang ah nami ng’yak cu a i ang?”

JEREMIAH 2:27

Nangmi nami van nami thüi khai, sing ghing cu nami pa, lungkheng cu nami nu ah nami pyen khai. Cun ah akiak cu a i kyak sei ci ung kei ah nami ng’hlah law ba nak vaisü ung, kei nami na ng’hlah tak ah phäh ah kyak ci. Cun ung phi khüikha nak ung nami gawk law ung law ne ka ning hun gui vai ah nami na k’thäh ci.