JEREMIAH 42:19 - Cho Bible Common Language 2016

¹⁹ Kei naw k’täi ne, “Egypt ah kä hteit ne Judah khaw ung nami om shüt ciah chang gui am Bawipa naw ning m’thein gui ci nei. Cun ah kyasei kei naw tuhbai ka ning k’bai gui ci,

JEREMIAH 42:19 Referans Kwoze

THULÄÄN NAK 17:16

Ghangpughang naw amät ah gakap ah phäh ah ng’sela akda kä a tha vai. Ani naw Egypt khaw ah chang tüi ne sela kä ak hleih sak vai. A i ah kyasei ci ung Bawipa naw a chang gui cu acun ah khaw ah kä ami ng’hlah ba vai ah pyen ci.

NEHEMIAH 9:26

Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

EPHESIAN 4:17

Cun ah kyasei nang mi cu kä yum ci gui ah mäih ah, kä nami om ih ngaih-tüh ba lä vai ah Bawipa ming ung ka ning khän gui ci nei.

LAMKTU 2:40

Peter naw cun bäng ah kä kyak ciah, ng’thu akda pyein neh am cäi gui cu, “nang mi cu, changshe gui naw ami gah vai ah kak ci m’kat nak ung, nami mät naw nami mät cu phiawn sak vä” cik ci.

EZEKIEL 17:15

Cun ung phi Judah ghangpughang naw kuknet neta Egypt ah a Chang tüi ne, ng’se gui la gakap akda cu k’thäh ci. Ani näng khai ang? Ani cun ung phyawng khai ang? Ani naw thukbäi bi nak cu kä m’shet hlawt khai, m’kyuk nak kä gah ah kä kya hlawt khai!

EZEKIEL 3:21

Nang naw Changnicu katnak kä bik khai ah thukbäi ci sei, ani naw ning hgai ne, katnak kä abi ung, ani cu ghing ne om khai, nang ah hnun ghin nak cu phyawng khai.”

EZEKIEL 2:5

Cun ah ng’küknet ciah chang gui naw ami ning ngai ung phi, kä, ami ngaih ung phi, ami ng’lung ah prophet om ciah hmat khai gui nei.

JEREMIAH 38:21

Cun ung phi nang naw kut chah vai ah na maa ah a kyak ung a i ah kya lawk khai ci cu, Bawipa naw ka muimang ung na m’dang ci nei.

2 SHONTÄP NAK 24:19

Bawipa naw prophet gui tüi ne ani ah ami law ba vai ah m’cäi gui ci, cun ung phi chang gui naw ami ngaih vai ah mak ci gui.

THULÄÄN NAK 31:21

Cun kawn ah kyih vai ah leigai akda ami khan ah gawk lawk khai. Cun ung phi shin ah ng’äi cu m’cu lä khai gui, a cun cu ngami hnu ng’tuk gui ne saksi ah ng’düi khai. Tuhbäi pang phi, kei naw ka pek gui vai ah ka shai tak nak ah khaw ung kä ka hteh püi gui pha ung, ngami naw a i ngaihtüh ci gui cicu kei naw ka hmat ci.”

KHEI NAK 14:3

A i ah kyasei Bawipa naw cun ah khaw ung ana hteh püi gui ang? Ng’tuk nak ung mikmi gui cu na ngawn gui khai, Mi chu gui la mi hta gui cu pha gui khai gui. Egypt khaw ah ng’hlat ne mi hteh ba ung kä bä tuba khai aw?” cik ci gui.

ISAIAH 21:12

Kei naw ka m’shan cu, “Khaw thaih cu gawk law pyi ci, cun ung phi khawmü cu law bam ä khai. Na na ng’shi ba mä hlü ah a kyak ung law ba ne na ng’shi law ba ä.”