JEREMIAH 42:18 - Cho Bible Common Language 2016

¹⁸ Bawipa, Israel khanpughi naw pyen ci, “Kei ah ka m’lungshe nak la ka nget ngawn nak naw Jerusalem chang gui a shawi gui ah mäih, Egypt ah nami hteh ung läi nami khan ah ka nget ngawng nak naw ning shawi gui khai nei. Nangmi ui a teng she ah nami kyak khai; Chang gui naw ning giah m’gin gui ne, nami ming cu plah taam nak ah mang khai gui. Nangmi naw shin ah hmun cu kä nami hmu tu ba khai.”

JEREMIAH 42:18 Referans Kwoze

JEREMIAH 7:20

Cun ah kyasei kei uk ciah Bawipa naw shin ah Taigüim ah khan ah nui ciah ka m’lungshe nak cu ka yuk lawn khai nei. Kei naw chang gui la khisa gui ah khan ah atäng ah ka yuk lawn khai, sing ghing gui la geit kaw gui ah khan ah phi ka lawn khai. Kei ah ka m’lungshe nak cu a u naw kä a m’sih hlawt ah mei ah mäih ah kyak ci.

JEREMIAH 29:18

Kei naw ng’tuk nak, ei cawi nak la gaw pyam nak cu ami khan ah ka gawk sak khai. Khomdek khim ung changpakhui aran naw cun cu hmu neta kyikyawk khai gui. Kei naw ka püipiang sak nak gui päing ah, ngami ah khan ah kya lawk ci gui ah phäh ah chang gui cat a ne kyi aih khai gui. Chang gui naw Shedam na gui u ne ami ming cu plah taam nak ung mang khai gui.

JEREMIAH 18:16

Ngami naw shin ah khaw cu kyihkyawk vai kyak ci, angtäi sei päipih vai kyak khai ah pyang ci gui. Acun sun pah ciah chang avan cu cun ami hmuh ung vat yawp u ne; cäi ne ami lu tum khai gui.

JEREMIAH 44:12

Judah khaw ung pawih shüt ciah chang gui la Egypt ah hteit ne om khai ah ling ciah chang gui cu ami van ka dishum sak gui khai nei. Ngami ami van, ak zaw akdäm cu ng’tuk nak ung käwng ei ah cawi ne Egypt ah sik khai gui. Ngami cu chang ah ma ah kyih shek khai gui; chang gui naw gaih tu gui ne, ami ming cu plah taam nak ah mang khai gui.

JEREMIAH 24:9

Khomdek khan ah changpakhui avan naw ami kyihkyawk vai ah leigai cu ngami ah khan ah kei naw ka law püi khai. Chang gui naw züi sha gui khai gui, k’she na gui khai gui, gaih m’gin gui khai gui, kei naw ka püi pyang sak nak gui päng ah ami ming cu plah taam nak ah mang khai gui.

JEREMIAH 22:27

Nangmi naw shin ah khaw cu nami hmu ba hlük khai, cun ung phi nangmi kä nami law bap hung khai.”

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

THU PHLAAN 14:10

Khanpughi ah m’lungshe nak ah khap ung kaa, nuipi ciah am lungshe nak ah kyak ciah sapyit tui cu awk khai nei. Cun awk ciah chang cu theing ciim ciah khankho chang la Htomehta ah maa ah yaam mei awn huut ne dukdeiu nak gah khai gui nei.

ZEKHARIAH 8:13

Judah la Israel chang gui! Yanä ung, a khawhei chang gui ami mät ng’plah tu u ne, “Judah la Israel ah khan ah gawk ciah leigai cu nami khan ah gawk sä!” ci man ci gui. Cun ung phi kei naw ka ning hun gui khai nei, Cun ung a khawhei chang gui cu ami mät gui, ‘Judah la Israel chang gui ah gah ah mäih ah hriham cu gah vä! Cik khai gui nei!’ Cun ah kyasei k’thamah vä, kä kyi en vä!”

NAHUM 1:6

Ani am lungshe ung a u ghing ba hning khai aw? Kyih shek ciah am lungshe nak ung a u om hning khai aw? Ani naw mei ah tawt ciah am lungshe nak am hluh Law ung kheng lung cu thüng ne ama ah m’vut ah kyak khai gui nei.

DANIEL 9:27

Cun ah uktu naw chang akda gui awn yumnak ät cu kum chih khän sak khai, kum thum la avang a lüng ung ani naw khawihnah nak la douthak nak cu ng’pyi sak khai. Kyihkyawk shemshai vai kyak cicu Taigüim ah a hlüng nak pikbäih ung tha khai gui. Cun cu acun tha ci am Khanpughi naw a pawng püi pek ang pyi nak a bui awt güt ung om khai.”

DANIEL 9:11

Israel gui ami van naw na thukhän m’shet u ne, nang ah thu pyen ngaih vai ah mak ci gui nei. Keimi naw hmaka u ne kami ning hnungtuk püi ci, cun ah kyasei nang naw na chang shäm Mosesah thukhän ung guk ah mäih ah phyun tam nak cu keimi ah khan ah na law püi ci.

EZEKIEL 22:22

Ngui cu meibum ung m’shiüi ah mäih ah ngami cu Jerusalem ung ng’phiüi sak gui vai nei. Cun kawn ah ngami naw Bawipa ah m’lungshe nak khan ci gui cu hmat khai gui.”

NG’ÄI KYAH 4:11

Bawipa naw akbe ah aktut ah m’lungso nak cu ng’hlat ne k’phian ci. Ani naw Zion ung mei cik sei, acun naw m’dek ung gawk khai ah ui ci.

NG’ÄI KYAH 2:4

Ani naw ga ah mäih ah amla cu mikmi täng ah bü ci. Mikmi naw mi yei nak la mi thamah nak avan cu ani naw ngawn gui ci. Shin ah Jerusalem ung keimi naw mei ah ui ciah m’lungshe nak cu kami khan ci.

JEREMIAH 29:22

Babilonia ah ka Jerusalem ah pha ne ami hteh püi gui ah chang gui naw chang tumat mat ami plah tam hlüung, ngami naw, Babilon ghangpughang naw Zedekiah la Ahab cu ak ghing ah mei awn am khin goi ah mäih ah Bawipa naw ning ci sä!’ Cik khai gui!

JEREMIAH 26:6

Nangmi naw k’täi ne kä nami ngaih ah a kyak ung kei naw shin ah Taigüim ah khan ah Shilon ung ka bi ah mäih ah ka bik khai, m’dek khan ung om ciah changpakhui avan naw shin ah mang gaw ah ming cu plah tam nak ah mang khai gui.”

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

JEREMIAH 6:11

Nang ah m’lungshe nak naw hnungtuk püi gui ne kei phi na ui ci nei. Bawipa, kei naw cun cu kä ka kawt ba hning ci nei.” Cun kawn ah Bawipa naw kei na pyen nak ci, “Kei ah ka m’lungshe nak cä lam gui ung om ciah a hmaw gui la ng’bum ciah chang nong gui ah khan ah yuk huk ä. Ami cei gui la ami chu gui phi la yawp khai gui, a ghipa aih gui phi kä k’pawih nak khai gui.

2 SHONTÄP NAK 34:25

Ngami naw kei cu na hnungtuk püi u ne khawihnah gui cu a hei khanpughi gui am douthak ci gui. Cun ah kya ne ami bi lawh gui avan awn kei cu na m’lungshe sak ci gui. Kei ah m’lungshe nak cu tho ne Jerusalem cu hnungtuk püi ci, cun cu kä dim khai nei.

KHEI NAK 5:27

Ani naw pawmyau nak bik ciah a kyak ung cun ah tui naw ak kha ah nat sak khai. Ani ah chihta cu ng’phling ne, ale täng pumsa cu pim khai. Ani ah ming cu a chang gui ah ng’lung ah plah tam ah kyak khai.

ISAIAH 30:3

Cun ung phi ghangpughang naw am hteihtang nak gui vai ah huham cu maih khai, Egypt ah shungvong nak cu leigai awn ng’pyi khai.

JEREMIAH 23:40

Kei naw ngami ah khan ah angtäi lung aa nak la thüisei nak cu ka law püi khai, cun cu kä m’hnih hlawt vai kyak khai nei.

JEREMIAH 33:5

Am shah gui naw Babilonian gui cu ng’tuk püi khai gui, ngami naw im gui cu kei naw ka m’lungshe nak la ka nget ngawng nak awn ka ngawn sheh gui ah a hook gui awn be sak khai gui. Kei naw shin ah mang gaw cu ka ng’hlah tak ci, a i ah kyasei ci ung awn ung om ciah chang gui naw akshe ami bi ah phäh ah kyak ci.

JEREMIAH 44:6

Cun ah kyasei kei naw ka m’lungshe nak la ka nget ngawng nak cu Judah gaw nu gui la Jerusalemlam gui ah khan ah yuk shawi ne, meiawn ka m’khih khai. Cun gui cu dishum u ne, tuh ngawi hmuh ah mäih ah teng dam vai ah kyak ci gui.

JEREMIAH 44:8

Nangmi naw law ne nami om nak ah shin ah Egypt khaw ung agup gui khawihnah ne, ahei khanpughi gui am khawihniah na douthkne nami kyak nak awn a i ah kyasei kei nami na m’lungshe sak ang? Nangmi naw shin nami bi nak awn nami mät naw nami mät nami m’di ne ang, cun ah kyasei m’dek khan ah om ciah pakhui päng naw ning gaih tu gui ne nami ming cu plah taam nak ah mang khai gui nei?

JEREMIAH 44:22

Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.

EZEKIEL 20:34

Kei naw nangmi ka ning k’bum ba gui ung, na mi püipiang nak ah khopäng gui avan ungka ka ning law püi ba gui ung, kei naw ka huham la ka m’lungshe nak ka ning m’dang gui khai.

NG’ÄI KYAH 2:6

Ani mi khawihnah nak ah Taigüim cu ng’phyit khai ah ani naw m’di ci. Ani naw theingcim ciah hnüüp gui la pum nak hnüüp gui cu ng’pyi sak ci. Ghangpughang la taigü naw atäng ah ani ah k’tut nak ah m’lungshe nak cu khan ci gui.

HOSEA 7:16

Ngami naw kei na ng’hla ta u ne, a huam kä om ciah khanpughi ah hteit ci gui. Ngami cu ng’koi ciah lihtung ah mäih ah kä ngaih gep vai ah kyak ci gui. A i ah kyasei ci ung ami ng’vai gui cu m’ghämce ne ng’htau ci gui. Ngami cu ng’sai ung sik khai gui, Egypt gui naw gaih tu gui khai gui.”