JEREMIAH 42:10 - Cho Bible Common Language 2016

¹⁰ Nangmi cu shin ah khaw ung nami om lä vai nami ng’yak hlü ah a kyak ung, kei naw ka ning colcyang gui khai, kä ka ning m’shet m’kat gui khai kei naw ka ning geif gui khai, kä ning mawi gui khai. Nangmi ah khan ah ka law püi ah dishum nak naw kei cu ak däm ah na azä sak ci nei.

JEREMIAH 42:10 Referans Kwoze

EZEKIEL 36:36

Cun kawn ah apeileng ah k’pawih ba ciah mang gaw gui naw hmat khai gui, kei, Bawipa naw dishum ciah mang gaw gui cu co ba nei, shiu ciah lolai gui cu ka geit ba ci. Kei, Bawipa naw shai ka tak ci, shin cu kei naw ka bi vai ah kyak ci — kei naw ka bik khai.”

JEREMIAH 31:28

Kei naw m’htei ge ne phu ne mawi ne, m’hlaan ne m’di ne, ka maih sak gui ah mäih ah kei naw m’htei ge ne geit kaw ne cokyang ne ka ci ba gui khai.

JEREMIAH 24:6

Kei naw ngäng bou gui ne shin ah khaw ah ka law püi ba gui khai. Kei naw ka co kyang gui khai, kä ka plawh sheh gui khai. Kei naw ka geit kaw gui khai, kä ka mawi gui khai.

JOEL 2:13

Nami m’lung ah payak nak naw nami thüi nak cvu m’dang sä; nami sui nami k’teh düt cu kä bä khai nei.” Bawipa nami Khanpughi ah law ba vä. Ani cu m’hni nak la chim gein nak awn be ci nei; ani cu hnimgei ne a shaitak paang ci nei; ani naw angtäi sei ning geinsei gui ge ci, kä ning m’kyuk gui ci.

AMOS 7:6

Bawipa naw am lung m’thawng bamä neta, “Cun ah kä kya hnga khai nei” cik ci.

JEREMIAH 33:7

Kei naw Judah la Israel cu ka bühmang sak gui khai, a zan kaa ah mäih ah ka cokyan ba gui khai.

JONAH 4:2

Cun ah kei sei a taigü cu, “Bawipa, shin ah mawng cu im kä ka hteh taak pha ung ka pyen ciah kä kya ne ang? Shin cu nang ah bi vai ah kyak ci nei! Cun ah kyasei kei naw akni pi bi ne, Spain khaw ah ka dawng ci nei. Nang cu m’hni ci la m’gein ciah Khanpughi ah na kyak cu ka hmat ci. Ang täi sei m’lung gei ne, chimgein ne, angtäi sei na m’lung m’thawng ge ne, a u kä na m’kyuk ci nei.

JONAH 3:10

Cun ah ami bi cu Khanpughi naw hmu gui ci, ami katnak ami ng’hlah taak phi hmu gui ci. Cun ah kyasei ani naw am lung m’thawng ne, a pyen te ah mäih ah kä m’di gui hnga ci.

AMOS 7:3

Bawipa naw am lung m’thawng neta, “Na hmuh ah mäih ah kä kia hnga khai nei” cik ci.

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

PHYAWN NAK 32:14

Cun ah kyasei Bawipa naw am lung cu m’thawng ba ne, a chang gui khan ah a law püi vai ang ngaih ah kyih vai ah leigai cu kä law püi ci.

LAMKTU 15:16

Bawipa naw, “Cun kawn ah kei law ba ne, David ah uknak kho cu ka m’düng ba khai, Shekak ci phi ka co kyang ba khai,

JEREMIAH 26:19

Ghangpughang Hezekiah la Judah chang gui naw mikah cu sih nak kä pek ci gui. Cun nak vaisü ung Hezekiah naw Bawipa m’tamkhah ne, a hmawi ak kyang vai ah k’tha na ne bik ci. Cun kawn ah Bawipa naw ami khan ah leigai a law püi vai ah a pyen te cu ani naw amlung m’thawng ci. Tuhbäi mikmi naw mi mät ah khan ah kyih vai ah leigai cu mi law püi ci nei.”

SAM 106:45

Ngami ah hmawk ah a thukhän cu shüm ba ne, däm ciah am’hni nak awn m’düm gui ci.

SAM 102:16

Bawipa naw Zion mang gaw a cawh ba ung, a dämduh nak cu ng’leet ba sak khai nei.

SAM 69:35

Ani naw Jerusalem cu hun ne, Judah kho gawnu gui phi sa ba khai. A chang gui cu acun ah khaw ung om u ne, cun ah khaw cu khäm khai gui;

SAM 37:3

Bawipa ung ng’ap ne, akni bi vä, ng’dü ung ng’len ne, puui ne om vä.

2 SAMUEL 24:16

Bawipa ah khanchang naw Jerusalem m’di khai ah pawng khäta, chang gui m’di nak vai ah mawng ung Bawipa naw am lung m’thawng neta, chang gui ngawn ciah khanchang am, “Ng’düm ä! Bä khai nei!” cik ci. Cun yah ung khanchang cu Jebusit chang Araunah htang khlang ung om ci.

SUKI GUI 2:18

Bawipa naw Israel am ang vai tumat a pek pang ung, cun ah ang vai a ghin ah chuih Bawipa naw ani cu n’htei ne, chang gui phi ami ga ah kut ung ka hun gui ci. Ngami cu ng’ho ei nak, aktä yaica nak la shedam nak ung ami gawk yah ung Bawipa naw chimgei gui ci.

THULÄÄN NAK 32:36

Ami thagui ng’pyi sei a hmuh gui ung, Bawipa naw a chang gui cu gung gui khai. Am gein kaa ah kya u sei a hmuh gui ung, Abii bik ciah chang gui cu Bawipa naw chimgein gui khai.

JEREMIAH 27:11

Cun ung phi pakhui tumat mat cu Babilonia Ghangpughang ah ng’kiaa ne abii abi ah a kyak ung, kei naw ani cu amät ah khaw ung nei sak ne, vook kyan sak ne, acung ka om sak khai. Kei, Bawipa naw ka pyan ci.”

JEREMIAH 43:4

Cun ah kyasei, Johanan, käcung gabawi tumat mat käung chang tumat naw phi Judah khaw ah k’pawih shüt vai ah Bawipa ah thumkhän ngai ci kä om ci nei.

JONAH 3:4

Jonah cu mang gaw kyong ah lut ne hnüüp ät mü ne a hteh kawn ah, ani naw ng’thu shäu ci. A hnüüp phlikip ung Nineveh mang gaw cu dimaih khai nei!” cik ci.