JEREMIAH 42:1 - Cho Bible Common Language 2016

¹ Gakap bawi gui ami van, Kareah ah hta Johanan la Heshaial ah hta Azariah gui cu ang bum päng ung chang gui awn law u neta

JEREMIAH 42:1 Referans Kwoze

JEREMIAH 41:11

Johonan la gakap ang’vai gui ami van naw Ishmaela naw cheishoh ne abi gui cu ng’ya u neta,

JEREMIAH 40:13

Cun kawn ah Jonanahla gakap ami ng’vai gui, kut kä chah Ciah chang gui cu kedaliah ah mizpah ung law u neta,

JEREMIAH 6:13

Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.

JEREMIAH 44:12

Judah khaw ung pawih shüt ciah chang gui la Egypt ah hteit ne om khai ah ling ciah chang gui cu ami van ka dishum sak gui khai nei. Ngami ami van, ak zaw akdäm cu ng’tuk nak ung käwng ei ah cawi ne Egypt ah sik khai gui. Ngami cu chang ah ma ah kyih shek khai gui; chang gui naw gaih tu gui ne, ami ming cu plah taam nak ah mang khai gui.

JEREMIAH 42:8

Cun ah kyasei Johanan khata Bawipa naw na ng’thu püi ci; ahei chang gui avan cu a täng ah ka khü gui ci.

JEREMIAH 40:8

Cun ah kyasei Nethaniah ah hta Ishmaela, Kareah ah hta Johanan, Tanhumeth ah hta Seraiah, Netophah ah Ephai ah hta gui la maakah ah ka Jezaniah gui cu ami chang gui mah mah ah Mizpah, Kedaliah ah hteit ci gui.

LAMKTU 8:10

Ak kyom akshe, akpyam ang mang chang akda law u netah, “Ani cu hlüng tai pi ciah Khanpughi am hlüngtai ah kyak ci nei” cine ang thu cu ngai ci gui.

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

MATTHE 15:8

Khanpughi naw, ‘Shin ah chang gui naw, ami shai awn Kei cu nam hlüngtai ci gui, Cun ung phi ami m’lung cu kei awn ng’shawng aih ci.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

EZEKIEL 11:1

Khanpughi ah mumcha naw kei cu na chang ne, Taigüim ah ak kyang täng m’kawt nung na hteh püi ci. A cu ah m’kawt ah pei ung chang m’ku lei hma ka hmuk ci, a cu gui cu pakhui ung angvai goi Azzur hta Jaazaniah la Benaiah hta Pelatiah mah mah ah kyak ci gui.

EZEKIEL 8:11

A cun ung Israel gui ah ami ng’vai gui Chih kip om ci gui, Shaphan ah hta Jaazaniah mah ah kyak ci. A Chang sing naw tui ng’ui m’khih nak ah khawk cu kawt ci gui, tui ng’ui cu mei ah khu ci.

JEREMIAH 42:20

nangmi cu aktung ah nami hma ci, nangmi ah hmawk ah Bawipa mi khanpughi ah tiagü vai ah nami na K’thäh ci, ani naw ang thumkhan phung nami bik kai ah phi shai nami tak ci.

JEREMIAH 41:16

Johanan la gabawi gui naw, mizpah ung kedaliah a ngawn kawn ah Ishmaela naw pha ne alaw pui gui cu m’htei gui ci gui-cun gui cu gakap gui, hnumigui, ak hmaw gui, la hnumi m’htei ci gui ah kyak ci.

ISAIAH 48:1

Shin cu ngai vä, Israel chang gui aw, Nangmi cu Judah ah ng’shon gui nei: Nangmi cu Bawipa ah ming ung ng’tam u ne, Israel khanpughi nami khawihnah ciah nami pyen ci. Cun ung phi nami pyen ah ng’thu lung cu kä nami k’cang nak ci. 1

ISAIAH 29:13

Bawipa naw pyen ci, “Shin ah chang gui naw na khawihnah khai gui ah pyen khai gui, cun ung phi ngami ah ng’thu ci akholä nei, ami m’lung kyong cu whei ah gawk ci nei. Ngami ah yum nak ci akholä, cun ung phi hnicim chang ah thukhän la thungyo gui, ngami naw ami shümshawi ah kyak ci.

2 GHANGPUGHANG GUI 25:23

Akut kä k’chah tuk ciah Judean bawi gui la gakap gui naw acun cu ng’ya u neta Mizpah ung law ne Kedaliah ung ng’dawn lawk ci gui. A cun bawi gui cu Nethaniah ah hta Ishmaela, Kareah ah hta Johanan, Netophah gawnu ah ka Tanhumeth ah hta Seraiah la Maakah ah ka Jezaniah ah kyak ci.

JEREMIAH 37:3

Ghangpughang Zedekiah naw Shelemiah ah hta Jehukala la marseiah ah hta Taigü Zephaniah cu kei ah tüi law ne, mi pakhui ah hnün ung om ne, Bawipa, mei khanpughi ah tai gü vai ah ng’shi thäh law sak ci

JEREMIAH 43:2

Cun kawnah Hoshaiah ah hta, Azariah, kareah ah hta Johanan la ahei m’gäim’cikciah chang avan naw na pyen nak ci gui, “Nang na hleei ci. Egypt khaw ah kä kami hteh vai ah na na m’thein gui khai ah Bawipa mi khanpughi naw kä ning tüi lawk khai.