JEREMIAH 41:9 - Cho Bible Common Language 2016

⁹ Ishmaela naw angawn ah chang gui ah pumsa gui a thun nak ah tuishawk cu ng’kawm ci, cun cu Israel ghangpughang Baasha naw a tuk law yak ung Ghangpughang Asa naw a cawh ah kyak ci. Ishmaela naw tuishawk cu chang gui ah pum awn be sak ci.

JEREMIAH 41:9 Referans Kwoze

2 SAMUEL 17:9

Tuhbäi ani lung khui ung baw, a hei hmun ung baw ng’thup khai nei. A tuhbäi ge David naw chang gui tu ne anäng ah akiak ung, a cun ah mawng ng’yak ci naw nak chang gui ami hnim gui pyi ah pyen khai gui nei.

1 SAMUEL 13:6

Ngami cu ng’güüt law u ne, Israel gui cu akyat tu ne hnim gui u ne, püi ne dawng khai gui ah ci gui, Amshah Israel gui cu lung khui, m’dek khui ung ng’thup ci gui, lung song gui ah ng’lung, khui gui la tuiton gui ung ng’thup ci gui;

SUKI GUI 6:2

Midianit gui cu Israel gui ah mä gaigawng pi ci gui, cun ah kyasei Israel chang gui cu lung khui ung ng’thup ci gui, amshah cu ang geing khogui zung ah ng’thup ci gui.

HEBRU 11:38

Khomdek khan cu ngami ah hmawk ah kä bä ci nei! Ngami cu khokhäu, kiang maa la kho m’htung yung ah geinvai chang ah mäih ah hteit shüi shüi u ne, lung khui m’dek khui ung va om vük ci gui.

1 SAMUEL 24:3

Ani cu lam ah ng’leng hto im gui ah pei ah khui ung hteit ne ng’now phyam ci. A cun ah khui ah vangtäng ung David la a chang gui cu ng’thup ci gui.

1 SAMUEL 14:22

Amshah gui Ephraim kho m’htung ah ng’thup ci gui naw, Philistin gui ami dawng ah mawng cu ng’ya u neta, ng’dawn law ba u ne, Philistin gui cu tu law tuk ci gui.

1 SAMUEL 14:11

Cun ah kyasei ngami cu Philistin gui naw ami hmuh goi vai ah om ci goi, Philistin gui naw, “Teng vä, Hebrew chang amshah cu ami ng’thuh nak ah khui ung ka, lut lawk ci gui nei!” cik ci gui.

ISAIAH 14:19

cun ung phi nang ah phuh hmun kä om ci, nang ah gook cu thu ne piawn khai ah ghawt ci gui nei. Cun cu ng’tuk nak ung sik ci gui ah gakap gui ah pumsa gui awn lin u ne, cun gui awn atäng lung khui ung yuk cha u ne, kai nak ci gui nei.