JEREMIAH 41:5 - Cho Bible Common Language 2016

⁵ Shechem, Shilon la Samaria ah ka chang cheit kip gawk lawk ci gui. Ngami cu ami m’kha mu k’tei u ne, ami sui k’teek u ne, ami sa phi aat ci gui. Ngami naw püi ci gui.

JEREMIAH 41:5 Referans Kwoze

1 GHANGPUGHANG GUI 16:24

cun kawn ah ani naw Shemer ming nak ciah chang ah Samaria khogui cu ngui phia chuk kip awn hleih ci. Omri naw khogui cu vongpang ne, gawnu sa ne, aming cu Samaria ah sui ci, Shemer cu cun ah khawmah ah kya man te ci.

2 GHANGPUGHANG GUI 25:9

Ani naw Taigüim ni, mang im ni, Jerusalem ung chang vai gui ah im gui avan cu mei awn m’khih ci,

JOSHUA 18:1

Ngami naw khaw tu ne ami khäm kawn ah Israel chang bum avan cu Shilon ung bum u neta, Bawipa ah om nak ah Phung co gi gui.

THULÄÄN NAK 14:1

“Nangmi cu Bawipa nami Khanpughi ah chang ah nami kyak ci. Cun ah kyasei aksi ah phäh ah nami thüi kyah ung nami mät kä nami plawh kheih en vai, chang hei gui ah mäih ah nami lu hmai kä nami k’teiu vai.

1 GHANGPUGHANG GUI 12:1

Rehoboam cu Shekhem ah hteit ci, a cu ah a siiptäng ah om ciah Israel gui ami van ng’bum u ne, ani cu ghangpughang ah hmoh ci gui.

SUKI GUI 9:1

Kideon ah hta Abimelek naw anu ah mät yah gui ami van ah om nak Shekhem gawnu ah hteit neta, a pyen nak gui cu,

ATÜNNAK 33:18

Jakob cu Mesopotamia ah kaa a law ba lam ah Kanaan khaw Shekhem mang gaw ah gawk ne, a cun ah gaw pei ah im co ne om ci.

ISAIAH 15:2

Dibon chang gui cu agup ah pei ah kyap khai gui ah khawgui ah hang kai ci gui. Moab chang gui cu Nebo la Medeba mang gaw gui ah phah ah thüi aih u neta; ami lumu k’tei u ne m’khamu cu m’sei ci gui.

1 GHANGPUGHANG GUI 16:29

Judah ghangpughang Asa ah uknak a kum thumkip lei cheit nak ung Omri ah hta Ahab cu Israel ghangpughang ah kya lawk ci, ani naw Samaria ung kum m’ku lei goi ung uk ci.

1 GHANGPUGHANG GUI 12:25

Israel Ghangpughang Jeroboam naw Ephraim kho gui ah Shekhem gawnu cu ng’vongpaang ne, a cu ah a shäng om ci. Cun kawn ah acun cu hteh ta ne Penuela gawnu cu vongpaang ci.

1 SAMUEL 1:7

Kum law ba kum law ba sei acun ah kyak ci; ngami Bawipa ah im ah ami hteh päng ung, Peninnah naw Hannah cu tüihtok ci, cun ah kyasei, ani cu kyap ne, ei noi ci.

JEREMIAH 7:14

Cun ah kyasei Shilon ung ka bi amäih ah nangmi naw nami ngaih gep ah shin ah kamät ah Taigüim ung phi ka bik khai nei. Nami pupa gui la nangmi am ka ning pek gui ah shin ah hmun ung Shilon ung ka bi ah mäih ah ka bik khai.

JEREMIAH 7:12

Shilon ah hteit vä, cun cu khawihnah nak vai kei naw ka ghü ah akhtük bäih ah hmun ah kyak ci nei, cun ung a i ka bi cu teng vä, cun cu ka chang gui Israel gui ah hma ah phäh ah kyak ci nei.

SAM 102:14

Na changshäm gui naw ani cu m’hni ci gui, cun ung phi ani cu di pyi ci; Ngami naw ani cu m’gein ci gui, cun ung phi ani she pyi ci.

2 SAMUEL 10:4

Hanun naw David ah ng’shä gui cu k’pang gui ne, ami m’gawng mu avang ci k’teiu pe gui ne, ami sui gui ami lengbe ung khüt khai ah ah pe gui neta k’täm ba gui ci.

JOSHUA 24:32

Joshua ah a pumsa, Israel chang gui naw Egypt ah ka ami law püi ba cu, Shekhem ung phuh ci gui. Cun cu Jakob naw Shekhem ah pa, Hamora ah hta gui ah a hleih ah khawbung ah vang ah kyak ci, ngui phia awn a hleih ah kyak ci. Cun ah khaw cu Joseph ah htangshon gui naw khui m’düng ci gui.

ATÜNNAK 34:2

Cun ah khaw uk ciah Hivit pakhui Hamora ah hta Shekhem ami ng’vaipi naw ani cu hmu neta phye ne k’pyei ci.

ATÜNNAK 37:12

Hnüüp ät ung Joseph ah a phäi gui cu ami pa ah htome shäm khai gui ah Shekhem ah hteit ci gui.

SUKI GUI 18:31

Shilon ung Khanpughi khawihnah nak ah phung a om ah chuih, Mikah ah a gup cu om lä ci.

SAM 78:60

Ani naw Shilon ah a phung cu nawng shüt ci, cun cu a om nak püi gui te ah im ah kyak ci.

JEREMIAH 16:6

Büh mang ci la dukhaih ci gui cu shin ah kho ung sik khai gui, cun ung phi a u naw kä phuh gui khai, ngami ah phäh ah a u kä thüisei khai. A u naw phi a thüi am dang nak ah amät vun kä nat sak khai, alu kä k’teek khai.

JEREMIAH 41:4

A ngawi ung, Ketaliah ami ngawn a u naw kä a hmat pha ung.

JEREMIAH 47:5

Kaza chang gui ah khan ah dämduh ciah azä nak gawk lawk ci, Ashkelon chang gui cu kä ship deep ci gui. Om ba ciah Philistia gui cu a i güt thüi kyap khai gui ang?

JEREMIAH 48:37

Ngami ami van naw ami lu k’teiu u ne ami m’khamu phi k’teiu ci gui. Ngami ami van naw ami kut aat u ne, chang nü naw suishe sui ci gui.

JOEL 2:13

Nami m’lung ah payak nak naw nami thüi nak cvu m’dang sä; nami sui nami k’teh düt cu kä bä khai nei.” Bawipa nami Khanpughi ah law ba vä. Ani cu m’hni nak la chim gein nak awn be ci nei; ani cu hnimgei ne a shaitak paang ci nei; ani naw angtäi sei ning geinsei gui ge ci, kä ning m’kyuk gui ci.

1 SHONTÄP NAK 19:4

Hanun naw David ah ng’shächang gui cu pha gui ne, ami m’khamu k’teiu pe gui ne ami suisak ami khei hang ung khüt khai ah k’teih pe gui neta akthuk ah tüi ba gui ci.