JEREMIAH 40:7 - Cho Bible Common Language 2016

⁷ Judean bawi gui la gakap gui amshah cu ami kut kä chan ci gui. Babilonia ghangpughang naw Kedaliah cu khaw uktu ah tha ne, Babilonia ah kä ami hteh püi gui avan uk sak ci cia ng’yak ci gui-ngami cu cun ah khaw ung akdu pikbäih gui ah kyak ci.

JEREMIAH 40:7 Referans Kwoze

JEREMIAH 39:10

Du aih ciah Chang gui, khawh kä tak ci gui cu ani naw Judah khar ung nawng shüt gui ne lo gui la sapyit lo gui cu pe gui ci.

EZEKIEL 45:16

“Shin ah khaw ung chang gui ami van naw shin ah douthak nak gui cu Israel uktu manghta am ami thak vai.

JEREMIAH 39:4

Ghangpughang Zedekiah la agakap gui aran naw cun gui cu hmu u neta mang gaw ungka phyawng khai gi ah khomii ung k’tha nak ci gui. Ngami cu mang ah dun täng ung hteit u ne, m’kawt lam k’pang gui ah angcä ung hteitne phyawng ne Jordan khongnawi täng ah phyawng ne hteit cu gui.

2 GHANGPUGHANG GUI 25:4

mang gaw k’paang gui cu gäi ci gui. Babilonian gakap gui naw mang gaw cu khaai pang u sei phi gakap gui ami van mü ah dawng yawp ci gui. Ngami cu bawimang ah duum täng ah dawng u ne, k’paang goi ah angchum nak ah m’kawt ung hteit u ne, Jordan khongnawi täng ah dawng ci gui.

2 GHANGPUGHANG GUI 25:12

Cun ung phi du aih ne khawh kä tak ci gui cu nawng shüt gui ne, sapyit dum la lolai gui ung bii bik khai gui ah tha shüt gui ci.

JEREMIAH 41:11

Johonan la gakap ang’vai gui ami van naw Ishmaela naw cheishoh ne abi gui cu ng’ya u neta,

JEREMIAH 43:6

Cuu gui cu pami gui, hnumi gui, a hmaw gui la ghangpughang ah hta hnumi gui ah kyak ci. Gabawi Nebuzaradan naw Kedaliah naw a htei vai ah anawng pek ah chang nü, Baruk la kei mah ah na hteh püi gui ci gui.

JEREMIAH 52:16

Cun ung phi du khaih pikbäih ci gui la khawh a i kä tak ci gui cu Judah ah nawng gui shüt ne, sapyit lo la lolai gui ung bilawh sak gui ci.

JEREMIAH 39:9

Ak hnu ah gabawi Nebuzaradan naw mang gaw ung ami nawng shüh gui la ani ah dawng lawk ci gui awn atäng ah pha gui ne Babilonia ah hteh püi gui ci.

JEREMIAH 39:14

mang im kyong ung ah na hteh püi ci gui. Ngami naw Kedaliah, Ahikam ah hta, Shaphan ah tu naw na m’htei ne phyawng ne im ah ka gawk ba vai ah m’htei sak ci gui. Cun ah kyasei kei cu chang gui ah ng’lung ah ka om tuk ci.

JEREMIAH 41:1

Acu kum acha chih nak ung Ishmaela, Nethaniah ah hta Elishama ah tu, mang ah kyong khui ungka, ghangpughang ah bawi ng’vai gui ungka tumat ah kyak ci naw chang sing gha khah püi ne kedaliah hmuk khai gui ah mizpah ah hteit ci gui. Ngami ami van naw ei van ne atäng ah ami ei yah ung,

JEREMIAH 41:10

Cun kawn ah ani naw ghangpughang ah hta hnumi gui la mizpah ung om ciah chang avan cu pha gui ci, ngami cu kedaliah naw am htei gui vai ah gabawi Nebuzaradan naw atha te ah kyak ci. Ishmaela naw cun gui cu pha gui neta Ammon khopäng täng ah hteh püi gui ci.