JEREMIAH 40:5 - Cho Bible Common Language 2016

⁵ Kei naw a i ah phi kä m’shang ne om ngäta, Nebuzaradan naw pyen ci, “Kedaliah, Akikam ah hta, Shaphan ah tu ah hteit ba ä ani cu Babilonia ghangpughang naw Judah gawnu gui uk tu ah atha ah kyak a nei. Nang cu ani awn atäng ah om ni ne chang gui ah ng’lung ah om tu ä, kä cung na hteh nak hlü ah na hteit hning ci nei.” Cun Kawn ah ani naw laksawng la m’htut cu ka hteh püi vai ah na pe ne, ka hteh nak hlü ah ka hteh vai ah na hteh sak ci.

JEREMIAH 40:5 Referans Kwoze

JEREMIAH 39:14

mang im kyong ung ah na hteh püi ci gui. Ngami naw Kedaliah, Ahikam ah hta, Shaphan ah tu naw na m’htei ne phyawng ne im ah ka gawk ba vai ah m’htei sak ci gui. Cun ah kyasei kei cu chang gui ah ng’lung ah ka om tuk ci.

JEREMIAH 41:2

Ishmaela la chang sing gha naw ami sem phawng u ne. Kedaliah cu ngawn ci gui.

HEBRU 13:6

Cun ah kyasei, “Bawipa cu kei nam htei ciah Bawi ah kyak ci, Kei cu kä ka kyikyawk khai. A u naw kei ah khan ah a i bi hlawt khai ang?

LAMKTU 28:10

Ngami naw keimi am khawh akda na m’cüm’hnah gui ci gui. Keimi kami hteh law ba vai ung phi kami sho ei vai cu htinpaw khan ah na thak law gui ne nam sho gui ci gui.

LAMKTU 27:43

Cun ung phi gaakap bawi naw Paul cu k’phiawn hlü netah, gaakap gui naw ami k’bäi ah mäih ah kä ami bi vai ah maa na gui netah, tui ng’väk thei ci gui cu, htinpaw ungka ng’phäi sak gui ne, kawng ah vah kai sak gui maa ci.

LAMKTU 27:3

A ngawi ung keimi cu Sidon ah kami gawk ci. A cu ah Julius naw Paul cu m’gein netah a teihpüi gui awn hmuh sak gui ci. Ngami am phi khin chah na sak gui ci.

JEREMIAH 40:4

Tuhbäi na kut m’hnak ungka gui k’phian ne ka ning hlawf khai. Nang cu Babilonia ah kei awn atäng ah na hteh tu hlü ah a kyak ung na htät tu hning ci, kei naw ka ning m’htei htang khai. Kä na hteh tu hlü ah a kyak ung phi kä na hteit tu hning ci. Nang cu khopäng avan ung na yum nak ah na hteit hning ci,” ci ah kyak ci.

JEREMIAH 26:24

Cun ung phi kei cu Shapham ah hta Ahikam ah ng’düih püi nak ka gah ci kya neta kei cu chang gui naw ami na ngawn vai ah kä na ap ci gui.

JEREMIAH 15:11

Bawipa, kei naw nang ah bii akni ah kä ka bi ah a kyak ung, ka ga gui khuikhanak la shedam nak ami gawk law ung ami ng’paa nak vai ah kä ka hnungtuk ah a kyak ung ami ng’plah taam nak avan cu bä sä.

NG'THU K'THUUK~ 21:1

Bawipa naw ghangpughang ah m’lung cu k’pang ci. Tui hta lawng alon sak ah mäih ah ani naw ayäi ah m’shum thein ci.

NG'THU K'THUUK~ 16:7

Bawipa cu nami yei nak ah a kyak ung, nami gaa cu teihpüii ah nami pyang hning khai.

JOB 22:29

Khanpughi naw chang ah ng’shei ci gui cu yuk chah gui ne, m’lung neim ci gui cu hun gui ci.

NEHEMIAH 1:11

Tuhbäi kei ah taigü na ngaih pe ä, nang ning m’tamkhah hlük ciah a hei na chang gui ami van ah taigü phi ngaih peä. Tuhngawi kei ung näng nak na yuk pe lawä, uktu bawi am kei cu na chimgein sak ä.” Cun yah ung kei cu uktu bawi am sapyit tui thak ciah ka kyak ci nei.

EZRA 7:27

Ezra naw, “Mi pupa gui ah Khanpughi Bawipa cu m’hlüngtai nei. Jerusalem ah Bawipa ah a Taigüim shicha ah ghangpughang naw am tamkhah hlü vai ah ani naw bik ci nei.

EZRA 7:6

Ezra cu Israel Khanpughi Bawipa naw Moses am a pek ah thukhän hmuhmat yüm yüm ciah hmuhmat cüivai chang ah kyak ci. A i ah kyasei ci ung Bawipa a Khanpughi naw hriham a pek ah kya ne, ghangpughang naw ani naw ak thäh phung cu pek ci. Artaxerxes ah uk nak akum chih nak ung Ezra cu Babilonia ah ka Jerusalem ah Taigü gui, Levit gui, Taigüim ung ng’äi awm ci gui, Taigüim ngäng ci gui la Bii bi gui ah kyak ciah Israel amshah ng’bum gui awn atäng ah law tuk ci gui.

2 SHONTÄP NAK 34:20

shin ah thukbäi gui cu Hilkiah ni, Shaphan ah hta Ahikam ni, Mikaiah ah hta Abdon ni, yung ca guk ciah Shaphan ni la ghangpughang ngäng ciah Asaiah ni am pe gui ci.

2 GHANGPUGHANG GUI 22:14

Hilkiah, Ahikam, Akbor, Shaphan la Asaiah ni cu Jerusalem gawthai ah om ciah prophet hnumi Huldah ah hteit ci gui. (Ani ah cei Shallum, Tikvah ah hta, Harhas ah tu cu, taigü suinu gui m’htei ciah angvaipi ah kyak ci.) Ngami naw a i ah a kyak ah mawng ani am m’thein ci gui.

2 GHANGPUGHANG GUI 22:12

Shin ah ng’thukbäi cu taigü Hilkiah, Shaphan ah hta Ahikam, Mikaiah ah hta Akbor, yungbawi Shaphan la ghangpughang ah achang täk Asaiah ni gui ah kyak ci:

JEREMIAH 41:1

Acu kum acha chih nak ung Ishmaela, Nethaniah ah hta Elishama ah tu, mang ah kyong khui ungka, ghangpughang ah bawi ng’vai gui ungka tumat ah kyak ci naw chang sing gha khah püi ne kedaliah hmuk khai gui ah mizpah ah hteit ci gui. Ngami ami van naw ei van ne atäng ah ami ei yah ung,