JEREMIAH 40:3 - Cho Bible Common Language 2016

³ tuhbäi ani naw abi vai a pyen cu bik ci nei. Shin gui avan cu kya lawk ci, a i ah kyasei ci ung na chang gui naw Bawipa hnugtuk püi ne kafnak bi u ne, ani cu kä ngai ci gui.

JEREMIAH 40:3 Referans Kwoze

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

JEREMIAH 50:7

Ngami cu hma gui ci ami van naw ami tuk gui ah kyak ci. Ami ga gui naw, “Ngami cu Bawipa hnung tuk püi ne hmakak ci gui, cun ah kyasei mikmi naw mi bi cu kä hma ci. Ami pupa gui Bawipa ngaih u ci gui, cun ah kyasei ngami ami mät phi ani ung ami bekhüt vai ah kyak ci.’

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

NEHEMIAH 9:33

Keimi na na m’kyuk gui cu na ng’düng ci nei; Keimi katnak bi pang u ngä sei phi, nang cu na bekhüt ci nei.

NEHEMIAH 9:28

Dimdeeih nak a gawk law ba ung, ngami cu katnak bi ba ci gui, cun ung nang naw ami ga gui am na näng ba sak gui ci. Cun ung phi ngami ng’zuu ba u ne, na hun gui vai ah ami thäh law ung, Khankho ah ka naw ng’yak pe gui ne, dämduh ciah na chimgein nak awn leng ba ba ne na gung gui ci.

THULÄÄN NAK 29:25

M’shan nak cu, “a i ah kia seici ung Bawipa ah chang gui naw ani awn ami bi ah thukhän cu ami m’shet ah phäh ah kyak ci nei. Cun cu ami pupa gui ah Khanpughi, Ani naw Egypt khaw ah ka alaw püi ba gui yah ung ah kyak ci.

JEREMIAH 44:23

Atuhbäi leigai cu nangmi ah khan ah lawk ci a i ah kyasei ci ung nangmi naw ahei khanpughi gui khawihnah u ne, ani ah thumkhän avan kä ngaih nak awn hnungtuk püi ne katnak nami bik ci” cik ci.

JEREMIAH 11:17

“Kei, m’gäi ciah Bawipa naw,” Israel la Judah cu ka geit kaw gui khai; cun ung phi tuhbäi ami khan ah lei gai ka gawk sak khai. Ngami naw shin cu ami mät naw ami mät ah khan ah ami gawk sak ah kyak ci, a i ah kyasei ci ung ngami douthak nak awn kei cu na m’lungshe sak ci gui.

JEREMIAH 22:8

“Cun kawn ah akhohei chang gui akda naw cun cu sun pah u neta, shin ah däm duh ciah mang gaw ah khan ah, a i ah kyasei Bawipa naw shin ah abi ang, cine ami mät ng’shi tuk khai gui.

JEREMIAH 39:16

m’gai ciah Bawipa, Israel khanpughi ah pyen cu Sudanese chang Ebedmelek am ka m’thein vai ah kyak ci, “Kei naw ka pyen ah mäih ah ka bik khai kei naw shin ah mang gaw ah khan ah kikap nak la kä bämang nak cu ka law püikhai. Cun gui a kyak yah ung nang naw a cu ah om me na hmuk khai.

NG’ÄI KYAH 2:17

Bawipa naw abi vai ah am kyih nak cu, ak hnu ah bik ci nei. Ani naw acau pui a nak bäi gui pyi ah mäi ah ah chimgein nak kä om sei, ani naw na m’di gui ci nei. Ani naw mi ga gui am näng nak pe gui ci, mik mi ah yung kyak ah phäh ah yeikyai nak pe gui ci.