JEREMIAH 40:10 - Cho Bible Common Language 2016

¹⁰ kei ka mät phi mizpah ung ka om khai, shin ung Babilonian gui ami law ung kei cu nangmi ah hnün ung ka ng’düi khai nei. Nangmi cu sapyit tui, sing theih gui la oliv-situi gui m’sep ne bum ne nami pigaw gui ung om vä.”

JEREMIAH 40:10 Referans Kwoze

JEREMIAH 40:12

Cun ah kyasei ami päi pyang nak ah hmun gui cu nawng shüt u ne Judah khaw ah ng’hlat law ba ci gui. Ngami cu mizphung kedaliah hteit ah u neta acu ah ngami naw sapyit tui la sing theih akda ah m’sep ci gui.

JEREMIAH 48:32

Sibmah many gaw, nang cu ang ban gui naw Tuiksi tuinu kan ne Jazer ah khüt ciah sapyit ah mäih ah na kyak ci. Cun ung phi tuhbäi khocha ah na m’thein la sapyit gui cu m’di pyi ci gui nei.

JEREMIAH 39:10

Du aih ciah Chang gui, khawh kä tak ci gui cu ani naw Judah khar ung nawng shüt gui ne lo gui la sapyit lo gui cu pe gui ci.

JEREMIAH 35:19

Cunah kyasei kei m’gäi ciah Bawipa, Israel khanpughi naw shaitak ka bi cu Rechab ah hta Jonadab ah htangshon ung angtäi sei kei ah bii bik khai pami ah ng’shon khai.”

ISAIAH 16:9

Tuhbäi kei cu, Jazer ah phüh ah ka thüi kyah ah mäih ah Sibmah ah sapyit ah phäh ah ka thüi kyap ci nei. Kei ah ka ng’phlitui cu Heshbon la Ekaleh ah phäh ah kya lawk ci nei. A i ah kyasei ci ung, acun ung chang gui yei sak khai ah khäm tawng vai a i kä om ci nei.

2 SAMUEL 16:1

David cu m’htung lai api phlän khäta, Mephibosheth ah changshäm Ziba awn ng’hmuk ci goi, ani naw la ng’hnih ung, m’htut pum phia goi, sapyit theih ket cawi phia, sing theih a cawi phia la sapyit tui than ah meh vun ng’ip gui taih ne law püi ci.

THULÄÄN NAK 1:38

Cun ung phi Nun ah hta Joshua, ning m’hteihtang ciah m’hnütbäi nak awn thamah ä. Ani naw khaw khäm vai ah Israel gui cu chuiso gui khai nei.’

LUKA 21:36

Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.

MIKHAH 7:1

Ngaih u vai kä om ci. Kei cu sing ung am theih kä hmu ne, sapyit ung am theih kä hmu ne, ei ah cawi ciah mäih ah ka kyak ci. Am theih avan, sing theih avan bih yawp ah kyak ci.

JEREMIAH 40:6

Kie cu mizpah ah hteit ne kedaliah awn atäng ah om tu ne, can ah khan ung ami nawng shüt gui ah chang gui ah ng’lung ah ka om ci.

NG'THU K'THUUK~ 22:29

Bii akni ah bik cicu na m’hnuh vä, Ghangpughang ah chang gui ung päipih ci lani pi ciah ta, bä pi cicu ka ning m’hnuh gui khai nei.

THULÄÄN NAK 16:13

“Nami htang avan k’ceiu yawp ne sing theih avan atui nami sui yawp ah a kyak ung, ng’yii nak pawi hnüüp chih ung nami bi vai.

1 GHANGPUGHANG GUI 10:8

Na chu gui cu bä aih ci gui nei! Na changshäm gui cu bä aih ci gui nei, ngami cu angtäi sei na pei ah om ci gui, cüivai ciah na ng’thu cu ng’ya khenggeng ci gui nei!

NG'THU K'THUUK~ 27:25

Nang naw m’htung ng’nawi yung ah khu k’paai ne m’ghaw nak paai ci, Cun ah yah ung ahei khu gui tho bi ci.

JEREMIAH 43:5

Cun kawn ah Johanan la gakap bawi gui ami van naw Judah ung om shüt ci ng’nücu Egypt ah hteh püi ci gui, ngami awn atäng ah ami püi pyang nak ah kho ah ka law baci gui ah chang avan phi hteh püi ci gui.