JEREMIAH 4:9 - Cho Bible Common Language 2016

⁹ Bawipa naw pyen ci, “Cun ah hnüüp ung ghangpughang gui la bawi gui cu ami tha maih yawp khai; taigü gui cu cat khai gui, prophet gui cu cäi aih khai gui.

JEREMIAH 4:9 Referans Kwoze

LAMKTU 13:41

A i, i ah kä tä ciah chang gui, teng shüm vä! Tuk ngawi kei naw ka bi lawh gui vai cu, Chang naw tän ne a ning m’thein tu gui ung phi, Kä nami yum ah täng khai, Cun ah kyasei nang mi cu cäicat ne si vä” ciah om cicu nami khan ah kä gawk law hlawt khai ah nami geing nak vai nei” cine m’thein gui ci.

JEREMIAH 52:7

Mang pang gui cu ng’gäi yawp ci. Babilonian gui naw mang gaw cu veing ne khaai pang u sei phi, khomü ah gakap gui ami van cu luat yawp ci gui. Ngami cu mang ah dum täng, pang goi ah ani ng’lak m’kawt ung hteit u ne, Jordan khongnawi täng ah dawng ci gui.

JEREMIAH 37:19

Nangmi la nami khaw Babilonia ghangpughang naw kä tu lawic khai nei, cik ci gui ah na prophet gui cu a i ah ang ami kiak?

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

ISAIAH 19:16

Egypt chang gui hnumi ah mäih ah ami ng’aa ca nak vai ah akhin gawk lawk ci nei. M’gäi ciah Bawipa naw ngami m’kyuk nak gui vai ah a kut shäng sei ami hmuh ah a kyak ung, ngami cu kyi ne ng’hlet khai gui nei.

ISAIAH 19:3

Kei naw Egypt gui pawngpüi gui cu a kholä ah kyak sak ne, ami m’lung ngaih cu ka m’di khai, Ngami naw, ngami m’hteinhtang gui khai ah agup gui cu ng’shi thäh khai gui, Ngami naw khaw ah kai gui ah hteit ne ng’shi k’ca khai gui, sik ciah mümcha gui cu am shümthein gui vai ah ng’shi thäh khai gui.

SAM 102:4

Kei cu khu chawng ah mäih ah na dep u sei, Ei ka ei hlü nak phi maih yawp ci nei.

2 GHANGPUGHANG GUI 25:4

mang gaw k’paang gui cu gäi ci gui. Babilonian gakap gui naw mang gaw cu khaai pang u sei phi gakap gui ami van mü ah dawng yawp ci gui. Ngami cu bawimang ah duum täng ah dawng u ne, k’paang goi ah angchum nak ah m’kawt ung hteit u ne, Jordan khongnawi täng ah dawng ci gui.

JEREMIAH 48:41

gawn gui la mang pang gui cu tu ne khäm khai gui. Cun ah hnüüp ung Moab gakap gui cu anau poi m’neh ciah hnumi ah mäih ah kyi kyawk khai gui nei.

ISAIAH 28:19

A cun naw nangmi cu a ngawi tä, a ngawi tä sei, ning tuk ba ba gui khai, Nangmi naw cun cu amü a hnüüp nami awt khai. Khanpughi ah ng’thu akthai päng naw cäicat vai akthai law püi khai!

JEREMIAH 2:26

Bawipa naw pyen ci “m’guk-ei ami pha ung a thüi ah amäih ah, Israel chang avan cu nami thüi khai, nami ghangpughang gui, bawi gui, nami taigü gui la prophet gui.

JEREMIAH 25:34

Kyap vä, nangmi angvai gui, ka chang gui htome sham gui, m’lau ne kyap vä! Thüisei ne m’vut ung ng’tah vä. Ami ning ngawn nak gui vai ah akhin gawk lawk ci nei, nangmi cu htome khla ah mäih ah ning ngawn gui khai gui nei.