JEREMIAH 4:8 - Cho Bible Common Language 2016

⁸ Cun ah kyasei sui k’she sui ne, kyap ne m’lau vä, a i ah kyasei ci ung Bawipa ah m’lungshe nak naw Judah cu kä ng’hlah tak ci nei.

JEREMIAH 4:8 Referans Kwoze

JEREMIAH 6:26

Bawipa naw a chang gui pyen na gui ci, “Suishe sui ne m’vut ung ng’hleeo vä. A Htapa tumat bäng ah phäh ah thüi kyap ciah mäih ah nami phlitui cha ne thüi gyap vä, a i ah kyasei ci ung law ne ning m’di gui khai ah chang tumat naw ang ghit ah ning tu law gui khai nei.

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

ISAIAH 32:11

Nangmi cu, a yäi ah nami ghing om ci, ng’ä ai nak kä om ci; Cun ung phi tuh bäi, kyi ne ng’hlet vä! Nami sui sak gui sut u ne, pyonshe awn nami khei k’htün vä.

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

ISAIAH 5:25

Bawipa naw achang gui ah khan ah m’lungshe neta, ngami m’kyuk nak gui vai ah a kut shäng ci. Khaw m’htung gui thüng khai, sik ciah pumsa gui cu lam ung ng’ant ah mäih ah ng’zän shüt khai gui cun güt ung Bawipa ah m’lunghse nak cu kä ng’yi khai, cun ung ngami m’kyuk gui vai ah ani naw a kut cu shäng lä khai.

AMOS 8:10

Nami yungkawi cu sih htüm ah ka lat khai, nami yei nak ng’äi cu kyah m’lau ah ka lat khai. Nami lu ning ah sak gui ne, thüisei suinu ka ning sui sak gui khai. Nangmi cu a hta tumat bäng ah phäh ah thüikyap ciah nupa gui ah mäih nami kyap khai. Cun ah hnüüp cu akha ah ng’pyi khai.

EZEKIEL 30:2

ani naw pyen ci, “Hnicim chang, kei, uktu Bawipa naw ka pyen cu ng’cäbang ne ng’shäu ä. Nang naw shin ah ng’thu gui cu m’lau ne na pyen vai nei: kyihkyawk vai ah hnüüp gawk lawk ci!

EZEKIEL 21:12

Hnicim chang, thüi ne kyap ä; shin ah khimsem cu ka chang gui ah phäh ah kyak ci, Israel ang vai gui avan ah phäh ah kyak ci. Ngami cu k’pawih ba ciah ka chang gui avan awn atäng ah ngawn gui vai nei. Thüi kyap ne na ng’kyang cu k’beeih ä!

JEREMIAH 48:20

“Ngami naw ning m’shan gui khai, ‘Moab cu ng’kiak pyi ci nei, ani ah phäh ah kyap vä, ani cu thüisei ci nei. Moab cu di pyi ci nei ci ne; Arnon tuinu lawng yung ung ng’shäu vä!

ISAIAH 13:6

M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

ISAIAH 9:21

Manasseh chang gui la Ephraim chang gui cu ami mät ng’tuk khai gui, cun kawn ah atäng ah Judah cu tuk khai gui. Cun ung phi Bawipa ah m’lungshe nak cu kä ng’pyi khai; ani naw a kut cu ngami m’kyuk nak gui vai ah shäng lä khai.

ISAIAH 9:17

Cun ah kyasei Bawipa naw ak hmaw chang a u phi kä luat sak khai, a u hmeinu hmeihta ah khan ah phi m’gein nak kä m’dang khai, a I ah kyasei ci ung chang avan cu khanpughi kaa ah kya ne cheishoh u ne ami ng’thu phung cu akshe ah kyak ci. Cun ah kyasei Bawipa ah m’lungshe nak cu kä ng’pyi khai, ngami m’kyuk nak gui vaiah a kut cu ani naw shäng lä khai.

ISAIAH 9:12

Akyang täng ung Siria, akhei täng ung Philistia gui naw Israel cu läm ge vai ah ami shai m’an ci gui. Cun ung phi Bawipa ah m’lungshe nak cu kä ng’pyi phak ci; ani naw ngami m’kyuk gui vai ah a kut cu shäng lä ci.

SAM 78:49

Ani naw am lung she nak la am gäi nak awn sih nak ng’shä cu tüih gui ne, aktung ah khüikha sak gui ci.

KHEI NAK 25:4

Moses a pyen nak cu, “Israel ah ami ng’vai gui ami van la gui neta, kei kä na ngai ci gui cu hnüüp ng’lung yah ung nami m’kat gui vai, cun kawn ah cun ah chang gui ah khan ah kei kä ka m’lung she ba khai” cik ci.

NG’ÄI KYAH 1:12

“Na teng vä “ci ne ani sun pah ci päng ah ma ah kyap ci. A u chang ung phi kei ah m’neh ah mäih kä om khai nei. Cun ah m’neh nak cu Bawipa naw am lungshe yah ung kei ah khan ah a law püi ah kyak ci nei.

JOEL 1:13

Sonkyang ung bii bik ciah taigü gui; ng’yu nak sui sui ne kyap vä! Taigüim ah hteit ne mü lüng ne kyap vä! Nami Khanpughi am nami douthak vai atheih, atui a i kä om ci nei.

JEREMIAH 25:34

Kyap vä, nangmi angvai gui, ka chang gui htome sham gui, m’lau ne kyap vä! Thüisei ne m’vut ung ng’tah vä. Ami ning ngawn nak gui vai ah akhin gawk lawk ci nei, nangmi cu htome khla ah mäih ah ning ngawn gui khai gui nei.

MIKHAH 1:16

Judah chang gui, nami m’hni ah nami hta gui ah hmawk ah nami thüi nak ah nami lu k’plut vä. Nami hta gui cu omktu khaw ah hteh püi gui khai gui kyasei langta ah mäih ah nami lu plut vä.