JEREMIAH 4:6 - Cho Bible Common Language 2016

⁶ Zion täng ah mang vä! Phyawn vai ah dawng vä! Kä shokshü en vä! Bawipa naw leigai law püi ci nei, a siiptäng ah ka m’dishum nak akdäm gawk lawk ci nei.

JEREMIAH 4:6 Referans Kwoze

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

JEREMIAH 51:27

“Ng’tuk nak vai alan hleek vä, phyung heng tum vä, cun ung pakhui gui naw ng’yak khai gui! Babilonia ng’tuk püi vai ah pakhui gui pawng htein vä! Ararat, Minni la Ashkenaz uk nak khaw gui am ng’tuk vai ah mawng m’thein vä. Ng’tuk ung lam ma khan bawi tumat tha vä. Khanpeh bum gui ah mäih ng’se gui cu law püi vä.

JEREMIAH 51:12

Babilonia k’paang tuk vai ah alan cu pe vä. Gaw ngäng ci gui khüighat sak vä! Ng’mah ne ng tuk khai gui tha gui vä!” cik ci. Bawipa naw Babilonia chang gui ah khan ah abi vai a pyen cu bik ci nei.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

JEREMIAH 6:22

Bawipa naw pyen ci, “Asiip täng khopäng ung ka chang gui lawk ci gui; asho nak ah om ciah m’gäi ciah pakhui naw ng’tuk vai ah pawng ci nei.

JEREMIAH 6:1

Benjamin chang gui, nami phiawn vai ah dawng vä! Jerusalem ung ka lauk vä! Tekoa ung phyungheng tum vä, Beth Hacaherem ung m’hnüt nak ah mei im co vä. Leigai la dishum nak cu a siiptäng ah ka lawk khai nei.

JEREMIAH 4:21

Kei naw a i güt ami ng’tuk ka hmuk khai ang, phyungheng gui ah ng’gin a i güt ka ng’yak khai ang?

ISAIAH 62:10

Jerusalem chang gui, mang gaw ah k’pung ah hteit u ne, law ba khai gui ah nami chang gui ah phäh ah lam co ne pyang vä! Lam k’cawh nu pyang vä; lung gui nawt heng vä! M’hnüt nak ah alan cu hleek vä, cun ung chang pakhui gui naw hmat khai gui,

ZEPHANIAH 1:10

Bawipa naw, “Cun ah hnüüp ung Jerusalem ah nga ah m’kawt ung kyah ah k’aw gui cu nami ng’yak khai. Mawng gaw k’thai lam ah ng’hmum ci la khomhtung ah kai ne ng’güüt ciah k’aw cu nami ng’yak khai.

JEREMIAH 51:54

Bawipa naw pyen ci, “Babilon ung kyak ah k’aw cu ngai vä, khaw akyong ah adishum ah phäh ah thüi sei ah kyak ci nei.

JEREMIAH 50:22

Ng’tuk nak ah ak’aw cu cun ah khaw ung mi ng’yak khai nei, dämduh ciah dishum nak om khai nei.

JEREMIAH 21:7

Cun ung phi nang, na bawi gui la ng’tuk nak, camisha la natnak ung ka k’pawih ba ci gui-nangmi nami van cu ghangpughang Nebukhadnezzar la ning ngawn hlü gui ciah nami ga gui am ka ning hnim sak gui khai. Nebukhadnezzar naw sih nak ning pe gui khai. Ani naw nangmi a u phi kä k’pawih nak khai, chimgein nak, chihna nak a u am phi kä m’dang khai, kei, Bawipa naw ka pyen ci.”

JEREMIAH 18:11

Tuhbäi Judah la Jerusalem chang gui cu m’thein gui vä, kei naw ngami hnung tuk püi ne ka pawng m’htein ci, ngami ka m’kyuk gui khai ah ka om ge ci. M’thein gui vä, shekha ne ami ghin om nak ami ng’düm vai nei-ami law ami m’thawng vai, ami bi bi lawh ami m’thawng vai.

JEREMIAH 22:7

Cun m’di khai ah kei naw chang gui ka tüi lawk khai. Ngami ami van naw ghei gui law püi u ne kyom ciah a cedar sing gui cu chu pit u ne, mei ung m’khih khai gui nei.

ZEKHARIAH 6:6

Ng’se ale naw a kaih ah yatha cu Babilonia a siiptäng ah hteit ci, abawk naw a kaih cu ak kheitäng ah hteit ci, a pyawk gui ah kaih cu a htumtäng khaw ah hteit ci gui.

JEREMIAH 10:22

Ngai vä! Ng’thu gawk lawk ci nei! A siip täng pakhui ung dämduh ciah ng’küknet nak ah kyak ci nei; Ani ah gakap gui naw Judah mang gaw gui cu sa-ui gui ah om nak ah hmun khaw ng’gau ah kyak sak khai gui nei.”

EZEKIEL 9:1

Cun kawn ah khanpughi m’lau sei ka ng’yak ci, “Shin ung law vä, Nangmi mang gaw m’kyuk lawk khai ah chang da gui. Nami likhim law püi vä.

EZEKIEL 9:2

A cun vai am Chang Chuk cu a siiptäng taigü Im kawt ah akpung täng ungka lawk ci gui, likhim kawt bäng bäng ci gui. Ngami awn atäng ah linen sui sui ciah Chang tumat cu guk nak vai kawt ne law tuk ci. Ngami ami van law u ne kyei sonkiang pei ah ng’düi ci gui.