JEREMIAH 4:5 - Cho Bible Common Language 2016

⁵ Kho avan ung phyungheng tum vä! Ng’htei khai ah phyungheng tum vä! Judah la Jerusalem chang gui cu m’thein gui vä, khäng htek ciah mang gaw gui ah ami dawng vai nei.

JEREMIAH 4:5 Referans Kwoze

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

JEREMIAH 6:1

Benjamin chang gui, nami phiawn vai ah dawng vä! Jerusalem ung ka lauk vä! Tekoa ung phyungheng tum vä, Beth Hacaherem ung m’hnüt nak ah mei im co vä. Leigai la dishum nak cu a siiptäng ah ka lawk khai nei.

JOSHUA 10:20

Joshua la Israel chang gui naw ngawn gui ci gui. Cun ung phi ami mang gaw paang kyong ah amshah cu phyawng ci gui, cun gui cu kä ngawn gui ci gui.

HOSEA 8:1

Bawipa naw pyen ci, “Phyung puuk tum vä! Ga gui naw hmu ah mäih ah kei ah khaw cu m’tawn lawk ci gui nei. Ka chang gui naw ngami awn ka bi thukhän cu m’shet u ne, Kei ah m’theithang cu hnungtuk ci gui nei.

AMOS 3:8

Phongkawng am ngaw ung kä kyih ah a u om ne ang? Uktu Bawipa naw ng’thu a pyen ung ani ah ng’thu kä shäu ah a u om hlawt ne ang?

AMOS 3:6

Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?

JEREMIAH 35:11

Cun ung phi Ghangpughang Nebuchadnezzar naw mi khawpäng a tuk law yah ung, Babilonian la Sirian gakap gui phiawn nak ah Jerusalem ah hteh vai ah kami k’bäi ci. Cun ah kyasei keimi Jerusalem ung kami om ah kyak ci.”

JEREMIAH 11:2

“Thukhän ah amawng gui cu ngai ä. Judah la Jerusalem chang gui cu m’thein gui ä.

JEREMIAH 9:12

Kei naw ka ng’shik ci, “BAWIPA, ai ah kyasei kho cu di ne khong gau ah kya ne chawng sei, a u phi kä hteit hton ba ne a kyak ang? A u ang shin hmat khai ah cüi vai nak a om? Ani naw chang hei gui am thein tu ba thei vai ah a u am nang naw na m’thein khai ang?”

JEREMIAH 5:20

Bawipa naw pyen ci. “Jakob ah htangshon gui m’thein gui ä, Judah chang gui m’thein gui ä:

KHEI NAK 10:3

Phyungheng hnih ung k’aw shan ang sau ang gin law ah a kyak ung chang gui ami van ng’cut law u ne, kei ah om nak ah Phung ah m’kaw tung ning k’bui lawk khai gui.

EZEKIEL 7:14

Phyung heng tum ci gui, chang nü cu ng’tuk ge vai ah om ci, cun ung phi ng’tuk nak ah kä hteit ci, ai ah kyasei ci ung khanpughi ah m’lungshe nak cu chang nü ah khan ah atäng tang ah kya lawk khai.

JOEL 2:1

Khanpughi ah theing ciah khomhtung Zion ah khan ah phyungheng tum vä, khingyan khawng vä. Judah chang gui ng’hlet vä! Bawipa ah hnüüp cu gawk law ge ci nei.

KHEI NAK 10:2

“Ngui tawn awn phyungheng hnih nami pyan vai, cun cu chang gui naw shaum pigaw phyek khai gui ah khü nak ung nami mang vai.

ISAIAH 28:19

A cun naw nangmi cu a ngawi tä, a ngawi tä sei, ning tuk ba ba gui khai, Nangmi naw cun cu amü a hnüüp nami awt khai. Khanpughi ah ng’thu akthai päng naw cäicat vai akthai law püi khai!