JEREMIAH 4:31 - Cho Bible Common Language 2016

³¹ A nau poi m’neh ciah hnumi ah kyah k’aw, hta htük ciah hnumi ah m’lau ah k’aw ah mäih ah k’aw cu kei naw ka ng’yak ci. Cun cu bawng ne ng’khlet ciah Jerusalem ah k’aw ah kyak ci, ani naw a kut shäng neta a pyen cu, “Kei ka ng’ziin ci nei! Ngami naw law ne na ngawn khai gui nei!”

JEREMIAH 4:31 Referans Kwoze

NG’ÄI KYAH 1:17

Kei naw ka kut ka shäng ci, cun ung phi a u naw kä na m’hteihtang khai. Bawipa naw ga gui cu kei na hnungtuk khai gui ah atäng päng ungka khü gui ci. Ngami naw kä ng’gängsei ciah chang ah mäih ah na om püi ci gui.

ISAIAH 1:15

“Nangmi naw taigü nak ung nami kut nami shäng ung, Kei nan kä ka ning teng gui khai nei. A i Chü ah nangmi nami taigü ung phi kei naw kä ka ngai khai nei, a i ah kyasei ci ung nami kut cu si naw k’plüm ci nei.

JEREMIAH 13:21

Nang naw na teihpüi ah na ngaih ah chang gui naw ning tu u ne ami ning uk ah a kyak ung a i ah na pyen khai aw? Nang cu the lawk khai ah hnumi ah m’neh ah mäih ah na m’neh khai nei.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

1 KORIN 9:16

Thu Ni ka pyein nak awn kei ung khähghah nak vai kä om ci, Khanpughi ah thukhän nawn kei naw ka bi ah kyak ci. Kei naw Thu Ni cu kä pyein ah ka om ung a i hlawk ah thüisei vai kyak khai ang!

MATTHE 21:5

“Zion mang gaw-am thu nami m’thein vai cu, ‘Teng tu vä, nami ghangpughang cu nami om nak ah gawk law ci nei! Ani cu hniphnoi ng’awi gi ne, Phuih näng ciah a hta ng’sehta ung cun ci nei,” ciah kya ci.

MIKHAH 7:1

Ngaih u vai kä om ci. Kei cu sing ung am theih kä hmu ne, sapyit ung am theih kä hmu ne, ei ah cawi ciah mäih ah ka kyak ci. Am theih avan, sing theih avan bih yawp ah kyak ci.

HOSEA 13:13

Israel gui cu ghin nak vai chaw nak ci gui. Cun ung phi cun ami lak vai ah ang aih ci gui — Hta nak vai ah akhin ah kyasei phi puk ungka aluh law vai ah mak ciah a hmaw awn täng ci gui.

NG’ÄI KYAH 2:21

Chang nong gui la aghipa gui cu atäng ah lam ung si ne ng’yän ci gui. Pami hnumi chang nong gui cu ga gui ah khimsem gui naw ngawn gui ci gui nei. Na m’lungshe nak ah kho hhnüüp ung chimgein nak kä om ciah nang naw na ngawn sheh gui ci nei.

NG’ÄI KYAH 1:20

O, Bawipa, kei ah ka omdam nak aih, ka m’lung a khüikha nak aih cu teng ä. Kei ah ka katnak gui ah hmawk ah ayä nak awn ka m’lung cu payak ci nei. Lam gui ung ngawn nak om ci, kyong khui ah phi sih nak om ci.

JEREMIAH 50:43

Babilonia ghangpughang naw cun ah mawng ng’ya neta, a kut phi kä hnün hlawt ci. Ani cu amlung nat sak sei, anau poi m’neh ciah hnumi ah mäih ah m’neh ci.

JEREMIAH 49:24

Damaskas ung chang gui cu ami k’tha ken sei kyi ne dawng ci gui. Ngami cu anau poi m’neh ciah hnumi ah mäih ah na sei m’neh ci gui.

JEREMIAH 49:22

Hmu naw angphia k’phiant ne amtawn ah mäih ah ga gui naw Bozrah cu tuk khai gui. Cun ah hnüüp ung Edom gakap gui cu anau poi m’hneh ciah hnumi ah mäih ah kyi kyawk khai gui.”

JEREMIAH 48:41

gawn gui la mang pang gui cu tu ne khäm khai gui. Cun ah hnüüp ung Moab gakap gui cu anau poi m’neh ciah hnumi ah mäih ah kyi kyawk khai gui nei.

JEREMIAH 45:2

Bawipa, Israel khanpughi ah thu pyen, “Baruk,

JEREMIAH 30:6

Tuhbäi ng’düm ne ngai vä! Pami cu hta hning khai ang? A i ah kyasei pami gui päng naw anau poi m’nek ciah hnumi ah mäih ah ami poi ah khan ah ami kut taih u sei, ka hmuh gui ang? A i ah kyasei Chang nü ami ng’hum aih ang?

JEREMIAH 22:23

Nangmi cu Lebanon ah ka ami law püi ah cedar sing gui ah ng’lung ah phyawng m’htein ne nami om ci; cun ung phi m’neh nak naw a ning ci law gui ung a i hlawt ah ning m’gein gui vai ah kyak khai aw, cun ah natnak cun anau poi m’neh ciah hnumi ah m’hneh ah mäih ah kyak khai nei.

JEREMIAH 18:21

Cun ung phi tuhbäi Bawipa ami hta nau gui cu ei ah cawi ne sih sak gui ä; ng’tuk nak ung ngawn sak gui ä. Hnumi gui ah ami cei gui la ami hta gui cu maih sak gui ä; pami gui cu natnak awn sih sak gui ä, chang nong gui cu ng’tuk nak ung ngaawn sak gui ä.

JEREMIAH 15:18

A i ah kyasei kei ka yaica tu lä ang? A i ah kyasei a hmaleim gui kä m’tui m’seih ang? A i ah kyasei cun gui kä akhan ang? Khocha ah kawi ne ket ciah tui hta lawng ah mäih ah nang naw kei cu nana thüisei sak hlü ne ma?”

JEREMIAH 14:18

Kei cu lolai ma ah ka hteh ung ng’tuk nak ung ami ngawn gui cu ka hmuk ci; kei cu gawnu gui ung ka hteh ung ei ah cawi ne sik ciah chang gui cu ka hmuk ci. Prophet gui la taigü gui cu ami bii bik ci gui, cun ung phi a i ami bi kä hmat ci gui.”

JEREMIAH 10:19

Jerusalem chang gui cu kyap m’lau u ne, “mikmi naw a i hlawk ah shek khai ah mi m’neh awh ci ang! Mi hmaleim cu kä khan khai nei. Shin cu mi näng khai ah mikmi naw mi ngani te ci nei!

JEREMIAH 6:2

Zion mang gaw cu kyom ci nei, cun ung phi cun cu m’di khai gui nei;

ISAIAH 42:14

Khanpughi naw pyen ci, “Khaw akshou ung düm ah ka om ci; ka chang gui kä ka m’shang gui ci. Cun ung phi tuhbäi hnün thawh nak vai ah akhin gawk lawk ci nei; Nau poi m’neh ciah hnumi ah mäih ah kei ka m’lau ci nei.

ISAIAH 21:3

Muimang ung ka hmuh la ka ng’yak naw kyinnak la natnak na pek ci nei, cun natnak cu a nau poi m; neh ciah hnumi ah m’neh ah mäih ah kyak ci.

ISAIAH 13:8

Ngami cu ami van kyikyawk u ne, hta law khai ah hnumi ah mäih ah m’neh khai gui nei. Ngami kyin nak ann ng’teng tu u ne, ngami ah hmai cu ng’aa nak naw ui khai nei.

ISAIAH 6:5

Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”

SAM 120:5

Nangmi ah ng’lung ah om cu Meshech khaw la Kedar chang gui ah ng’lung ah om tu ah mäih ah shek ci nei.

JOB 10:1

Ka ghin ka yai ci. Kei ah ng’thu m’da kha gui cu na ngaih pe ä.

ATÜNNAK 27:46

Rebekka naw Isaak am, “Esau ah chu Hittit hnumi gui ah phäh ah ka yaica, ka cümbawng aih ci. Jakob naw mä Hittit hnumi a chu nak läi ung kei cu ka sik khai ah kyak ci nei” cik ci.

ISAIAH 26:17

Nang, Bawipa naw keimi cu, anau poi m’neh ciah hnumi ah mäih ah na na kyah m’lau sak gui ci nei.

MIKHAH 4:9

A i ah kyasei m’lau ne na kyah ang? Bii bi ne cüm ciah hnumi ah mäih ah a i ah kyasei na yaica ang? Cun cu nami ghangpughang kä om ne, nami bawimang gui asih yawp ah hmawk ah kyak ci nei.

MIKHAH 4:10

Ng’hlo ei ciah Jerusalem chang gui, hta lawk khawi ah hnumi ah mäih ah nami kyak ci. Tuhbäi nangmi cu mang gaw nawng shüt ne, khaw ng’piäu ung nami om khai. Nangmi cu Babilon ah nami hteit khai, cun ung phi a cu ah Bawipa naw nami ga ah kut ungka ning hun gui khai.