JEREMIAH 4:30 - Cho Bible Common Language 2016

³⁰ Jerusalem, nang cu na ng’ziin ci! A i ah kyasei nang naw asen na sui ang? A i ah kyasei pyülung gui sui awi ne, nami mik phi nami cüi che ang? Nang naw akholä ah phäh ah na mät naw na mät na kyom sak ci nei! Na m’hni gui ah chang naw ning hnungtuk püi ne, ning ngawn hlük ci gui nei.

JEREMIAH 4:30 Referans Kwoze

2 GHANGPUGHANG GUI 9:30

Jehu cu Jezreelaa ung gawk ci. Jezebela naw cun ah a mawng gui cu ng’ya pyi ci kya neta, amik mu pyang ne, a lu huih neta, mang im kyong ah m’kawt ung ng’düi ne lam cu hei teng ci.

NG’ÄI KYAH 1:19

Kei naw ka khawt püi gui cu ka khü ci, Cun ung phi kei na m’hteihtang vai ah ngami mak ci gui. Taigü gui la ang vaihta gui cu mang gaw lam gui ung sik ci gui. Amät ah hnun ami m’ghin nak vai ah ei cu shui yap ci gui.

NG’ÄI KYAH 1:2

Ayanä a teihpüi mang gui ami van naw tumat naw phi kä shungvong ci gui. Amü pum ani cu kyap sei, ang phlitui gui ang being ung yu ling vük ci gui nei. Ang khawt püi mang gui ami van naw kä bekhüt u ne, tuhbäi ami van naw hnungtuk püi ci gui nei.

ISAIAH 10:3

Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

EZEKIEL 28:13

Nang cu Khanpughi ah dum Eden ung na om ci. Pyülung aming nü cu na awi ci: pyü lung, vailung, m’liulung, lelung, k’toulung, senlung, kyinglung, khing, lung gui cu na sui ci. Nang ah sui awi gui cu ghui ah kyak ci. Cun gui cu nang aning tüipian yah ge ung nang ah phäh ah a pyan ah kyak ci.

JEREMIAH 13:21

Nang naw na teihpüi ah na ngaih ah chang gui naw ning tu u ne ami ning uk ah a kyak ung a i ah na pyen khai aw? Nang cu the lawk khai ah hnumi ah m’neh ah mäih ah na m’neh khai nei.

ISAIAH 20:6

Cun ah khim a gawk law ung, Philistia tui kam yung ah am ciah chang gui naw, ‘Assiria ghangpughang ah kut ung ka na shungvong gui khai ah mikmi naw mi ngaih u gui ah chang gui ah khan ah, a i ah kya lawk cicu teng tu vä! A i hawkcha ghing ne mi k’pawih ba khai aw?’” cik ci gui.

THU PHLAAN 17:13

Cun ah ghaa gui cu ami ng’bü nak täng ci, Ngami naw ami hlüngtai nak la huham cu khiküi-am ap ci gui.

THU PHLAAN 17:4

Hnumi nu cu asen la akshon ah kyak ciah sui cu sui ne, ghui ni, ng’mo ni, k’cünglung mi gui cu awi ci. Ani cu pletbeng nak ah kiak ciah m’shemshai nak awn be ciah ghui khap cu kawt ci.

THU PHLAAN 17:2

Khomdek ah khan ah ghangpughang gui cu, ani awn ng’yaw ng’pawm lä ci gui nei. Chang ah hta gui avan cun phi ani awn ng’yaw ng’pawm nak ah kyak ciah yu cu awktat ci gui nei,” cine pyein ci.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

EZEKIEL 28:9

Ngami naw nang ning ngawn khai gui ah ami law ung Khanpughi ah na kyak ciah na pyen ba khai ang? Nang cu ning ngawn ciah chang gui awn ami ng’awt law ung, nang cu hnicim ah na kyak khai, khanchang ah kä na kyak khai.

NG’ÄI KYAH 4:17

M’hteihtang nak vai ah mi teng hning ah chuih mi teng ung phi kä law pang ci. Pakhui khaw tumat cu na m’hteihtang gui khai ah mi k’äih ci, cun naw ana pek gui vai a i kä om ci.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

ISAIAH 33:14

Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”

NG'THU K'THUUK~ 6:25

Ngami ah kyom nak naw kä ning tüihtok en gui sä, phüvüih ciah ami mik naw kä ning pha en gui sä.

NG'THU K'THUUK~ 7:10

Cun ung hnumi naw ani cu hmuk ci, cun ah hnumi naw hlawhhlaang ciah mäih ah sui awi ne, ng’bü ge ci.

JEREMIAH 22:23

Nangmi cu Lebanon ah ka ami law püi ah cedar sing gui ah ng’lung ah phyawng m’htein ne nami om ci; cun ung phi m’neh nak naw a ning ci law gui ung a i hlawt ah ning m’gein gui vai ah kyak khai aw, cun ah natnak cun anau poi m’neh ciah hnumi ah m’hneh ah mäih ah kyak khai nei.

JEREMIAH 30:14

Nami m’hni gui ami van naw ning m’hnih gui ci nei; Ngami naw nangmi cu a i ah kä ning sui ba gui ci gui. Kei naw ga ah mäih ah ka ning tu gui khai; Nangmi ning m’kyuk nak gui cu nuipai aih ci nei, a i kyasei ci ung nami cheishoh nak cu a dämduh aih ne nami hmakat nak cu da aih ci nei.

OBADIAH 1:7

Nami ng’khawt püi gui naw ning m’hleei gui ci gui, Ngami naw nami khaw ungka ning k’täm gui ci gui, Ning dimdeeih püi gui ciah chang gui naw tuhbäi ning näng gui ci gui. Atäng ah nami ei awk ciah nami teihpüi gui naw nami awh nak vai cuun cuung ci gui. Ngami naw ning pyen na gui ci gui, ‘Ani ah lunglang nak cu a hawi ang?’ cik ci gui.