JEREMIAH 4:3 - Cho Bible Common Language 2016

³ Bawipa naw judah la Jerusalem chang gui cu pyen na gui ci, “kä thawn pha ah nami lai gui cu thawn vä; ng’hling gui ah ng’lung ah nami geit m’shi kä phu en vä.

JEREMIAH 4:3 Referans Kwoze

HOSEA 10:12

Kei naw ka pyen ci, ‘Nami mät ah phäh ah m’dek ak thai thawn vä. Düng nak cu geit u ne kei ah nami ng’ap nak ung m’theih pai lawk ciah hrilham cu khäm vä, Shin cu nangmi kei nami na Bawipa ah nami ng’hlah law nak ba vai ah akhin ah kyak ci nei. Kei cu law ne nami khan ah hrilham ka yuk lawn lawk khai nei.’

LUKA 8:14

Ng’hling hmu ah kya lawk ciah m’shi ci cu, Khanpughi ah ng’thu ang yak kawn ah kyikyawk ng’ä ng’ai nak, bühmang nak la hlimtui nak gui naw m’khüt sei kä hnün tho hlawt ciah kyak ci.

LUKA 8:7

M’shi am shah cu ng’hling hmu ah kya lawk ci. Ang lih pyou, a ghing gong pang ung phi ng’hling naw k’düi sei kä vuipai hlawt ci.

MATTHE 13:7

M’shi amshah cu ng’hling hmu ah kya lawk ci, ng’lih pyo tupang ne phi, ng’hling gui naw k’düi u sei, si ba yawp ci.

MAKUH 4:7

M’shi amshah cu ng’hling hmu ah kya law ne, ang lih pyo ung phi ng’hling naw k’düi sei kä vuipai hlawt ci.

MATTHE 13:22

Hliing hmu ah kya lawk ciah m’shi ci cu, ng’thu ni cu ng’ya tulang ne phi, ami ng’ä ai nak gui la ami bämang nak hlü gui naw, shung shet gui sei ng’thu ni cu kä vui pai hlawt ciah kyak ci.

ATÜNNAK 3:18

Khomdek naw hling shun gui cu m’thawk sak khai, nang naw khu m’ghaw gui cu na ei khai.

PHYAWN NAK 23:11

Cun ung phi a kum chih kum nami m’düm vai. Vüi lawk cicu kä nami bih vai. Cung dukhaih ci gui naw ami ei vai om khai, k’pawih cicu pyama sa gui naw ei khai gui. A cun ah mäih ah nami sapyit lo la olive sing gui phi nami ci vai.