JEREMIAH 4:28 - Cho Bible Common Language 2016

²⁸ Khomdek cu thüi kyap khai; Khomik cu mü ne hmüp khai. Cun cu Bawipa naw a pyen nei, ani naw amlung kä m’thawng khai nei. Ani naw am hnüt bäi nak bik ci, ani kä ng’hlat phung khai.

JEREMIAH 4:28 Referans Kwoze

KHEI NAK 23:19

Khanpughi cu hleei ciah chang ah mäih ah kä kyak ci; Ani cu am lung ngaih m’thawng ciah chang ah mäih ah kä kyak ci. A shaitak phung cu ani naw bik ci. Ang thu ah mäih ah ani naw bik ci.

HOSEA 4:3

Cun ah kyasei shin ah khaw cu chawng yawp khai, ghing om ci nü si yawp khai. Khisa avan kha gui la nga gui phi si yawp khai gui.”

JEREMIAH 12:4

Kami khaw cu a i güt ung chawng ne, lolai päng ung khu mghaw gui cu a i güt ung ng’yai khai gui ang? Kami chang gui ah shetkat ah phäh ah khisa gui la kha gui cu sik ci gui nei. Cun gui cu kami chang gui ah katnak ah phäh ah kyak ci, Cun ah chang gui naw, “mikmi ah bilawh cu Khanpughi naw kä hmuk ci nei” cik ci gui.

ISAIAH 50:3

Sik ciah phäh ah chang athüi ah mäih ah khomik cu hmüp khai ah ka bi hning ci. Bawipa ah changshäm naw ng’thu ang ngaih nak.

ISAIAH 5:30

Cun ah hnüüp a gawk law ung, ngami cu Israel ah khan ah tuinu ah ng’güüt hlawk ah m’lau khai gui. Shinah khaw cu teng vä! Mü hmüp la geinvai nak ah kya ci! Akdei cu mü hmüp naw m’zaw ci nei.

THU PHLAAN 6:12

Htomehta naw ak chuk nak ah mhnüt nak cu khawk ne hmawng khätah, khawhni cu, pyon ale ah mäih ah ng’lat ne le ci, chaa phi sisen ah mäih ah ng’lat ne sen ci,

HEBRU 7:21

Cun ung phi cun ah phyun nak awn, Bawipa Jesuh Taigü ah a kyak law sang ung Khanpughi ah thu pyein cu; “Bawipa naw küikyang ciah shaitaak nak bik ci, Cun cu kä ng’hlah püi ba düt khai; Nang cu angtäi sei Taigü ah na kyak khai nei,” ciah kyak ci.

EPHESIAN 1:11

Apäng avan cu Khanpughi naw am hnüt ak bäi ah mäih ah om kyak ci gui. Khanpughi naw cäu ä ge tün ne a mät ah k’bäi ah ng’bü nak awn, mikmi cu Bawi Khrit ung na kawng ät sak gui ne ak chang ah ana ghü gui hnga ah kyak ci.

EPHESIAN 1:9

Khanpughi naw acüivai nak la alulang nak awn, ang bü nak cu dang khai ah bi bik ci. Bawi Khrit ung akümbe sak ah thuuk ne ng’kau ciah a mawng gui cu mikmi am na hmat sak gui ci.

LUKA 23:44

Kho hnüüp ng’lung ung tün ne kho k’awinu a khin ung khüt khai ah khomdek khan avan ung khohni kä dei ba ne shitne hmüp yawp ci.

MAKUH 15:33

Kho hnüüp lunglai ung tün ne kho k’awi nayi thum güt ung khomdek khan avan cu mü ne hmüp yawp ci.

MATTHE 27:45

Kho hnüüp lung ung tün ne nayi thum lüng khai ah kho ah khan avan cu mü ne hmüp yawp ci.

JOEL 1:10

Lolai gui auh ci gui; khomdek thüikyap ci, a i ah kyasei ci ung htang gui di yawp ci, sapyit gui ket yawp ci, olive sing gui chawng yawp ci.

HOSEA 13:14

Kei naw shin ah chang gui cu sih nak ah khaw ungka kä ka hun gui khai. Sih nak ah huham ungka kä ka gung gui khai. Sih nak, na leigai cu law püi ä, Kei cu shin ah chang gui ah phäh ah kä ka yeikyai ba ci nei.

EZEKIEL 24:14

Kei, uktu Bawipa naw ka pyen ci. Kei ka hnun htawh nak vai ah akhin cu gawk lawk ci nei. Kei naw nami katnak cu kä ka nawng khai, m’hni nak kä ka ning m’dang gui khai, kä ka ning chimgein gui khai. Nangmi cu nami bi gui ah phäh ah m’kyuk nak nami gah khai.” Uktu Bawipa naw a pyen nei.

JEREMIAH 23:20

Cun cu ani naw abi vai ah ang ngaih gui nü kä abi pha ah chuih kä ng’pyi khai. Cun ah hnüüp gui a gawk law ung a chang gui naw htei cha sei hmat khai gui.”

JEREMIAH 23:10

Shin ah khaw cu kä bekhüt ciah chang gui awn be ci nei; ngami cu a omshe ah ghing om u ne, ami huham akshe ah mang ci gui. Bawipa ah plah taam ah phäh ah mi khaw cu thüi sei ne, khulim gui cu chawng yawp ci.

JEREMIAH 14:2

“Judah cu thüi kyap ci; ani ah mang gaw gui cu sik ci gui, ani ah chang gui cu azä ne m’dek ung ng’zän ci gui, Jerusalem cu m’htei vai ah ng’khü ci.

JEREMIAH 12:11

Ngami naw cun cu khaw k’pu ah pyang ci gui nei; cun cu kei ah ma ah shiu ne om ci nei. Khaw avan cu bung ah kyak ci, a u naw kä m’htei ci.

JEREMIAH 7:16

Bawipa naw pyen ci, “Jeremiah, shin ah chang gui ah phäh ah kä na taigü en vai. Ngami ah hnün ung kä na kyah en vai. Kä na taigü en vai; Kei ah kä na taigü en vai, kei naw kä ka ning ngai khai.

ISAIAH 34:4

Hni la cha ni, aisi gui cu m’vut ah khai gui. Khan kho mik cu k’sho ah mäih ah ng’tho ne maih khai, aisi gui cu, thei sing, käcung sapyit ung ka a hnah gui a kiawi ah mäih ah kiawi khai gui.

ISAIAH 24:4

Khomdek cu chaung ne ng’yai ci; m’dekhan apum ah thawaih ci; khomdek la khankhaw avan thuce ci.

1 SAMUEL 15:29

Israel gui ah m’gäi ciah Khanpughi cu kä hleei ci, am lung kä m’thawng ci. Ani cu chang ah kä kyak ci, ani naw am lung kä m’thawng ci nei” cik ci.

JEREMIAH 51:12

Babilonia k’paang tuk vai ah alan cu pe vä. Gaw ngäng ci gui khüighat sak vä! Ng’mah ne ng tuk khai gui tha gui vä!” cik ci. Bawipa naw Babilonia chang gui ah khan ah abi vai a pyen cu bik ci nei.

NG’ÄI KYAH 2:17

Bawipa naw abi vai ah am kyih nak cu, ak hnu ah bik ci nei. Ani naw acau pui a nak bäi gui pyi ah mäi ah ah chimgein nak kä om sei, ani naw na m’di gui ci nei. Ani naw mi ga gui am näng nak pe gui ci, mik mi ah yung kyak ah phäh ah yeikyai nak pe gui ci.

ZEKHARIAH 8:14

Hlüngtai ciah Bawipa naw, “Nami pupa gui naw ami na m’lungshe sak yah ung, ngami ah hmawk ah leigai ka pawng püi ci, ka m’lung kä ng’thawng ci, ka pawng püi gui cu ka law püi ci.