JEREMIAH 4:26 - Cho Bible Common Language 2016

²⁶ Anglei nik ciah khaw cu khaw ng’gau ah kyak ci; Bawipa ah nui aih ciah amlungshe nak awn acun ung mang gaw gui cu di yawp ci.

JEREMIAH 4:26 Referans Kwoze

SAM 107:34

A cun ung om ciah chang gui ah shetkat ah phäh ah ani naw ang lei ni cu m’sii m’dek ah kyak sak ci.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

JEREMIAH 12:4

Kami khaw cu a i güt ung chawng ne, lolai päng ung khu mghaw gui cu a i güt ung ng’yai khai gui ang? Kami chang gui ah shetkat ah phäh ah khisa gui la kha gui cu sik ci gui nei. Cun gui cu kami chang gui ah katnak ah phäh ah kyak ci, Cun ah chang gui naw, “mikmi ah bilawh cu Khanpughi naw kä hmuk ci nei” cik ci gui.

SAM 76:7

Cun ung phi nang Bawipa cu van naw ning kyih ci nei. Nang na m’lung she yah ung na ma ah a u kä ng’düi hlawt ci nei.

JEREMIAH 9:10

Kei naw ka pyen ci, “Khomhtung gui ah phäh ah kei ka thui kyap khai, khulim gui ah phäh ah ka kyap m’lau khai, a i ah kyasei ci ung ngami cu chawng u sei, cun gui cu kan ne a u kä hteit ba khai. Khiksa gui ah ng’ging gui cu a u naw kä ng’yak ba ci; kha gui la khisa gui phi dawng yawp ci gui.”

JEREMIAH 12:13

Ka chang gui naw htang phu ci gui, cun ung phi ng’hling khäm ba ci gui; ngami naw k’tha na ne bik ci gui, cun ung phi a i ah kä gah ci gui. Kei ah nui ciah ka m’lungshe ah phäh ah ami püm htang gui cu shum ci nei.”

TAIGÜTHUM 26:31

Nami mang gaw gui cu di nak ung ka ng’hlah sak khai, nami khawihnah nak ah hmun gui cu ka m’di khai, nami khawihnah nak gui cu kä dou ne ka mak khai.

JEREMIAH 7:34

Kho cu khong gau kho ah kya lawk khai, Judah mang gaw gui la Jerusalem lam gui ung, yeikyai lün lawi nak ah ng’äi gui la ng’chung la ei pawi ung yeikyai nak ah ng’äi gui cu kei naw ka ng’pyi sak khai.

JEREMIAH 25:11

Shin ah khaw cu dishum khai, hmuk ciah chang gui cu cäicat khaigui, ami pei ng’leng ah changpakhui gui naw Babilonia ghangpughang ah bii cu kum chikip ung bik khai gui.

NG’ÄI KYAH 2:7

Bawipa naw a sonkiang cu hnungtuk ne theingcim ciah Taigüim cu ng’gau sak ci. Acun ah paang gui cu ga gui naw ami gäi vai ah ani naw bi sak gui ci. Ayanä mikmi naw yei ne mi khawihnah nak man ung ngami cu näng nak awn m’lau ci gui.

ZEPHANIAH 1:18

Cun ah Bawipa ah m’lungshe nak hnüüp ung chang gui ah ghui ngui gui phi kä phyawng khai, khomdek avan cu Bawipa ah m’lungshe nak ah mei naw ui yawp khai. Ani naw khaw khüt sak khai — ang ghit ah khüt sak khai, khomdek khan ah om ciah chang nü ah khaw cu khüt sak khai.