JEREMIAH 4:21 - Cho Bible Common Language 2016

²¹ Kei naw a i güt ami ng’tuk ka hmuk khai ang, phyungheng gui ah ng’gin a i güt ka ng’yak khai ang?

JEREMIAH 4:21 Referans Kwoze

JEREMIAH 6:1

Benjamin chang gui, nami phiawn vai ah dawng vä! Jerusalem ung ka lauk vä! Tekoa ung phyungheng tum vä, Beth Hacaherem ung m’hnüt nak ah mei im co vä. Leigai la dishum nak cu a siiptäng ah ka lawk khai nei.

JEREMIAH 4:19

Nat nak! Nat nak kä ka m’khüt hlawt ci! Ka m’lung m’sin! Ka m’lung m’sin ng’tum ci nei! Kei adüm ah kä ka om hlawt ci; Kei naw phyung heng k’aw gui la, ng’tuk nak gui ka ng’yak ci nei.

2 SHONTÄP NAK 36:17

Cun ah kyasei Bawipa naw Babilonia ghangpughang khü ne a tuk sak ah kyak ci. Ghangpughang naw Judah chang nong gui ngawn gui ci, Taigüim ung phi ngawn gui ci. Ani naw, a hmaw, ang vai, hnumi pami, ak gaw ak gai, a u phi kä chimgein ci. Khanpughi naw ami van ani am a ap ah kyak ci.

2 SHONTÄP NAK 36:10

Kho hting law khäta Ghangpughang Nebukhadnezzar naw Jehoiachin cu pha ne Babilonia ah hteh püi ci, Taigüim ungka khawhcham gui phi hteh püi ci. Nebukhadnezzar naw Jehoiachin ah pukhaw Zedekiah cu Judah la Jerusalem ung ghangpughang ah tha ba ci.

2 SHONTÄP NAK 36:3

Egypt ghangpughang Neko naw ani cu pha neta, Judah gui naw ngui 3,400 kilogram, ghui 34 kilogram ami pek vai ah k’thäh ci.

2 SHONTÄP NAK 35:25

Ghangpughang Josiah ah phäh ah prophet Jeremiah cu ng’äi ci. Cun cu Israel ung ng’äi ci gui ah thungyo ah kya law sei hnumi pami ami van naw ani ah phäh ah thüisei u ne cun ah ng’äi cu m’cu ci gui. Cun ah ng’äi cu ng’äikyah gui ung ami m’cuun tu ah kyak ci.

JEREMIAH 4:20

Leigai tumat naw tumat läk lawk ci; Khopäng avan dishum ci. Ang ghit ah ka mi phung gui cu di ci; zihdung gui cu tek ne ng’phyit ci.

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.