JEREMIAH 4:20 - Cho Bible Common Language 2016

²⁰ Leigai tumat naw tumat läk lawk ci; Khopäng avan dishum ci. Ang ghit ah ka mi phung gui cu di ci; zihdung gui cu tek ne ng’phyit ci.

JEREMIAH 4:20 Referans Kwoze

2 THESSALONIAN 1:9

Ngami cu angtäi sei geinvai nak ah shetkat nak ung yaica khai gui, cun cu Bawipa awn ng’pai nak la abawimang nak awn ng’shawng nak ah kyak ci.

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

JOEL 1:15

Bawipa ah hnüüp cu ng’et ci nei, cun ah hnüüp ung m’gäi ci naw dishum nak law püi khai. Cun ah hnüüp ung a lawpüi vai cu kyih aih vai kyak ci nei!

EZEKIEL 14:21

Shin cu Uktu Bawipa ah a pyen ah kyak ci nei: “kei naw Jerusalem ah khan ah ak kaa pikbäih m’kyuk nak phli cu ka tüi lawk khai-cun gui cu ng’tuk nak, lei gai, khisa nget la gawp yam nak ah kyak ci-cun gui naw Chang gui la seime gui cu m’di khai gui.

NG’ÄI KYAH 3:47

Keimi cu leigai la dishum nak naw na pah gui ci, ng’ä ai nak la kyihkyawk nak ung kami om ci nei.

JEREMIAH 17:18

Kei na dukdeiu nak ci gui ah khan ah thüisei nak law püi ä. Cun ung phi Bawipa, kei cu nak pawih na ä. Ngami cu kyihkyawk nak awn be sak gui ä, cun ung phi kei cu kä na kyihkyawk sak en ä. Ngami ah khan ah leigai law püi ne, akhui k’pii ah kyak sak gui ä.

ISAIAH 33:20

Zum nak ah pawi mi bi nak ah zion, mang gaw cu teng vä. Jerusalem cu teng vä! Cun cu om nak ah nik ciah, ng’geing ciah hmun ah kyak ci nei! Cun cu kä ng’plon phung ciah phung ah mäih ah kyak ci, ak tung gui kä pui mäih phung cu, a gui, gui kä pit phung ci.

ISAIAH 13:6

M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

TAIGÜTHUM 26:24

Kei cu nangmi ah khan ah ng’hlat law ba ne, ayan ka ah tah ak chih ah nui tuba khai ah ka ning m’kyuk gui khai.

TAIGÜTHUM 26:21

“Cun güt ung phi nangmi cu ng’lüm lä u ne, kei na läk vai ah nami maa ah a kyak ung, kei naw ka ning m’kyuk nak gui cu ak chih ah ka han m’däm ba mä khai.

TAIGÜTHUM 26:18

“Shin gui avan kya güt sei, nangmi naw kei kä nami na läk ah a kyak ung, kei naw ka ning m’kyuk nak gui cu ak chih ah ka m’däm khai.

PHYAWN NAK 33:5

Moses naw chang gui am’thein gui vai ah Bawipa ah thumkhän cu, “Nangmi cu m’lung liing chang ah nami kyak ci. Kei cu nangmi awn a täng ah a shäng hta ka hteh ung phi, ka ning m’di gui yawp khai kyak ci. Tuhbäi nami ghui lung gui cu suut vä, cun kawn ah nangmi ah khan ah a i ka bi vai cu kei naw ka k’bäi khai” cik ci.

HABAKKUK 3:7

Kuhshan chang gui cu kyi u ne, Midian chang gui cu ng’hlet u sei ka hmu gui ci.

JEREMIAH 4:6

Zion täng ah mang vä! Phyawn vai ah dawng vä! Kä shokshü en vä! Bawipa naw leigai law püi ci nei, a siiptäng ah ka m’dishum nak akdäm gawk lawk ci nei.

ISAIAH 54:2

Na om nak ah im cu ng’shawng sak ä; a gui gui cu ng’shäi khai ah kaih ne, tung gui cu htek sei ng’ling ä!

ISAIAH 47:9

Cun ung phi, ashäng hta, hnüüp ät ung, cun gui avan cu kyak khai nei. Cecai nak gui avan na mang nak ah hnün ung Na cei la na hta gui cu maih khai gui nei.

SAM 72:19

Ang täi sei aming küi cu m’taam vä! Abämang nak cu m’dek khan avan ung be sä. Amen! Amen!

KHEI NAK 16:45

“Shin ah chang gui ah ami hnu ung ng’düi vä, Kei naw a shin ung ka m’di law gui khai.” Ngani ani nik hnih cu m’dek ung hmai na ne kawp ni neta,

KHEI NAK 16:21

“Shin ah chang gui ah hnu ah ng’shawng ne ng’düi ni ä. Kei naw akten ah ka m’di law gui khai nei” cik ci.

TAIGÜTHUM 26:28

kei naw m’lungshe nak awn nangmi ah khan ah ng’hlat law ne, ayan ä kaa ah tah, ak chih ah ka pi khai ah ka ning m’kyuk gui khai.

ISAIAH 15:5

Kei ah kamlung cu Moab ah phäh ah kyap ci nei! Chang gui cu Zoara gawnu la Eklath Shelishiyah ung gawk ne dawng ci gui. Amshah ui luhith lam ung kai ci gui, ami hteh yah pum kyap ci gui; amshah cu m’lau ne kyap ne, Hero naim ah phyawng ne gawk ci gui.

JEREMIAH 4:21

Kei naw a i güt ami ng’tuk ka hmuk khai ang, phyungheng gui ah ng’gin a i güt ka ng’yak khai ang?

JEREMIAH 4:27

(Bawipa naw pyen ci, khomdek khan avan cu loung khonggau ah kyak khai, cun ung phi ani naw avan kä m’di yawp hnga khai.)

JEREMIAH 12:11

Ngami naw cun cu khaw k’pu ah pyang ci gui nei; cun cu kei ah ma ah shiu ne om ci nei. Khaw avan cu bung ah kyak ci, a u naw kä m’htei ci.

JEREMIAH 9:18

Chang gui naw pyen ci gui, kami mik ng’phli tui awn be ne, Kami mik vun kyah ah ng’phli tui awn ang shüih güt ang ghit ah gook kyah ng’äi vai ah m’thein gui vä.”