JEREMIAH 4:19 - Cho Bible Common Language 2016

¹⁹ Nat nak! Nat nak kä ka m’khüt hlawt ci! Ka m’lung m’sin! Ka m’lung m’sin ng’tum ci nei! Kei adüm ah kä ka om hlawt ci; Kei naw phyung heng k’aw gui la, ng’tuk nak gui ka ng’yak ci nei.

JEREMIAH 4:19 Referans Kwoze

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.

ISAIAH 22:4

Sik ciah ka chang gui avanah phäh ah ak tung ah ka thüikyap khai ah tuhbäi ka mät bang na nawng vä. Kei na k’bäi vai ah kä nami tha nak vai nei.

ISAIAH 16:11

Kei cu Moab ah phäh thüi ne ka ngüük ci nei, Kira Heres ah phäh ah ka thüi ci nei.

JEREMIAH 9:10

Kei naw ka pyen ci, “Khomhtung gui ah phäh ah kei ka thui kyap khai, khulim gui ah phäh ah ka kyap m’lau khai, a i ah kyasei ci ung ngami cu chawng u sei, cun gui cu kan ne a u kä hteit ba khai. Khiksa gui ah ng’ging gui cu a u naw kä ng’yak ba ci; kha gui la khisa gui phi dawng yawp ci gui.”

JEREMIAH 9:1

Kalu cu tui shawk tui ah mäih, kamik gui cu tui hta lawng ah mäih ah a kyak vai ka ng’ya hlük ci, Cun ung kei cu ami ngawn gui ah ka chang gui ah phäh ah amü a hnüüp ka kyap hning khai nei.

ISAIAH 21:3

Muimang ung ka hmuh la ka ng’yak naw kyinnak la natnak na pek ci nei, cun natnak cu a nau poi m; neh ciah hnumi ah m’neh ah mäih ah kyak ci.

KALATIAN 4:19

Kam hni ah ka hta nau gui aw! Bawi Khrit ah m’lung ngaih nangmi ung kä a om pha ah chuih, kei cu hta lawk khai ah nu ah mäih ah ka yaica ci nei.

DANIEL 8:27

Kei cu khaw hnüüp akda ung ka m’lung na sei ka gaw pai ci, Cun kawn ah kei cu tho law ne, ghangpughang ah ana bi sak ah bi cu ka bik khai ah ka hteit ci. Cun ung phi muimang ah phäh ah ka m’lung gogan sei, a i phi kä ka hmat hlawt ci.

DANIEL 7:15

Ka hmuh ah muimang naw na cäicat sak sei kei ang htei ah ka cäi ci.

ISAIAH 15:5

Kei ah kamlung cu Moab ah phäh ah kyap ci nei! Chang gui cu Zoara gawnu la Eklath Shelishiyah ung gawk ne dawng ci gui. Amshah ui luhith lam ung kai ci gui, ami hteh yah pum kyap ci gui; amshah cu m’lau ne kyap ne, Hero naim ah phyawng ne gawk ci gui.

SAM 116:7

Ka mumcha, m’lung üp ä, kei ah khan ah Bawipa cu bä pyi ci nei.

ROMAN 10:1

Phäi nau gui aw, kei naw ka chang gui hun nak ami gah vai cu ka m’lung kyong avan awn ng’ya hlü aih netah, ngami ah hmawk ah Khanpughi ah ka taigü ci nei.

AMOS 3:6

Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?

DANIEL 7:28

Shin cu ka ng’mang ah mawng ang pyi nak ah kyak ci. Kei cu ang htei ah kyikyawk neta ka ng’haam ci, a cun gui avan cu ka m’lung ung ka tha ci.

NG’ÄI KYAH 2:11

Ka mik cu thüikyah nak awn yai ci, ka m’lung kyong cu khüikha aih ci. Ka chang gui ami dishum ah phäh ah thüi ne kei cu ka k’tha maih ci nei. A hmaw hta gui la nau sen hta gui cu mang gaw lam gui ung ami tha käi ne om ci gui.

NG’ÄI KYAH 1:16

Cun ah kyasei kei ah ka mik cu ng’phli tui naw nak plüm ci. A u naw kä na shungvong hlawt ci, a u naw thamah nak kä na pe hlawt ci. Ka ga gui naw na näng pyi ci gui, ka chang gui ung a i kä k’pawih ci.

JEREMIAH 23:9

Ka m’lung cu ng’deeng ci, kei cu ka ng’thüng ci nei. Bawipa ah a phäh ah, ang thu theing gui ah phäh ah, sapyit tui akda aw aih ne, awktat ciah chang ah mäih ah ka kyak ci nei.

JEREMIAH 20:9

Cun ung phi kei naw, “Kei naw Bawipa kä ka m’hnih khai nei, ani ah min gung ng’thu kä ka pyen ba khai nei,” ka ciah a kyak ung, nang ah ng’thu cu kei ah m’lung kyong ah mei ah mäih ah ui ci nei. Kei naw cun cu akyong ah ka k’pan vai ah ka tha nak ci, cun ung phi kä ka k’pan vai ah ka tha nak ci, cun ung phi kä ka k’pang ba hlawt ci nei.

JEREMIAH 13:17

Nangmi naw kä nami ngaih ah a kyak ung nangmi chang ah nami ng’shei ah phäh ah adüm ah ka kyap khai; Kei cu ak tung ah ka kyap khai, ka ng’phlitui cu long khai, a i ah kyasei ci ung Bawipa ah chang gui pha ne ami hteh püi gui ah phäh ah kyak ci.

JEREMIAH 4:21

Kei naw a i güt ami ng’tuk ka hmuk khai ang, phyungheng gui ah ng’gin a i güt ka ng’yak khai ang?

JEREMIAH 4:5

Kho avan ung phyungheng tum vä! Ng’htei khai ah phyungheng tum vä! Judah la Jerusalem chang gui cu m’thein gui vä, khäng htek ciah mang gaw gui ah ami dawng vai nei.

SAM 146:1

Bawipa cu m’tam ä! Bawipa cu m’tam ä, ka mumcha!

SAM 119:136

Chang gui naw na thukhän kä ami läk ah hmawk ah tuinu ah mäih ah ka ng’phli li ci nei.

SAM 119:53

Changshe gui naw n a thukhän ami gäi ka hmuh ung, kei cu ka m’lungshek ci nei.

SAM 103:1

O Ka mumcha, Bawipa cu m’taam khah ä! Ka ghin nak avan, aming theing cu m’taam khah ä!

SAM 16:2

Bawipa ka ning pyen nak ci, nang cu ka ning Bawipa nei; kei ung om ciah akni phung avan cu nang ungka lawk ci nei.”

SUKI GUI 5:21

Kishon tuinu ng’güüt ne law ne ngami cu hteh gui ci nei. Kei ka ng’phäi lawk khai, thaghat ne, ka ng’phäi lawk khai nei!

KHEI NAK 10:9

Nangmi nami khaw ung ng’tuk a om law ah a kyak ung, ning tu law gui ciah nami ga cu, nami mät ng’gung ne nami hnungtuk püi vai. Shin ah phyungheng tum ne ng’tuk bi nak ah mawng nami m’dang vai. Kei, Bawipa, nami Khanpughi naw ning m’hteihtang gui ne, nami ga gui ungka ka ning phyawn gui khai.

ATÜNNAK 49:6

Ngani ah ng’zih thuh nak ung kei kä ka ng’pang khai. Ani chang bum ung phi kä ka ng’päng tuk khai. Ngani cu m’lungshe ne chang ngawn ci goi. Sei khaw ng’dääk sak ne gü ng’lah ci goi.

1 KORIN 14:8

K’Phyungheng tum ah k’aw kä a ng’theiu vah a kyak ung, gaa tuk vai ah a u kä pawng m’teim khai nei.

JEREMIAH 6:24

Jerusalem chang gui naw pyen ci gui, “Keimi naw cun ah mawng kami ng’yak ung, kami kut cu caai ci; keimi ung natnak gawk law sei, hta lawk khai ah hnumi naw a poi am neh ah mäih ah kami m’neh ci.

JEREMIAH 8:21

Kei ah ka chang gui cu ami dep gui ah kya sei, kei ah ka m’lung cu ng’deng pyi ci gui nei: Kei cu thüi kyap ne, ang htei ah ka thüi aih ci nei.

JEREMIAH 49:2

Cun ung phi mang gaw tung Rabbah ung om ciah chang gui naw ng’tuk nak ah k’aw ami ng’yak vai ah kei naw bi nak vai ah akhin cu gawk lawk ci nei, cun cu m’di neta, pigaw hta gui cu mei awn m’khih m’deih vai nei. Cun kawn ah Israel gui naw lak pe gui te ciah chang gui ah ka ami khaw cu la ba khai gui nei.

JEREMIAH 50:22

Ng’tuk nak ah ak’aw cu cun ah khaw ung mi ng’yak khai nei, dämduh ciah dishum nak om khai nei.

DANIEL 4:19

Cun ung Daniela, Belteshazzar ah phi ami kh cu, cäicat aih neta a i phi kä pyen hlawt ne om ci. Ghangpughang naw ani am, “Belteshazzar aw, mang la mang ah mawng ung kä cäicat en ä” ci nak ci. Belteshazzar naw m’shang ne, “Mang la mang ah mawng cu nang ah phäh ah kä kya en ne na ga gui ah phäh ah a kyak vak ah kei naw ka ng’ya hlük ci nei.

2 GHANGPUGHANG GUI 4:19

Ang ghit ah ani cu apa ah ma ah m’lau ne, “Ka lu na vei! Ka lu na vei!” cik ci. Apa naw achangshäm am, “A hmaw chang ne anu ah hteh püi ba ä” cik ci.

2 GHANGPUGHANG GUI 8:11

Elisha naw Hazela cu cäicat khai ah m’dei ne kä om thei güt khai ah a hmai ung teng neta, Elisha cu ang ghit ah amit tui ng’kya lawk ci.

ISAIAH 21:4

Kei ah kalu cu nak phiui ci nei, kei cu kyi ne ka ng’hlet ci nei. Kei naw khaw mühun cu ka gingeo ci nei, cun ung phi cun naw a i kä law püi ci, kyih nak bang ah kya ci.

JEREMIAH 8:18

Ka azä nak cu a u naw kä gai sak hlawt khai; kei ka m’lung ung ka gaw ci.

NG’ÄI KYAH 1:20

O, Bawipa, kei ah ka omdam nak aih, ka m’lung a khüikha nak aih cu teng ä. Kei ah ka katnak gui ah hmawk ah ayä nak awn ka m’lung cu payak ci nei. Lam gui ung ngawn nak om ci, kyong khui ah phi sih nak om ci.