Biblia Todo Logo
Bib sou entènèt

- Piblisite -




JEREMIAH 4:16 - Cho Bible Common Language 2016

16 Ngami law ne changpakhui gui cu ng’thu k’bäi khai gui, aksho nak khopäng ah ka ga gui ami law ah mawng Jerusalem am m’thein khai gui. Cun ah ga gui naw Judah mang gaw gui hawh shaak ne hnungtuk khai gui.

Gade chapit la Kopi




JEREMIAH 4:16
18 Referans Kwoze  

Tuhbäi! Jerusalem ciah m’hnüt ah m’la cu ani ah akpat täng kut ung k’paang lawk ci. Acun naw hteit ne ng’tuk nak singtawn pyan vai, ng’tuk vai ah m’lau vai, m’kawt gui hnungtuk ne shung nak tung gui tha vai, m’dek khui gui cawh vai, myawng gui cawh vai ah ani am m’thein ci.


Israel chang gui, Bawipa naw a shou nak ah kaa changpakhui tumat cu ning tu gui khai ah law pui ci nei. Cun cu khüighat ciah pakhui phyimah kyak ci, nangmi naw ng’thu kä nami hmat ah pakhui tumat ah kya ci.


Cun kawn ah prophet Isaiah naw ghangpughang Hezekiah law neta ng’shik ci, “Shin ah Chang gui a hawi ka ang ami law, a i ang ami ning pyen nak?” Hezekiah naw am shan ba cu, “Ngami cu aktä ah athuuk nak ah khopäng, Babilonia ah ka lawk ci gui.”


“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!


Zedekiah, Judah ghangpughang ah a kyak nak ah akumkaw nak a cha gha nak ung. Babilonia ghangpughang Nebukhadnezzar naw agakap gui avan awn law ne Jerusalem cu tu lawk ci.


Bawipa naw pyen ci, “Pakhui gui, na ngai vä, kei ah ng’thu gui cu ashou nak khaw yung ah shäu vä. Kei ah ng’thu gui cu ka püi sak gui ci, Cun ung phi ka k’bum ba gui khai, Htoshäm naw htome gui a ngäng ah mäih ah ka ngäng gui khai.


Büh mang ci la dukhaih ci gui cu shin ah kho ung sik khai gui, cun ung phi a u naw kä phuh gui khai, ngami ah phäh ah a u kä thüisei khai. A u naw phi a thüi am dang nak ah amät vun kä nat sak khai, alu kä k’teek khai.


Cun ah kyasei Bawipa naw pyen ci, “Ngai vä, nangmi changpakhui gui, ka chang gui ah khan ah a i ah kya lawk khai cicu hmu hmat vä.


Acun ah phäh ah bung ah om ciah phong kawng naw lo gui khai; K’pyama ah om ciah hngei gui naw phyit ne k’teek gui khai. Kawng hta gui naw ami gawnu gui ung mah gui ne, chang gui akpung ah ami law ung phyit ne hlai gui khai, a i ah kyasei ci ung ngami cu ami katnak da aih ci, akhin päng päng ung Khanpughi ami ng’hlah tak ah phäh ah kyak ci.


Chang gui naw lo ami ngäng ah mäih ah ngami naw Jerusalem cu koi khai gui, a i ah kyasei ci ung Bawipa cu a chang gui naw hnungtuk püi ci gui nei. Bawipa naw pyen ci nei.


Ngami naw phongkawng ah mäh ah m’ngaw shi ci gui; ani ah kho cu khong gau ah kyak khai ah cikci gui, ani ah gaw nu gui cu di ne ng’zän ci, nawng lüng vai ah kyak ci.


Law vä, chang pakhui avan! Ng’bum uneta ngai vä. Khomdek apum la acun ung om ciah a ghing avan shin ung law ne ngai vä.


a i ah kya seici ung a siiptäng ah ka changpakhui avan cu kei naw ka khü gui ci. Ami ghangpughang gui naw ami mang-kiang gui cu Jerusalem m’kawt gui la angveing paang gui, la a cun ah mäh ah ahei Judah mang gaw gui angveing gui ung cokyang ci gui.


Ngai vä! Kho avan ung ka chang gui kyap u sei ka ng’yak ci nei. “Zion ung Bawipa kä om ba ne ma? Zion ghangpughang cun ung kä om ba ne ma?” 2 Bawipa, ami ghangpughang naw m’shang gui ci, “Nami agup gui khawihnah u ne, akholä ah kyak ciah akho hei khanpughi gui ah ma ah kawp u ne, a i ah kyasei kei cu nami na m’lungshe sak ang?


Khomdek aw ngai ä! Ngami ah bilawh avan m’kyuk nak vai ah shin ah chang gui ah khan ah kei naw dishum nak ka law püi ci nei, a i ah kyasei ci ung ngami naw kei ah m’thei thang cu hnungtuk u ne, kei ah ng’thu kä ami ngaih ah phäh ah kyak ci.


Bawipa naw pyen ci, “Asiip täng khopäng ung ka chang gui lawk ci gui; asho nak ah om ciah m’gäi ciah pakhui naw ng’tuk vai ah pawng ci nei.


Ngami naw ami lo gui la ami khim sem gui cu la ge ci gui; ngami cu m’ghämce u ne chingein nak kä om ci gui. Ngami cu ng’se gui ng’cum u ne tuinu ah ng’hmum ah mäih ah kyak ci gui. Ngami cu Jerusalem hnungtuk ne tuk ge vai ah kyak ci gui.”


Swiv nou:

Piblisite


Piblisite